مش عارف دا حصل إزاي بس أنا ما بقيتش حابب وجود أي حد في حياتي لكن حقيقي ما بقيتش ألاقي راحتي غير وأنا لوحدي، ما بقيتش طايق أتحمّل حد، ولا أسمع حد، ولا أجي على نفسي عشان خاطر حد، كُل الحاجات دي كانت بتاخُد من طاقتي وروحي لغاية لما ما بقاش عندي لا طاقة ولا حتى حاسس بروحي

حاسس إني هلكان من كتر التفكير في كل حاجة

دايمًا بشوف إن اصعب حُزن هو الحُزن الداخلي اللي الواحد بيعيشه بينه وبين نفسه من غير ميحسس اللي حواليه بهمه أو باللي واجع قلبه، الحُزن الداخلي هو الأصعب لإنه بياكل في روحك، بيخليك لا عارف تنام ولا تاكل ولا تشرب، كل حاجة في نظرك شبه بعضها، دايمًا عينيك حزينة وصوتك حزين .

أكتر حاجه هتندم عليها إنك تطلب من حد يفضل جمبك و ميتخلاش عنك و بالرغم من طلبك دا يتخلى عنك برضو ، و قتها هتحس إنك ضعيف أوي و بالرغم من إنك بينتله ضعفك و طلبت منه دا بكل ضعف و وضوح برضو كسر خاطرك.

أعتقد لو فيه حاجة هتمناها تبقى عنوان للسنة الجاية هتبقى السلام و الراحة، مش مهم ايه يحصل حلو أو وحش بس المهم أكون مرتاحة و هادية كدا نفسياً♥️

مؤخراً اكتشفت إن أكبر مشاكلي في الحياه إني مدمن تفاصيل وبفكر كتير ، بسأل نفسي في كل موقف الف سؤال ، برهق عقلي بالتفكير في سيناريوهات محدش غيري بيفكر فيها اصلا ، بفضل اربط الأحداث ببعضها علشان في الآخر اوصل لإستنتاج يقدر يخدم اسلوب تفكيري و احساسي واللي بنسبة 90% بيطلع صح للأسف.

التراكمات قد تجعل الإنسان يقسو رغم ليّن قلبه ."

"ناجح في إخفاء حزنه، فاشل في تجاوزه."

أتمنى علاقتي مع النوم ترجع وتبقى أحسن من كده.

عارف انت كل ما تلصم نفسك كده و تبدأ تبقى كويس و مبسوط فـ بعدين بقى يحصلك كذا حاجه ورا بعض تخسف بحالتك النفسية سابع أرض وترجعك للصفر؟ اصل دي ال life cycle بتاعتي.

فكرة الحساسيه الزايده وكونك بني آدم sensitive ده اكبر انواع جلد الذات اللي هو انت هترجع اخر اليوم تركز ف كل تفصيلة حصلت او اتقالت وتبدأ تحليلها وتفسرها ع مزاجك وتنكد ع نفسك بدون اي داعي

عارف لما تمر بمرحلة سيئة في حياتك وتقول جواك انها فترة وهتعدي وفي الآخر تكتشف انها بقيت حياتك والوضع ازداد سوء وانها مكنتش فترة وهتعدي ولا حاجة!

ليه منقدرش نعمل skip لأي شعور مش عاوزين نحسه ..

حضرتك احنا شغلنا بيدا في نفس الوقت وينتهي في نفس الوقت يعني ترجع من الشغل تنام تصحي تلقى نفسك في الشغل

عاوز أسيب العالم كله باللي فيه وأمشي

مهما تعددت وسائل الترفيه هتفضل قعدتك ع سريرك تحت لحافك الجميل و مسلسلاتك مع مشروبك المُفضل هي أمتع حاجه ف الدنيا 🤝🤍🤍

"بكره هنحاول تاني نساعِد نفسنا، ونحسِّن نفسيتنا ونرتِّب أولويَّاتنا ونحل مشاكلنا يا ربّ بكره يبقى أحسن."

في اوقات من حياتك وانت حزين فيها تحس إن بيقف عندها الزمن، بتفقد كل قدرتك عن التعبير باللي انت حاسس بيه بيكون الكلام اصعب حاجه ممكن تعملها، وبينتهي الموضوع ده ب إنك مش بتلاقي حل غير انك تسكت وتنعزل عن كل حاجه شويه-اكتر ما انت ساكت ومنعزل اصلاً- على امل إنك هتكون كويس لوحدك

يعتبر من اغرب صفاتي إني ممكن امارس يومي بشكل طبيعي وأنا قلبي مكسور ، بتعامل عادي و بحاول اتجاهل مشاعر الحزن اللي جوايا علشان اعدي يومي واللي بتعامل معاهم ميحسوش إني مخبي حاجه ، بضحك و بهزر وأنا جوايا بتعصر من الحزن..صفة غريبة الحقيقه و مرهقه لأبعد الحدود