"ودي أبكي فوق قبره لين ما أسقي ثراه جعل تفداه المدامع وتفداه العيون"

"جعل تبقى سنينك وانت لي مع كل نسمه واد و غصنً لو تنعّم به سناي اشفق على ظلّه"

"عليك الملح والضحك الطويل ولملمته حجاب أنا لا هدّني حيل الليالي.. شفت معروفك"

"تقفِّل لي ظروفي باب و إِيدينك تفكّ أبواب معك يا طيِب صدري للحديث وما أزين مزوحي"

"وأنا والله يا قِبلة عيوني.. ما معاي إلّاك ثلاث سنين وأنت أكثر مشاويري وموضوعي"

"عسى ما لك ديارٍ في هواها يتعب العسّاس يا وجهٍ في تفاصيله.. لقت روحي مرابعها"

"يارب عيده عندك أجمل وألاقيه و عيديّته يا مالك الملك جنة"

"تمر أيام عمرك دون رغبه عاث فيك الياس على ضفّة مشاوير السنين تْقول ميّت حيّ" - صالح الهويملي

"مشيت أعزل على رمضا الحياة أتل صبري تَـل من بيلقى عقب طول التجافي ضحكة أيامه؟"

"زادني موتك ولاء للأرض لو مالي ولاء قبل طينك يختلط في طينها و أشجارها"

عليه حزني لين أجاور ترابه

"غربتك صدرٍ وسيع، وشوفتك شربي وزادي يا بعد كل السنين الوَارفه، والجرهديه"

"أرثيك فالفايت اللي زلّ من عمري و أرثيك في عمري اللي ما بعد جاني"

"باقي من الليل مايكفي لشِّعر وصلاة ثنتين ما تجتمع فيني.. وجمّعتها"

"لك الله نهار العيد هذا نهار جروح يذكّرني أعيادٍ.. وجودك مزيّنها"

الفاجعة أمّ المصايب والاكدار لا راح منهو ما شعَرت انّه يروح