يالله وأنا الشخص البسيط اللي هقاويه بعيد أحيان يمنعه الثقل وأحيان يدفعه العزم أعوذبك من وقفةٍ مع غير أهلها ماتفيد ومن غلطةٍ يبلش بها العاقل على باب الندم

ما أبغي إلّا إللي لو إن غيره بغاني ما بغيته أشري إللي باعني لأجله ، وأبيع إللي شراني من كثر ما أموت فيه أموت في حيّه وميته بيني وبينه مابين سهيل ، .. والركن اليماني وإن بغيت : الصبر والسلوان دونه ما قويته صورته في عيوني الثنتين وأسمه في لساني

يا أوفى ويا أحبّ من بادر ومن واصل و أعز من شيمتي و أطيب من ظنوني وجودك يداوي جروحي .. ويستاصل الضيقه إللي تحجب النور من دوني " أحاول إنه مايفصل بيننا .. فاصل حتى ولو ينفصل راسي من متوني " أشّر على ماتبي .. و إللي تبي حاصل حتى ولو تطلب عيوني .. من عيوني

ختام السالفه ياطيب العشره كرمت ودمت هذا حقك علىّ وحق هقواتي على أوهامي مصير الوقت يشرح لك دروسه وأن غفلت ونمت يصحيك الزمان اللي يصحي كل من نامي..! تذكرني لامنها خابت أوهامك فمن وهمت وعرفت الفرق بين حب الخشوم وحب الأقدامي

اقبل وجعل الليالي على وجهك نذر جيّتك ، ( عيدٍ ) لحاله إذا الله ساقها كنها أول عيد وأول لقى وأطيب عذر وآخر أيام المساجين قبل ، أطلاقها شوفتك ماعاد تبقي هموم و لا تذر كان تقدر تشبك أيديك خلفي لاقها خايفٍ يفضحني الشوق لو إني حذر ما يبيّح سد الأحباب ، غير أشواقها

العمر محدود و الحال ، لا يمكن يدوم لو يدوم الحال ما شفت ف الدنيا يتيم نفسك اولابك عن الناس لو ودك تلوم فالطريق المنعوج والطريق المستقيم عيش فالدنيا كأن العمر . . ما غير يوم وحاول بنفسك لنفسك ، تخليها نديم واجه ظروف الزمن بـالكفاح و بـالعزوم خلّك الصامد لو إنك من الداخل هشيم

معي ضيقةٍ ماهي بـ تقبل عتاب ولوم ولا تروح ، لو اّهل " دمع البشر " كله ! _ جابر بن علوش

ما أعرْف شلون شكل الالتئام.. ولا أعرْف من التعب كيف ارتمي آقف بوجه الصعيبات العِظام لين ينشف داخل عْروقي دمِي داخلي عقده من زْحام الكلام أدري انّه لا انِّطق يرجف فمِي تشهد لوقفاتي جروحي القدام تدري انِّي للهزايم ما انتمي.

سلّم سلام الموادع رافعٍ كفه واغضى بنجلٍ تقول النوم داخلها ، وأنا عيوني تهل الدمع.. وتكفه أكف دمعي بكفيني واناملها ، كلّه على شان ما أشوش على شفه أخشى يشاهد دموعي ويتخيلها ، غالي وانا اغليه واقف معه في صفه وأطاوعه لو أضيم النفس وازعلها :)

الكبد والحزن ومداول ايام الزمان واقعٍ يسلب من الادمي حريته ياظروف الوقت لو كل مانبغاه كان يمدي الانسان يطغى على انسانيته يبطش الدنيا ويعطي على الغيب الضمان مير ذي تختص بالله و وحدانيته ربي اني مسني ضر بلوى وامتحان عارضٍ ماتعلم الناس بخصوصيته

أنا الأتمّ إدراك .. والأغرب أطوار و أنا اللي أعطي كل الأشياء قيمة إذا إنتصرت أصير للنصر تذكار و إذا إنهزمت أرفع مقام الهزيمة اما أخذ التقدير مثل أخذة الثّار ولا أتوفّى ما شكيت .. الظليمة لو كنت في ماهيّتي قادر أختار ما أخترت أكون إلا قصيدة عظيمة

طبع الإنسان لو يحيى حياة الملوك يبهت الشي عنده عقب ما يملكه للهُدى درب ما حوله تدور الشكوك أعْرف إنّه هُدى لكن عجزت أسلكه

الوقت ساومني على راحتي لين قررت أثمّن راحتي و أشتريها أثر الدقايق بعضها تاخذ سنين لين نتجاوز كل ما صار فيها أقسى شعور يراود القلب و العين يوم إنتذكّر حاجةٍ ما نبيها المستريح إللي جمع بين ثنتين صدرٍ وسيع .. و ذآكره لك عليها

من طاب طـبنا فوق طيبه بعد طيب واللي تردى وش كسب ووش خسرنا دنيا العنا فيها دروس وتـّعاجيب وعلى كثر صكاتها .. ما انكسرنا

خلك على الوجه الأبيض وأصلح النيه لا تقول هذي لأجل هذي مسويها قل جعلها حسنه تقضي على سيه الّناس مهما تسوي صعب ترضيها يالله بذكر جميل وسمعةٍ حيه والوقفه اللي تبيض وجه راعيها

داويت جرحه يوم صكته الاقدار ورد العطى في جرح ماله مداوي

"الله من قلب عليه الفضا ضاق"