فى شخص معايا فى الشغل من كتر ما ضرنى وخزوقنى وكل مره اسامحه وعدنى انه ميضرنيش تانى لانه زهق خزوقه فيا وكمان صعبت عليه

إنت شايفها بتتعقد وهي بتترتب أحسن من اللي بتتمناه
لُطفه يجرِي و عبده لا يَدرِي⁦
#صباح_الثقه_فى_الله

كان زمان الست البيضا المقلبظة الكيرڤي اللى زى ليلى علوى وسهير رمزى وشويكار وهياتم رمز الجمال والحلاوة ومش زمان ولا حاجه ده لسّه لحد دلوقتي..!!
انا معرفش موضة ايّه دى كمان اللى تخلى الواحدة تخس وتمنع الاكل وتعمل دايت لمّا تبقا زيها زى الراجل، معروف الست لازم تبقا طريه وملبن كده

-عارف لو عديت التلاتين سنة وعندك نت ومبتعملش نص مليون جنيه في السنة، ده معناه إيه؟
=معناه إيه؟
-معناه إنك غالباً شخص معدي التلاتين سنة وعندك نت ومبتعملش نص مليون جنيه في السنة

لما ربنا يقفل ف وشك باب اكتر من مره
بلاش تحاول مع الباب دا تاني
لانه مش نصيبك
صدقني اللي نصيبك مش هتلاقي بابه مقفول
هتلاقي كل حاجه متيسره
#صباح_الثقه_فى_الله

بعد إنتشار الأنترنت وفي عام 1993م تحديداً
رسم ' بيتر ستينر ' ڪاريڪاتير
وهو أڪثر ڪاريڪاتير تم تداوله وأعيد نشره
ويظهر فيه ڪلب على ڪرسي وأمامه الڪمبيوتر وبجانبه ڪلب آخر يقول له : 'في عالم الإنترنت لا أحد يعرف إنك ڪلب'
فوالله وبالله وتالله
أنه صدق وأصاب! ..

-أنا نفسي يرجع بيا الزمن
=لامتى؟!
-مش فاكر حاجة معينة، خليه يرجع ولو لقيت حاجة كويسة هقوله يقف عندها !!

انا عمرى ماسعيت اكون رقم واحد فى حياه اى حد وبشوفها مسؤليه كبيره اكيد انا مش قدها...
وممتاز جداا لو بقيت انا الحاجه الى مركونه على الرف الى بيروحو ليها وقت فراغهم 😍
اكون رقم قليل فى حياه صحابى ميتنسيش احسن الف مره من انى اكون كتير وتنسى 🥹

انت مش متاخر ، وإياك تكون فاكر كان المفروض يحصل شىء ومحصلش ، مفيش حاجه مكتوبة ليك فاتتك ، مفيش حاجة اسمها لو كنت عملت كذا كنت وصلت او كان زماني معايا كذا ، مفيش حد كان المفروض يكون ف حياتك وخرج غلط
ربنا احن عليك من نفسك وجبنك وهو مدبر امرك اللي كله خير ..
#صباح_الثقه_فى_الله

اخر مره سمعت فيها كلمه بحبك امتى ؟

مين اقربهم لقلبك❤️

اول ماشوفت الصوره شوفت ايد نجيب سويرس هيه الى على رجلين البنت وشوفت ايديها على رجله بس قولت زوق سويرس وحش ومختار بنت ايديها منبته شعر ليه كده 😂😂😂

كل حد منفصل يفضل يسب ويلعن فى الطرف التانى على اساس انه الجحيم ومحدش بيشوف عيوبه للاسف
انا كل مابشوف مراتى بدعيلها والله انها مستحملانى وانى ابتلاء من ربنا ليها

ونا فى رابعه ابتدائى اتفقت مع ابن خالتى فى تانيه اعدادى لو كل 15 بسكويت شمعدان انا هدفع حسابهم وهوه وافق وروحنا عند بقال وقعد يفتح فى البسكويت وياكل ومع اخر بسكوته جريت من قدامه ومكنش معاه فلوس والراجل مسكه حبسه فى المحل وبعت جاب ابوه

مفيش اجمل من الاهتمام الى بييجى من الشخص الغلط والله .. واساسا انا بعشق اى علاقه فيها حول عاطفى 😂

بشرى ساره لاهل اسكندريه
كلها شهر ونرجع ليكو تانى نزهقكو ونعمل ليكو زحمه فى كل مكان ونلبس ليكو كلوتات ونمشى بيها على الكورنيش

لو لقيتي راجل أول ما بيقوم من النوم بيبعتلك صباح الخير وقبل ما ينام بيبعتلك تصبحي على خير ولما بيكلمك بين هذا وذاك بيحسسك بدون ما يعبر عن مشاعرُه تجاهك بإهتمامه واحترامه ليكي إنُّه بيتمنالك الخير دايما ويشعرِك إن وجوده في حياتك مهم للغايه
اعرفي انه بيشتغلك

الحياه مش محتاجه ابداا كل الزعل والديقه دى على حب او علاقه فاتت مهما كنت قدمت فيها من تضحيات وليه تضيع عمرك كله تثبت لشخص ميستهلكش انه غلطان..🤔
السعاده كتيره جداا والى راح هييجى مليون واحد اروع واحسن منه❤️
وخليك واثق دايما ان ربنا شايل ليك دايما الافضل والاحسن😍❤️

صاحى الصبح نفسى جدا اشرب الشربات بتاع زمان ده ساقع وفيه تلج ونفسى احضر فرح شعبى كل الى فيه ناس بسيطه وجميله زى اهالينا زمان اول ماتشوفك تجرى عليك وتاخدك بالحضن وتشم فى هدومهم ريحه مسك السعوديه وسمع الستات وهيه بتغنى ادحرج وجرى يارمان وراجل كبير بيشدك علشان تاكل ويحلف عليك بالطلاق

الناس الى دمها خفيف ومبهجه تلاقى القلوب بدور عليها وبتشتاق لقعدتها وكلامها
ياجماعه صاحبو الناس الى دمها خفيف هيفرقو معاكو جداا والله خصوصا فى الايام الصعبه دى