تدفعني أمواج السنين عكس اتجاهات الشراع

ويلي على اللي حسنها حيل جاير نظراتها خلت حشاي يتشظى العنق عنق الريم لا صار ذاير والا النحر مثل اللهيب يتلظى

عز نفسك قبل تاتيك الاهانه و سير باقدامك على دروب المعزه و احذر تضيع من يديك الامانه و احرص تحافظ على حب التنزه

اذا ذكرت ايام ذيك الاماكن اذكر هنوف البدو لي عذبتني اعطيتها قلبي هديه ..و لكن ما قدرت قلبي و لا قدرتني

لا تزيد الملامه يا كسير الجناح أنفض الهم عنك و خل نفسك أبيه الأوادم رديه ..والليالي شحاح ولا يحقق مناك الا العزوم القويه حمد الحكماني

عشقتك يا هواي وصرت بك هيمان و ذوبتي حشا ..قبلك شعوره صلب وصرت الغير يوم آكلمه ب لسان وانتي كلمتي لك من صميم القلب حمد الحكماني

آنا خايف من المستقبل الغدار و انا خايف بعد عما يجود الغرس و بعيوني من الواقع حزن واكدار و بقلبي جرح ..عوقه مثل عوق الضرس حمد الحكماني

رغم الظروف اللي تؤدي للهوان من حزن وفراق ومعاناة و فقر ما تلعب الا في موازين الجبان والا الصقر مهما حصل يبقى صقر حمد الحكماني

رحتي وانا بعدك كذا ي فلانه لا فاضي ..ولاني من الملتهيه متشاؤم ..ونفسيتي تعبانه و مخدر ..و شخصيتي منتهيه حمد الحكماني

عن ذم شرواه يترفع قصيدي وابعد عن الاشكال هذي ..حشمه والا اذا شفته بيصبح ضديدي والله ل تله تل ..وادوس خشمه حمد الحكماني

هذا مكاني يوم كنت انتظرها غايب فكر ..لكنني حاضر الدمع و تمر قدامي تطوي خصرها وتشل معها قلب و تبرمج السمع حمد الحكماني

ذوقي رفيع ومعه نظره كبيره واختارت عيوني على حسب ذوقي اختارت البنت الغرام المثيره اللي من الضيقه تحرر خفوقي حمد الحكماني

يا حلو عودك يوم قام يتهزع كنه يعرض الدر لي يحتويها شد النظر صوبه ولحظه توزع بين المفاتن ..حسبي الله عليها حمد الحكماني

مستقبلي ضاع والسبه من رموشك اللي خذتني وخلتني بلا وجهه ونسيت حلم العمر وحلمت بعروشك لكن حلمي بها ما بان لي وجهه حمد الحكماني

مليتها رقمي وقالت لي تمام قلت الله الله ي السعاده آتيه و راحت ولا دقت علي بنت الكرام وانا رياح الشوق فيني عاتيه حمد الحكماني

غايبه وانا عيوني تحتريك وصورتك ف البال دايم حاضره اوقف انتظرك مع الغرفه هذيك ومن سألني ..قلت عندي محاضره حمد الحكماني

مليت افكر لاجل اسوي لي هدف ابناه ..والقاني بعدها هادمه يا حظ من تمشي حياته بالصدف ماهو يخطط ..للسنين القادمه حمد الحكماني