سولف علي حتّى ولو تكذب علي لان السحر في الصوت ماهو في الكلام انا فدا الصوت الرخيم المخملي صوتك .. ومن بعده على الدنيا السلام

خوذي وعد من صاحبك والوعد دين اني ما تخونك لعن ابو من يخونك والله لاعيشك الفرح لين ترضين واني لضمد في يميني طعونك

مهُره يجتمع فيها الغنج وألجمال مابعد شافت عيوني .. مثل زينها ذربه السّان ، فتنه حسّن ، زينه خصام تمشي وكل العيون تلتفت ..عليها

احتاجك بـ فوضتي واحسّني دوبي بديت ارتّب خطاي و دربي ادلّـه دارنيّ و ضمّني لا بان .. عذروبي انت اقرب لعاشقك من روحه وظلّه خذني بـ حنيّتك عن حِدّة اسلوبي عطني يدينك .. واناولك الرضا كلّه

لا تسأليني في البشر من تشبهين أنتي مثل ، للحين ما جا لك مثال بلا حور عين .. وبلااا غمّازتييييين جمالك أجمل من علامات الجمال

البنت هذي هناي وجنّتي فالغرام لو حولي الحور ؟ قلبي ما يبي غيرها مياسةٍ في جسدها لـ الحلي إنسجام من كعبها ، لي قلايدها ، لـ أساويرها الفتح ماهو جلوسي في رصافة هشام الفتح هو فتح أصابعها لـ أزاريرها

لابسات الخمار اللي تصافح خيالي ما تشابه جديلك ، لو تفّل الجديلة و مايشبّه جديلك في سواد الليالي الليالي عبوسة وجه ، و أنتي جميلة .

ارتاح من صوبي وقل ماتخفّيه عمر الغلا ماهوب عمر افتراضي قلبي لغيرك شي ماهوب ف ايديه وأبعد عليه من السما للأراضي الناس من بعدك هلا وأنت لبّيه الحاضر أنت وماضي الناس ماضي

لو تعرفين شكثر أحبك ... بكيتي عن كل يوم فيه ما كنت أحبك مره جبرتي خاطري وانتحيتي ومن يومها مملوك طيبك وطبك

فكّت ابواب المحبه بـ قلبي باب باب وجيشها اجتاح المحاني وسيطر واستحل في سواد رموشها لون من ريش الغراب ومن يشوف خدودها قال قارصها نحل

ناعسة منتي على طول .. ترضين لازم اضحي لك واضحي بحلالي لا تنظريني بنظرة الخوف تكفين انتي بوجهي من صدوف الليالي

لايلحقـك الزمن .. تكفيـن خوف دامني معك عسى الله يخليك لي حطيني بوجه الليـالي والظـروف خليك وراي . . وخلي البـاقي عليّ

يوم أعاف النوم لأجل السهر .. لا تزعلين من يحب النور من شامتك حب الظلام أضحكي لين أدري أنك وضحكاتك يقين وأمهليني عمر .. لين الله يجيييب الكلام

أنتي الهناء والحب الأول وتالي أنتي حياة القلب وانتي مقره "أنتي سماء دنياي وانتي ظلالي" أنتي القمر مايعرف غيرك مجره

مرحبا يا اللي ما بين الغيد وحدك دُرّه عند غيرك ما يجي للزين ذكر و طاري والله ان البال محدٍ غير زولك مرّه تسرحين بقلبي اللي يعشقك و افكاري من عرفتك و الغلا فـ الصدر لله دره يا اجمل ارزاق الحياة و مكسبي واقداري

على كثر الوجيه الغايبه عن راسي المزحوم حضر وجهك نيابة عن عموم وجيه غيابي يعس في قاع بالي فيضة جروح ومناقع لوم وينصب له خيام من السهر ويطير أسرابي خذاك الحلم من نوم العوافي لين صح النوم وخذاني ليل لا جيت أرقده وقف على أهدابي

و ان مشيتي تصير الارض مثل الحديقه و ان جلستي تصير الريح ( ريح المباخر ) انتي الفاصله بين الوهم و الحقيقه كل احبك لغيرك : كذبة بشكل آخر

ان زعلتوا وان رضيتوا ما يلحقكم ملامه الزعل والله زعلها والرضى والله رضاها

تحبّني واجد .. وانا أحبها ضعف عنها ما سولف بين قلبي وبيني ما كنت مؤمن قبلها بـ نقطة الضعف وجتني وصارت نقطة الضعف فيني

ميلي على عرش الجمال و حلّي خطواتك ..الوجله ثبات ..و رِقه قومي ..تهادي .و الحلا ..متجلّي فيك .الغنج و الزين ماخذ حقه معيار .حسنك بـ المتر .و الملّي صوغه ..من الذهب .فيها دقه