ما اعّرف احكي معا غيرك وآبوح كل كلمه في ضلوعي تحتريك بخاطري اشياء وشوله تروح وأنت تدري ما امون إلا عليك

نظافة القلب هي رزقـك من الدنيا مهما تضايقت لا تحقـد و لا تكره

يا ليت بعض الظنون تشوفها عيني مليت أحسّن ظنوني و أنصدم فيها

خذني على قد عقلي لا تزاعلنا واذا رضينا على قد الوله خذني

خلك مع الناس مثل الطّيب النافع لا قرب فرحوا به ولا ابعد تعنوا له

شطرٍ يطربني وانا حافظه غيب حكمه ولا هو مثل حكي المجله مهما تسوي للعرب من مواجيب عذروب واحد ينسف الطيب كله

بعض الشجر لويبطي الغيم ماأسقاه يموت راس الغصن و الجذع نابت مثل الكفو صلف الزمن لو تحداه تشوف حاله شين و الطيب ثابت

ترا الردي لو تحشمه قدر الإمكان عنده فعول الطيب مثل الإهانة

راع الردا لا تجبرونه على الطيب العبد ماله غير ماالله كتب له اشهد شهادة حق مدح الردي عيب مثل الصلاة اللي على غير قبله

ترى اللي يسوي الطيب في ناكر المعروف مثل من يصب الماء على وردة الزينه

ㅤ حنا مع الطيب مثل سهيل في حله نجمٍ ليا بان كل الناس تدري به

الطيب مثل النايفات الشواهيق ماهو بضاعه من بغاها شراها والمرجـله من عنـد ربي توافيق ماكـل من دوّر علـيهـا لقـاهــا

قانع من الدنيا مثل منت شايف لو هي تجي وتقول طب وتخيّر ما فيه حاجه تستحق الحسايف غير الرفيق الطيب إليـا تغيّر

ضمنيّ وقول غيرك ما عشقت ناظر عيونيَ وقول غيرك ما أبي

انا لا بغيت اجيه مالي عليه سلوم وهـو لا بغى الجيات ربعه يردونه احبه ولواني من مواصله محروم عسى من حرمني منه ماتبصر عيونه

ما طلبنا الناس مدح ولا شفاعه ولا نمن بشيء لا منا عطينا نفعل المعروف من طيب و قناعه ولا رفضنا شي ما يفرض علينا

تدري وش اللي حيّر الناس أمره والناس تسأل عن خفوقي علامة إني أشيل بداخل القلب جمره وأعطي على كثر الهموم إبتسامه

يقولون متغير و انا ماتغيرت من جيت للدنيا و هذا مسيري من عادتي لاضقت والا تحيرت اصد واكفي الناس شري وخيري

مثل حب الادمي للحاجه المنقرضه أيه أحبه موت في حله وفي ترحاله ياوجودي كل ماشاهدت صـورة عرضه مايفز القلب من بين الضلوع الا له

⠀ اشيل حمل الزمان بنفس مجبوره لو عزة النفس قادتني على قبري