مايدوم العمر وان دام يعني كم يدوم عام ، شهر ، اسبوع ، ساعه ، دقيقه ، ثانيه؟ هادم اللذات جزّاع وحصانه عزوم ودرجة المحّال تلحى حبال السانيه ووردة اسباب المنايا مثل زرق السهوم كم فقدنا من رفيق وصديق وعانيه مابكينا الا على اللي يسدون اللزوم جعل مآواهم جنان القطوف الدانيه

«تباهي في ذراي ولك يلين الخاطر الجلمود جعل قلب يوريك القسى ما يقبل إحسانه» — سعود مهدي

وأنت يا شرهة معاذيري .. وحلِّي وارتحالي أعرفك نجمٍ ما تستوعب مساريه المجرَّة - محمد السلطان

على حروة بكاء ،و تنهيده ، وغصّه ، وضيقة بال و على رجوى الرحَاب تْمرّ صدري كٌل ّ | فجريّه تمرّ سنين من عمري | وأنا في وحشه الترحال أخاف مْن التعلّق ،والقسى ،والدمع ، والكيّه يعذبني ؛ شعور إنّ الشعور احيان ما ينقال وشعور إني على وعر الطريق آحيان ..منسيّه

«انتي تمرين .. دايم في حياتي مثل تنهيدة الغبنة اللي فـ اخر السالفة — ناصر الحمادين

اقبل علي بوجهك المقبول يا سمح القبال تراني من مفارقك و مفارق ايامك سقيم إن كان وقتك غيّرك ساعه و شدّيت الرحال انا وقفت بوجه وقتي يوم حطيته خصيم !

جابها حب القصايد في طريقي لين صارت تلعب بقلبي مثل لعب الهبايب في شعرها .

" اسوق الرجاء في قولة الحيّ يلقى الحيّ وأنا داري إنك .. بعد قسّوتك ما لنّتي " - عبدالله السراهيد .

ما عاد باقي متسع .. لـ المشاريه من جاء على كيفه ومن راح بصّره — عبدالله السراهيد

"مُعاناتنا لا من دعينا وقلنا آمين تصير بـ فضل ربي سكون وطمأنينة لك الحمد يا رحمن في كل وقت، وحين أعيش بـ رحابة صدر وبـ نيّةٍ زينه أنا لي عقل شايب قريبٍ من السبعين لو إن قلبي الطايش يبي يعيش عشرينه"

يبتسم وجهي للايام بسمات الصبور بالصباح اليا تنفس و ليله لا سجا الحياة الفانية كلها نقطة عبور ليه اعلق حبل الآمال في حبل الرجا لا طغوا عِبادة الوقت و الدنيا تدور ما حسبت حساب منهو غرق ولا نجا اترك العالم تنافس على حب الظهور و اظهر بوجهٍ يبيّن لو انه في دجا

على طريق جدودنا اللي على الدين اللاش .. يقعد والشجاع .. يتبيّن من كثر ماحنا على الطيب ضارين الكايد .. اليا مرنا صار .. هيّن ما تنكرون .. فعولنا يـ المساكين اللي عليها .. كل جادل .. تزيّن حنا هل الميقاف .. والمنطق الزين وانتم هل الحقد " الدفين " المبيّن

كان جيتوا حول قبره يا زوّار القبور علّموه إن نار ضوّه .. تفوح دلالها ٰ وعلّموه إن عاد بيته على العزّ معمور والشكالة في عياله يسرّك حالها .

« لا شفت من غيرت الأيام منهاجه جزعت منه جزوع مجري الهيّب مالي ورى الناس لا مطلب ولا حاجة مَـا دام رأيي وجيه ومنهجي طيّب يالله بـ لاما رفيقٍ يضحك حجـاجه ويالله بفرقى رفيقٍ شبحه قريّب »

" ابسط حقوقي شجاعٍ مايخيّب ظني ابلجٍ لا من نصيته قال انا من دونك

"حتى لو ان وصالها ابعد علي من المُحال يكفيني اني قد كسبت من الغرام إعجابها " - خلف المسحمي .

أنا ما همِّني لا صار سيلي عارفٍ مجراه أبفرش ضحكتي بعيون كل الِّلي يمروني أنا لاني طريقٍ محدٍ صابر على ممْشاه ولاني دربٍ أخضر كل من جوني تمشُّوني وأنا ماني بـ بحرٍ كل من جاني شرب من ماه أنا صفحه من التَّاريخ تذكرني ما تنْساني .

لولا رحمة الله كان ماقمت يوم أطيح ولا كان نفسي حطت الصبر مركاها أكافح سرايا ضيقة الصدر بالتسبيح مثل ماتكافح رمدة العين بدواها تطيب الجروح الواجده والهموم تطيح من القلب كان الله بلطفه تولاها عسى المقبله فيها من الجود هبة ريح وعسى الماضيه تغفر من الله خطاياها

«مابكينا إلاّ على اللي يسدون اللزوم جعل مآواهم جنان القطوف الدانيه» — فلاح القرقاح

يصبرني على ثقل الليال إنْ الأمل ما زال ينسيني شقى النفس ويضوي لي متاهاتي أغيب بلا سبب ! وبلا سبب يربكني الترحال واعود للمكان إللي يضم أربع .. تجاهاتي مع إني هادي وجه وحكي لو ضاقت الاحوال يجي هذا الحزن صخب ويلازم فكرة أبياتي