يارب تجعلنا من اللي يفوزون عند الأذان .. بدعوةٍ مستجابه .

السلام عليكم ورحمة الله وبركاته *تقبل الله طاعتكم* *وعيدكم مبارك* *وكـل عـام وأنـتـم بخير*

انا اتذرى بالله فـ خمسة اوقات  مانيب في وجيه الرجال اتذرى .

الحياة كأنها شطر سفر الدغيلبي يوم قال : "شي مقدورٍ عليه وشيٍ فوق الإستطاعه "

لاتضع فاصلة ، في مكان يحتاج نقطة .

الصبر محمود و إن الله مع الصابرين يالله بـ حظٍ مثل نُـور الصبح لا شَرَق..

" النصيحة الأولى والأخيرة .. " كُن قوي ، ومُكتفي ، ومُستغني .."

لا تحسب إن العداله مساواة الجميع حكمة الله فـ الاصابع ما خلاها سوا .

الصبر حكمه والامل يطرد الياس والجد والاخلاص قيمة وشيمة والعز هيبة والشرف يرفع الرأس والكذب سلعة مالها أي قيمة .

فن المجامل فيه .. فنان بالحيل احسسك بإنك ذكي وانت ضايع .

يالله رجيتك اكفنا شر الاقدار وحقق لنا اللي ماتطوله يدينا واسألك غفرانك وعتقك من النار واكتب لنا الجنه مع والدينا .

نشاما توسّع خاطر الضايق المغلوق على المرجلّه والطيب عجلٍ تسابقها .

المستريح اللي جمع بين ثنتين صدرٍ وسيع وذاكره لك عليها .

الطيّب يطيب بـ فعوله وبـ لسانه جاروه بالطيب ، ولاّ لا تحنّونه من طهره يشوف كل العالم اخوانه ومن خبثهم كلبوهم يستغلّونه

تْمرني مواقف الدنيا مثل فصل الخريف اللي ثبت رجّال واللي طاح دون المستوى

المجتمع يشكي من صغار العقول اعوذ بك يارب من سوء القضاء البعض مافيهم حياء فيهم فضول وأنا ماعندي كِبر عندي كبرياء اللي عليّ الأجتهاد ، أما القبول ؟ سبحان من يعطي القبول لمن يشاء مع أحترامي للمشاعر عرض وطول لا يوجد أجمل من شعور الاكتفاء .

ماعلى وجه البسيطه مستريح كل جوفٍ فيه همٍ منزوي القوي يحاول انه مايطيح والضعيف يحاول يسوي قوي .

لا ترمي المزحه على كل جالس ترا نفوس الناس ماهي سويّه احفظ لسانك لادخلت المجالس ماكل من قابلت « تصبح خويّه ».

انصاحب الطيبين وناخذ ونعطي على الشرف والوفا والعز والنخوّه ولا ترا صحبة الرديان ما تبطي اهدافها ساقطه وحبالها رخوّه .

الطيب فطره والشجاعه من الله والمرجله ماهي بمنصب ولا مال والعاقل اللي كاف خيره وشره  ماهو مثل طبع الردي القيل والقال .