مالي معك حل الا الصمت والحيره تركت درب العتب من كثر مافيني طبعك معي تغير وصعب تفسيره تجرح شعوري جفا وتقول تغليني

تغافلتني هواجيسي وانا م دريت إلين حطت بوسط القلب جمرة غضى قمت اتذكر من الماضي بعض ما تنسيت واكثر ما يأثر علي فالحاضر الي مضى والصاحب اللي رضى يبعد وانا ما رضيت لكن بديت ابتعد وأرضى مثل ما رضى أتلا العهد به يقول اكلمك لافضيت واليوم قد له سنه واكثر وهو ما فضى

كل ماقلت له ي ابن الحلال المحبه عّطا وانت بخيل التفت يمي وهو عجل وقال لذة الحب في الشي القليل

الا يا وجودي وجد من هام يبغى النوم جفاها المنام وصار في خلوته همومه وقامت هواجيسه تنبش عليه علوم ويصفق ايدينه ويلعن الحظ ويلومه وجود اليتيم اللي من امه ربا محروم يجر الونين ولا حدن قال وش قومه

ليا من دعيته وقال لي «لبيّه» احس ب شعورٍ ماهوب دايم يجيني

اشوف كلٍ مع حبيبه تهنّى وانا حبيب الروح صعبٍ عليّا

محشُوم في عيني لكنك تماديت زَلت فعولك و الوفا ماهو بلعبه كنت العزيز اللي على الكل أغليك و اليوم حتى طيفك ما أتبعه

ياما على وصلك ركضت وتعنيت وفتحت لك قلب من الحب( تايب) وياما كسرت بخاطري كل ما جيت أرجع ودمعي فوق خدي سكايب والحين عنك ياهوى البال صديت حل الفراق وخاطري منك طايب

اعشقه واحبه واموت في هواه و اغار من طفلٍ شاف حنينه ياليت اقضي العمر كله.. ويااه وامسي كل لحظه بين ايدينه -سِــرب

كني على ايدين الصبر مولود مهما حصل لي ماعلي خلاف

مال للعذر ثاني و الوقت محسوب وعلى بيوت الشعر توصلك أوجاعي ابتدت بداخلي خذلان و حروووب لين ما ضاق كوني و ضاق اتساعي لو مديت عذرك بتبع شين الدروب ليه يا دروب حبه تنوين .. بصراعي؟ انت الخسوف وانا قمرةً مالي ذنوب غطيت نور بسمتي يوم نويت ضياعي -حِــلم💫

لا غشاك البرد ي سمح المحيا احطب الطارف من ضلوعي وشبّه

لا قالو تحب قلت ماعادني بابيه وانا اشفق له اشفق من سقيم المرض لدواه اقوي عزومي كن معاد عندي فيه وانا والله اني مونسٍ البلا …و اكناه عروق الحشى ما تنبت الا على طاريه تنامى على قربه وتهجر على فرقاه فترى من يعذل مولعٍ من هوى غاليه مثل من يحاول يعدل السيل من منحاه

ليته حصل لي قبلهً من شفاياك تحيي عروق القلب لاينشفنا ولاتعلمني ب خافي نواياك اما بنينا البيت ولا رحلنا

جاني خيالك في منامي وفزيت وهلت دموعي مثل وبل السحابه اعاهدك باللي فرض حجة البيت مانساك لو قبري يشيّد ترابه

السحاب اللي جحدني يوم أجي له ظامي لا يجيني لا أرتويت ودمعته مصبوبه والشروق اللي تمنيته يزيل عتامي ما قدرت أشرق معاه ولا لحقت غروبه الفضا اللي مايعاتب بالغياب أنسامي ليه ألومه يوم غابت عن فضاي هبوبه والله أن الدمع ما جرب يضم اكمامي كيف أصافح بسمِه من خاطري مسلوبه

كل ليله اتذكرك ويحوشني طرياك كن مافي من المخاليق غيرك احد اشتقت ل صوتك وحسك وحكياك ماشتقت لسوالفي وضحكي بعد؟ وشلون بنساك واحتمل ضيم فرقاك؟ وشلون ابنسى من الي مامثله ابد!

الا واهني من لف صدره على صدرك إلين يبرى كل ضلع من الثاااني

الناس ماتدري عن القلب وشفيه حتى ضلوع الصدر تسأل علامه والقلب لا صابه وجع من يداويه دام الوجع من شخص كان اهتمامه

والله لخونك واجرحك واتناساك وابيع حبك واصرخ اليوم ماابيك منت بكفو قلباً يحبك ويرعاك ياجاحد المعروف خاب الرجا فيك مغرور ومتكبر وشانت حلاياك واعنادك الي فيك خله يسليك