🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

اجمل شي خلي هرمون الطزززز عالي طز في باشاغا و طز في الدبيبة وطن في المليشيات وطز في المدرعات في شارعنا يلعنبو السكنة الحرفة

انقول لسيد الدبيبة ياريت يريحنا ويحول من حي الاندلس قصدي حوشك يولي ثكنة عسكرية لاباس؟ مدرعات في الشارع لاباس؟ لما احني بنهجو ونطلعو كيف الراي؟ اهلك أكيد مش قاعدين وكان على الحوش عادي فوته المهم راحتنا وسلامتنا الكبد طابت☺

وين هاذوكم الباهيين اللي يجو يحزو في العركة كل مرة يعطو في كف لهذا وكف لثاني ويقولولهم برة العبو قدام حوشكم؟؟ اين انتم 444

أللهم استودعتك اهلي واحبايي واصحابي في الطريق السور الدنيا غادي بتتقلع لا حول ولا قوة الا بالله

قصدكم توا قعد غنيوة بس في الجبهة ضد الجميع؟ كل المليشيات المسلحة في طرابلس تبع باشاغا ألا مليشيا غنيوة؟ بالله الفاهم يفهمني🤓

صباح الهدوء بس الاجواء جدا كئيبة.. المهم صبحكم بالخير والهني

جمعتكم طيبة يا ليبيين.. إن شاء تكونوا بخير وطيبين ووجوكم جميل وبعد أعتقد الوقت حان نعلنو و نعترفو بأننا مضاحك توا بتقول في خاطرك لععع انا حوذيق وفاهم بس للاسف لا خوضنا في الشأن الليبي دليل على أننا مازال مافهمنا الخلاصة اني درت حلو العشية بسبوسة😋 أنا وقرة عيني و نغيميشاتي😍

وبعد جهد الحمد لله فتح حسابي من جديد😭

أحلى حاجة في 17 فبراير نومة الخميس😴

أول مرة نكون ممنونة من انقطاع البنزينة.. هذا يا سيدك بن سيد امس وصلت للفيافي وشوفت حوايز الليم والخضرة وشميت ريحة التراب وهذاكا الورد الأصفر والموف كله على خاطر جغيمة بنزينة نبل بيها ريق كرهبتي المهم طلعت قصر بن غشير حلوة هلبة😍

شن الحل مع فرخ نقناق لما نشد التليفون يقعد يغبر فيها؟ تي والله شئ يخليك تعتزل الحياة كلها مش تويتر بس.. أستغفر الله وأتوب إليه الصبر

صبحكم بالخير والهني.. خاطري نعرف إصرار الشغب الليبي إن كارثة ح تصير وإن زلزال بيدشدشنا ويستنو غير امتى تصير حاجة بحماس غريب..!! أهو بحر جف..هزة..تسونامي..بركان بيتفجر في المتوسط وعيونهم كلها لهفة وشغف لكارثة جديدة بسلامتنا شعب يعشق المغامرة و ناشيونال جيوغرافيك 🥴

الفترة هاذي من السنة تلقاني ناشطة زي الطقاشة تجهيزات وتحضيرات و رمضان اهو قرب وريحته فاحت.. السني متبلدة ومتنحة وحتى على طويسة امية نقعد انادي في صغار خمول وكسل ونوم واللي موجود ساد بكل رضا أعتقد إني بديت في مرحلة النضج 😌والتناحة والامبالاة من الاخير كسبت راحتي وصحتي😊

مسيكم ماذا هنالك يا سادة؟؟ الحديد في حي الأندلس أشكال وألوان وبييييب ويمينك وسرينا تخبط والشيلات زحمة شكلهاعطلة نهاية الاسبوع زي وجه الدبيبة😤 منورين خوتنا الزنتان😊

فتحت تويتر لقيت تطبيع وإسرائيل مصلحتنا والمالطي ووووه راسي بيتفجر من تطبيقات الصغار غدوة و زادوها عليا المهم أعزائي الناس الباهين ماتعلقو وماتعطوهم اي اهمية ولا تكبرو برأسه اسرائيل كذبة و وهم ح يجي يوم وتنتهي تلك ثقتنا بالله ليبيا بعيدة عن التطبيع بشعبها اما حكومتها يستر الله

الفزعة نبي شيل مفتوح في حي الاندلس أو قرجي الصبح دورت مالقيت توا طلعت اهو بدت تأشر

شيل مفتوح يا جماعة الخير؟ خيركم السيارة واقفة بيا ماتجيش منكم تزغرط😤