اسر يالليل القصير اللي تفاصيلك طويلة
العوض .. في ليلة ما تظلم الدنيا بختها
في رحاب الارض .. ساعات دقايقها ثقيلة
يتساوى عندي اللي فوقها بـ اللي تحتها
التظاهر بـ الفرح .. غير التظاهر بـ الفضيلة
اتركوني مثل ما اعرف نفسي اعرف مصلحتها
مع الناس لكن .. بس جسم بلا روح
تقول ان روحي يا ازرق الريش مسروقه
ترا لا يغرك يوم اسولف طرب ومزوح
جروح الفؤاد مقفلاتٍ .. بصندوقه
علشان ما يدري بها الخبل والمشفوح
ولا يفرح اللي وجعتي تضّحك إشدوقه
هنيك بريشك يا حمامٍ تجي وتروح
متى ماطرى لك تنفض الريش وتسوقه
من المعطيات يوادع الحلم شوف العين
مثل ما النهار يوادع الشمس لا غابت
جفاف الموارد يسلب القاع ثوب الزين
و شحّ الطموح يزعزع الموقف الثابت
من اللي تشوف العين في "زهرة العشرين"
سبقنا السنين العجله و روسنا شابت.