لا تشوف اللي تحب بنظرةٍ .. مألوفه أنت عاشق والنظر جهر الشعور و سرّه لا قدرت تشوف وجه اللي تحبه .. شوفه كنكّ اول مرّه تشوفه أو " آخر مرّه ".

من يحبك يقعد العمر كله ما يحب لو تجيه حمول الأيام فـ اللي يشتهيه معك ما فالصدر غاية ولا فالراس حَب تنّسى الغايات و الحَب – سلّم لي عليه الهلا لآخر هلا و الرحب لآخر رِحب تنثنا لك يا المقام الموقر و النزيه

" سافري بي ياهواجيسي عن الواقع شوي طول عمري ماذبحني إلا الحياة الواقعية "

ودي ارقد ولا اقوم الا بعد سنتين في احداث واجد مابي .. اعيشها - سعد علوش

« يارب .. خذني لأرض ما مرّت بها آثار العِباد/على الأقل ان مالقيت اصحاب؛ مالقى لي عِدا ! » —بشاير القحطاني

"لا تدوّر ترى ماغير نسخه وحيده تلقى غيري .. ولكن منت لاقي بدالي الفقيده ماهوب اللي يموت .. الفقيده غاليٍ صار مع الأيام ماهوب غالي"

احسب اني بشوفك عقب طول الغياب في ليالٍ يبين بها " الرفيق القريب" واثرك الحاضر اللي فالمواجيب غاب غبت عني وانا كنت احسبك ما تغيب

كل بعدٍ عنك مر —- وكل قربٍ منك حالي أنت أبو كل الشعور من القلق لـ الطمأنينه

شفت حياة الملوك وعيشة البطره تسوى نهار ، شبكة أيديك بيديني

" والله إني ما اسفهلّ بونس غيرك لو عطوني قصر في حي المصيف وقصر في حي العليّا "

«ولاني بحاسد عباد الله .. بأرزاقها الّا من الله رزقه بضحكتك ذا الصباح» — عبدالله آل لزيوح

«تبعدين — وتاقف الافراح و الامال ضدّي وتقربين وينتفض قلبي و يفرش لك ربيعه» — مبارك بن ناصر

يا سيدي لو تحاصرنا عجاف السنين عزومنا ما تزول - مْن المهد لـ اللحد المملكة «قبلة الاسلام» والمسلمين ما تقبل آعذار من باع العهود وجحد اضرب بيمناك ياحصن البلاد الحصين الاجرب آشدّ من ضرب الهنادي وآحد بالشكل شفنا جميع أشباهك الاربعين لكن بالافعال ما شفنا من الناس احد

تمهَّل لا تغافلك اللّيَالي — و السنين طوال أنا للحين أغنّي في عيونك و أنت تستاهل ! _محمد السلطان .

"في رجاء الله تلتمس مْن جيّتي عذر ابتعادي __ جعل شيٍ ردّني عنّك مساعيه مخلوفه "

دوروا لي ناس تفهمني وأرضٍ تستوي لي صرت مثل اللي يدوّر في حياته عن حياته.

رفيق الليل تذكرك الليال الموحشه .. بالخير وعينٍ لا تناست ، شافتك وسط القمر صوره.

«ما يجيها صاحي القلب ويعود سليم القلوب تشقها والضلوع — تفرّها» — عبدالله بن زويبن