لا تحسبني قبل ما احب عندي ميول !! ترى ما كنت اعترف بالحب واللي يحب من تجربة قلبي اللي كان عنده فضول عرفت معنى الحياه اللي معك يا محب سبحان من حط في وجهك حياه وقبول وجعلك في عيوني الثنتين اغلى واحب

فيها من العفة اللي كبر وزن الجبال وفيها من الطيبه اللي خارج السيطرة وفيها من الدين مايرضي عزيز الجلال من خوف ربي خطاويها على المسطرة 🤍

عادك الثابت لو أن الوقت له وقفه و دوره وعادك بقلبي قبل ماتكون في وجهي وجاهي مالفتني صاحب المظهر ولا عقله و شوره والله ماغيرك لفت عقلي ولا شد انتباهي

على الشوق الملامه لا عليك و لا عليّ خلاف جماهير الجفى ما همها الجافي من المجفي وداعي معذره يالراحلين و للوداع أعراف أعرف أشتاق مااعرف اتمسّك في يد المقفي

ولا زلت اشوفك بوصلة قلبي الشكاك وانا التايه اللي دل دربه مابين ايديك تسريني انسام الهبايب على ذكراك عساي اهتدي للمفرق اللي يدل إليك مع اني بذلت الجهد كله عشان انساك ما عندي سبب مقنع يخليني اخليك

- خل الكلام من اللسان اخذ الكلام من العيون الى بغيت تترجم شعور العرب ، واحساسها (:

والله اني ماهقيت انه مداك قرّيب شانت ظروف الزمان وشان وجهك معها كل مابانت خفيه قلت : طيّب طيّب من بغى فحص الضماير لازمً يوجعها الكلام ارخص عموله والفعول تشيّب هات انا من شافها وتروح انا سامعها النبا الطيّب نوافل لـ الذراع الطيب لا تسننّ للفريضة وانت ما تركعها

خذاك الوقت لكنّي عليك أشفق من الضمياان يا عدٍ قد بغيت أجيه ومن الحظ ما جيته وأنا اسمي عالي وباسي شديد وشاني أعظم شان لو أن جدك من زحول الرجال و ذايعٍ صيته

الصريح تحذفه العربان في سجن أنفرادي تالي الأيام قول الحق نوع من الجريمه يا زمن لا نيتي سودا ولا وجهيّ رمادي أنا من قوم تشوف الموت أحب من الهزيمه يفرقون أهل المبادي عن قليلين المبادي مثل ما تفرق عن الأحجار الأحجار الكريمه

لا تجرح العين وانت اللي بها ساكن وشلون ترتاح لا هلًت.. ..مدامعها صحيح انا قلت لك خذ راحتك لكن..! ما قلت لك راحتي خذها بعد. معها !

انا من الصدمه تغيرت بالحيل كبرت عشر سنين في ربع ساعه اقسم بمن يجلي نهاره عن الليل انه هتك صم الضلوع ب وداعه.

لا يابعد كل الوجيه .. الصادقه والاقنعه في ضحكتك كم زهرةٍ تورق وكم بارق يلوح . لاتسمع الحاسد ترا اللي تسمعه كنت اسمعه مامن ورى هذا الكلام الاّ المفارق والجروح . انت الفصول الاربعه وانت الجهات الاربعه وانا ليا مني بغيت اروح منّك .. وين اروح ؟

جهلت الطريق منين يبدا معك ولـ وين "يا شيٍ تفاصيله مع سجة الساهي" قصورك كمال.. وغيبتك مالها تخمين ! وعن أسمن عذر يطفي الزعل عذرك الواهي عرفت الظما قبلك وبعدك عرفته زين يواسي جفاف العود بعدك ظما فاهي وأدور عليك.. وما على الارض منك ثنين وإلى الحين "أحبك" تنتظر جُرأة شفاهي

سجين صدري كرهت ان العفو يشمله لكنه ابلش ضلوعي يوم حب الطلوع علمته شلون جنحان الأمل تشمله وقلت انحر الغيم لكن مالك الا الوقوع هذا هو الهجر دوج فيه واخذ اجمله واسجع مع كل ورقا للمفارق سجوع في زاوية من زوايا صدري المهمله يبقى لك من الغلا مايستحق الرجوع

لا تحاول تختبر صبري . . بكثر غيابك وانت حاجة مستحيل يصد قلبي عنها ' حافظك باصغر تفاصيلك وادقّ اسبابك ومعتبرّك اجمل توافيق القدر واثمنها ' جعل يفداك القصيد اللي يثير اعجابك تدري ان ذكراك بين الذكريات ازينها ' من كثر ما ذكرياتك ترتبط بـ اطيابك كل يوم امر ذكرى . . واتطيّب منها !

في كنف ليلٍ .. نجومه تشد الانتباه تبتدي غربة من يعيش في حضن بْلده من كثر ما هزّه الماضي اللي ما نساه وده انه ( مايفكر ) فـ بكرة وبعده من يدقق في جميع المراحل فـ الحياه لا يلوم الا التفاصيل ، لاخاب جهده كثرة التفكير في بكرة ، وفاللي وراه تشغل الواحد .. عن الحاجة اللي في يده

اللهم لك الحمد تم استرجاع الحساب

العذر في بعض الأحيان ما يَلقى قبول في وسع صدرِِ تحمّل زعل لين إمتلا مشكلة غلطتك ما تقبل أنصاف الحلول و المصيبه لك معزّه و تقدير و غلا قلت سامحني وانا الصدق مدري وش اقول خايف اساامحك مره وتاخذها حلا :)

اسعى ورى حلمك التايه و خلك جزوم لا تحسب حساب من ساعد ولا من جحد مسافة السعي خلف الحلم ماهيب يوم مسافه العمر ما بين المهد واللحد و إن وقفوا ضدك اللي يحبطون العزوم وقف لهم وقفة اللي ما عليه من احد