لي من الذاكرة عذر ٍقديم وسبب :

. " الغلا "  ما بيننا .. ماهو قريّب سارق و مزاح مع مزاح سارق بيتلاعب بي ، و انا راسي " مشيّب " من سواليف " الهوى " .. راعد و بارق قلت : ليش تجاذب الود ؟ وتغيّب و ليش " بابك " ينفتح مع كل طارق ؟ قال انا فارق  ، ضحكت و قلت : طيّب قال انا  طيّب  ، ضحكت و قلت : فارق .

البارح ، استرجع الذكرى على أنقاضي و اندم على كل وقتٍ فات ما أشعر به تْحاصر الروح ، ضيقة لازمٍ حاضي ولا معي من يقيني ما اتعذر به حاولت اعيش الحياه بـ قلب متغاضي و القلب عيا يوالف وحشة الغربه اساير الناس و اجامل على الفاضي رغم اختلافاتها فـ الطبع و التربه « محتاج فرحه

هلا مرحبا عدّ امتدادك على الايام عدد ما ارجهنّ البال وانساح بحلولك وش الصبح ؛ لولا وجهك وثغرك البسام وش الليل ؛ لو ما كان رمشك ومجدولك وش الحلم ؛ لو ماهو بصوت ٍيشع احلام وش الشعر ؛ لولا ضحكة عيونك وزولك وش العمر ؟ لولا طلة ٍ تشبه الانسام مضامي يا لو ما صح برقك وهملولك

" شاعر اليوم - مطحس بن حمد - امتعونا بذائقتكم ؛.

من أفضل ماقريت بالفتره الماضية /

مطحس حمد شاعر الجيل هذا

مساكم الله بالخير عندنا فعاليه بسيطه قصيدة مشتركه من ١٠ شعار مختلفين والاعلان عن الاسماء الساعه ٢ الفجر : ١- رشح رقم البيت الي يعجبك ٢- خمن اسم الشعار الشعار المبدعين 🙏🏼💐 : سعود بن ناصر راكان الشعيلي عبدالله بن فهاد فهّاد محمد بن فضاء هاني حمّاد - محمد ابداح مطلق المريخي سعد بن لويبه عبدالله الهضيبان

"جيّتك كنها المسيح ومريم الايام عذرا والغلا جذعٍ رجفه الشوق وانهالت ثماره"

سالفتك اللي من العام مفقوده :

الغرام انواع وأخطر نوع فيه .. الداكن مستحيل تعيش فيه الخطّر المجروحة من يعَشْق الفاتن اللي زينها .. متماكن كيف يطلع من هواها قبل تطلع روحه من سكن حبك بـ قلبه مايحرك ساكن عزتي لـ اللي سواتي ما عرف مصلوحه ودي آطالع جمالك طول عمري ، لكن يرتفع ضغطي من الأملاح .. يامملوحة

الله أنه لايجازيك باهمالك

من يعيد الشغف للي نفد من رصيده (لايعيد الرفاق ولايعيد المقاهي ) فاقد الرغبه يشوف الثمينه زهيده لي سنه مااخبر حاجه تشدّ انتباهي !

قربك من الله يعلمك وش معنى الثبات ومسّت الحاجه تعلمك معنى ، الطيبين - سعود بن مبارك

ٰ العمر رحلة .. والحياة دروب والعبد حرصه ، عذبه واشقاه كل الطرق .. تاخذه للمكتوب في نهاية الرحلة .. يبي يلقاه لابد له عقب الشروق غروب واللي شرا قربه .. يبي فرقاه #عبدالله_الطلحي

صوتيّة :

الله يجيرك من العثرات ياامير ويقبل تبرّعك يالشهم المفدّا ماهي كريّات دم الا سعاطير لو وزعّت للبشر مااحد ٍ تردّا بتشوف مابالرجال الا مناعير وكل ٍ على الطاله يقوم يتحدّا 💚

#حمله_ولي_العهد_للتبرع_بالدم يا ناشر السلــم ، يا قاطع نزاع الحروب يا مُــورد حبال " رؤيتنا " على " جمها " يمناك تغني دول ، وتقـوم منها شعوب ويسـراك تغني " بنوك الدم " من دمها #سعد_بن_مثيب

ٰ ان جاك محتاج متعني ويطلب سلف محتار مابين ذات اليد ، وسوق الغلا حاول تجمل ، وقول الله عليه الخلف ان جات وإلا اعتبرها عنك دفعة بلا #عبدالله_الطلحي