هارب من الليل بالصمت / الكلام ماسك طرف عِلْم بس بدون عِلْم! قصير خطوة .. ويلحقني ملام يعذل عيوني قبل لا تشوف حِلْم أدخل لـ مغربْه من باب السلام وأطلَع مع اشراقته من غير سِلْم لولا استقامة (ألِف) هـذا (الظلام) يصير حُكمه على السُّمّار (ظُلْم)!

صادقة .. مثل الملامح فالصدف!

وكنت حلمه لا نسج بالليل حلمه من خيوط الحزن .. دمعات وجراح لين طارت من غصون البال كلمة ليه جا " مثل الخيال " وليه راح!

لا غشاك البرد يا سمح المحيّا أحطب الطارف من ضلوعي وشبّه هات من عذب السوالف ما تهيّا ودي أمسك صوتك بكفي وأحبّه :)

فل "رمشك" واستريح .. هذي ضلوعي عرايا وأنت جرحك هاب ريح!

مقسوم بك بين الرجا والتمنّي ياما جفل طيفك تغلّي، واْصيده وأبلّل بـ حسنك كلامي وأغنّي (إِلين تنبت في لساني قصيدة)!

لو على غصن السهر تنبت منابت ما مثل سهدي من جفوني تدلّى!

في قلبك الأبيض لي الحب مخزون بعض الغلا ما تحفظه غير الألوان! تهامَلت لي من سما حسنك مْزون واينعت بي صنوان أو غير صنوان ومن زود ما حكيك معي حيل موزون لو هزّت إيدي مسمعي طاح "ديوان"!

ما دام حسنك وريث النور .. وش حيلته وارث الظلمى!

جفاك الماطر السقّاي يا فلّاح وبقى بس عرقك يروي محاصيلك شجن صوتك تبدّل ونّةٍ وصْياح ولا فادتْك:(يا عينك) و (يا ليلك) أمانيك:الخرز، بس انقطع مسباح فلا تعقيب تختم به مواويلك ولكن يوم تبكي من قهر يا صاح ولا به كف تمسح لك هماليلك أنا بلسم مواجع أو ضماد جْراح كذا تصبح محاصيلك:مناديلك!

زمان الظلم شوك الضيم غَزّه .. بصدرٍ به "حديث" الآه" قُدسي" إذا عيني بكت لـ عيون "غزّة": أحس اللي جرى بالخد "قُدسي"! #طوفان_الأقصى

بل ريق الشمس من كف السحاب ينثني لك صبح .. وأقطف بهجته!

ما شرّع الليل بيبانه لـ جفني عبث ودجاه ما يوم رحّب غير في ما (غدَر)! ما ودّي أسأله عن مسراه .. أو كم لبث حولي ما دامه علـى شيلة همومي قدَر أكيد فارغ شجن .. محتاج واحد يبث حزنه .. ولا راح يلقى مثل صدري صدر!

تطري .. يميل الليل - تسقط قصيدة!

من كثْر ما فاحت أنفاس اللقى بك عبير عليك الأزهار صارت من بعَضها تغار!

لا تمطرين (شموس) وقلوبنا ليل خلّي الليالي من سهر حسنك تنام!

بـ غيابكم ما يُستساغ إلاّ الحنين اللي (امتلى) .. من بعد ما رحتوا (فراغ)!

أنا القايل: بأن الحب ما هو حب لو ما به نحيب ومدمعٍ سايل! وأنا القايل: بأن القُرب ما هو قُرب لو به غصن يتدلّى حنين .. وصرت له طايل! وأنا القايل: بأن الدرب ما هو درب إذا فيه "استقامة": ما تجي من حظّك "المايل"!

أغنية الليلة ؟ tellonym.me/79eeef

مُستبدة .. إن حكت مال الجدار وإن تعرَّت له تهده!