يقول رحيل الوهبي: ضدك ليا صاروا تحالف اوربا اضرب مثل بوتين في قلب كييف ما عاد به شياً يا خالد تخبّا برد الشتا ماهو مثل لاهب الصيف. #باشات_شمر

يقول جزاء البقمي: يا عضيدي فالحياة و راس مالي لا وقفت تعيد تشكيل الخريطه دون وجهك ما حسبت حساب غالي و العسيره لا نصت مثلك بسيطه يا حزامي لا عبس وجه الليالي و استفاق الهم و الدنيا شطيطه و الله انّي ما التفت في ضيق بالي لا ذكرت انّك على وجه البسيطه.

نجم بن جزاع الاسلمي: قل للظروف ان بيّنت صادق الود شكراً وقل لـ اللي تبيّن تراني ماني خوي اللي ليا ضاق ما ردّ انا خوي اللي ليا ضاق جآني.

يقول سعد بن محماس: حفيت اقدام الرّجا وأسنت عدود وصالك وأستباح البعد عرشك فالصّدر واحتله ٰ عاذرك ومقدرً ظرفك وكثر اشغالـك ومرخيً لك خافقً ماجاك منّه زله ٰ بس بكره لا قصر باعك وقصر ظلالك أسلم وسلّم على وجه الملام وقله ٰ شل يجمّال حملك في ظهور جمالك ما وراك الا ديارك والطريق تدله.

يقول مشعان البراق: بقى ذنب واحد من ذنوبي عجزت أنساه بعد ما هداك الله ياقلبي على التوبه لك الشوق يا ذنبٍ تركته لوجه الله عسى سيئات الشوق ماهي بمحسوبة.

يقول عبدالله محيل: ماكل نايض برق في خافقه سيل ولا كل حاجه تستحق المساري ولى زمان الرمح والسيف والخيل ولا عاد فالغابه سباع ٍضواري وبعض التعّب شقى بليا محاصيل يذوق منه الرجل هم وعزاري وبعض التعب لو كان فيه الغرابيل تشوف في درب الغناه المواري.

يقول ناسف بن شعمل السهلي: من منطلق صح وخطا فالبسيطه ان جيتها بالدين وان جيت بالسلم من لاوقف لك فالامور البسيطه ماهوب واقف لك ليا وقف العلم.

يقول عبدالله الطليحي: رغـم الألم ياقلب عندي قناعة إنك بحـاجة للشدايد تربيك وإن المرض لاطاب يعطي مناعة والضربة اللي ماتهدك تقويك.

يقول مشعل الشعيفاني: جبل جبل ماهمني حذف حذاف ولاضاق من فعل المساكين صدري قدري مع اهل الطيب والناس الاشراف ماجيت ادور عند الانذال قدري.

يقول نايف بن هادي: رافق شقردي نسل قوم ومشاكيل لا ترافق اللي للمواجيب جاحد لولا بهاذيل الزمن والغرابيل ما اخترت واحد عن ثمانين واحد.

يقول عبدالاله الرماحي: يا كبر شرهاتي على سـود الأيام ما عاد باقي شيء حتى طموحي قمت أتنازل عن طموحات وأحلام و أندب بـ حظٍ لين ما قام يوحي و اللي عليها أدرى ذعاذيع الأنسام و أغلى من عيوني عليّه وروحي علمي بها من يوم قالت لي العام ودي أروح وقلت من قلب روحي.

احمد البلادي يقول: مشينا على درب المعزه ونهّج العود وفي مدرسـة شيخ المراجل تعلمنا عسى الله يبعدنا عن العيب والمنقود وعسى الله فعيون النشاما يجملنا.

يقول متعب المرزوق: في زحمه الهرج تلقي للحقيقه مقام يوم المجالس مدارس والاسامي سمت سلم على الي ليا جر الكلام الكلام اما تكلم بكلمة حق ولا صمت.

يقول عبيد الدبيسي: تعبت اقوم بوجه الايام واطيح لا طاب جرحٍ ولا اندفن واحتسبته طقيت باباً ما معي له مفاتيح ابطيت اطقه واتعبتني اخشبته قلت اتركه يمكن يجي ريح ويطيح اثريه ليلٍ جمعته مثل سبته لو راس مالي قشعتين من الشيح سويت فنجال كيف وشربته.

يقول مساعد الرشيدي: الوقت ما يامن الرجال من غدره والراس ما ينحني كان الله احياني اشوم عن مجلس الحقران والهذره ابوي مبطي عن الهذرات وصاني يالله عن القل والعوزات و الحقره ومصافق الوجه بين فلان وفلاني ويالله عسى كان عز الرجل من قدره ما يجذب عري دلوي غير ذرعاني.

يقول بدر بن خرفاش: يالله بالعافيه والستر.. والجنه ورزقٍ عن الناس يغنينا ويكفينا نفوسنا ما تمنّ .. ونكره المنّه ويحرم علينا لغيرك نرفع يدينا.

يقول مبارك بن رادعه. غفلت عن عمري وسايرت الأيام والعمر مثل العصر والعصر فوات وكسبت من كثرالاماني والأحلام حلمٍ تعلق لا تحقق ولا مات.

يقول نواف الدريع: من لا يداري خاطرك لا تداريه بعض المدارى للخواطر مذلهٰ كم واحدآ تتعب على شان ترضيه ويصير ظنك فيه ماهو محله والصحبه اللي من وراها مشاريه احظر تجامل صحبته رح وخله عليك باللي كل ماحل طاريه كلمة نعم تنساقله وتحصله.

يقول عبدالاله الرماحي: لو أنت يامطلاعنا ما أنت بـبعيد و عليك كم وكم ناسٍ تعنّت جرّيت صوتي بالغناء و الاناشيد مثل الطيور اللي على الغصن غنّت حالي مثل حال الصغيره مع العيد قبل تنام من الوناسـه تحنّت.

يقول تركي ابن حصين: لا ترخص اللي فالقسا تامره أمر لا شانت اضروفك وجابت وودت تراه مثل الماء على لاهب الجمر يحدّ عنكْ المشكلة لا تحدت صداقة الطيب مثل فرصة العمر تجيك مره وان تعدت تعدت