ياكثر الفتن من غرتك لاسفل الاقدام وجهاد الفتى نفسه عليك اعظم جهاده اشوفك وطن و تشوفني رحله استجمام واشوفك عمر وسنين ماهي بمنعاده معي قلب واحد لو تقسمه خمس اقسام بحبك بكل اقسامه الخمس وزياده

الارياء تخالف عسى فالراي راي سداد الصدر منداش والصدر الرحيب امتلا الوقت وجهه قوي ومجاهدينه جهاد مابين عسرٍ ..و..لين وبين مر ..و..حلا اليا اظلم الليل مالي فالمدينه قعاد حتى لو انها خلت نفسي ماهيب تخلا بعيد عن لجه العالم وضول البلاد وقريب من سلوة الخاطر ليا من سلا

ليت من يدري بحبه وياثق من غلاه لا سعى فـ جروح قلبي سعى فـ اعلاجها واحدً ربي من الزين والقبله عطاه يستلم عرش المحبه ويلبس تاجها مثل مايحتاج الانسان لـ الماء فـ الحياه الدروب اللي تودي عليه .. احتاجها :)

وفري كل الكلام " المغلف بالحنين " تحسبين انه " يأثر "! وانا متشاينه مامشيت الا وانا عايف ، وعندي يقين القلوب ان ذاقت الغبن ، ماهيب لاينه رحت لا مكسور خاطر ولاشكلي حزين وحافظً قلبي من العابثين .. وصاينه وكنت طيب معك لاخر دقيقة وش تبين يكفي اني رحت: ماقلت لك ياخاينة :)

مل قلبٍ من دروب الحب والعشّاق سامح جاة قسمه وأنقسم نصفه ونصفٍ في محله قبل لاتشرح لي ظروفك عرفت من الملامح لاتلمح لي بدرب الهجر وارجيلي .. تدله ولاتضايق لو تشوف اني شديد وما اتسامح التسامح في بعض الاحيان نوع من المذله :)

تسوق الطف أنسام الغلا ضحكة محياك على روح من طالت عقوده وهو ضامي ياسبحان من خلاني أدورك .. والقاك وأشوف أبسط حقوقي معاك أكبر أحلامي لا تستغرب إن بعت الوجيه وشريت رضاك وأنا مرخص ليومٍ معك .. جملة أيامي تمثنى فجوج القلب وأسلى وسج خطاك على عين حاسد ضحكتي لك .. ولوّامي

لا تعاتبني ، ترا ما على مثلي ملام والحبيب اللي يغيب ما يغيب بلا سبب والله انك لو تحاول اني احكي الف عام بسكت ولو راعد الشوق في قلبي ضرب والغياب اللي تشوفه ماهو من قل اهتمام الغياب اللي تشوفه شخص من همه تعب لا تبرر والعذر ما عاد باقي له مقام شخص حبك ما يبي غيرك ولو غيرك عرب

أقبلت مخمورة الطرف باسقة القوام فارع ٍ ما خِلق بين الغواني ندّها من نعاس عيونها ذقت نزعات الهيام والقصيد يهّب لامن تثنّى قدّها صوّبت قلبي برمشٍ مثل نصل الحسام وأدمت القلب الرهيّف وهي ما ودّها إن حكت قابلت وجه ٍ تبسّامه كلام وإن بكت قبّلت لولو توسّد خدّها

والله ان بالي طويل ودايمً صدري شمالي والزمن يبغى يبّيح سدي وبيحت سده والكلام الليّ ليا من مر قدمي ضاق بالي احذفه فالصدر كني حاذفه في بحر جده طاح من عيني عتاب وطاح دمع وطاح غالي والعيون ان طاح منها شي ما والله تردّه :)

مرحبببببا ياذنبي الي ماكنه بالذنوب ماني بـ قايل لدرب الهداييييه ودني والله ان قلبك مبدا على كل القلوب مثل مابديت قلبك … عليهم بدني شدني مجدولك الي تلاعبه الهبوب وشيييي ثاني مقدر اقول لكن شدني ماحدً قد ضدني ف المعارك والحروب بس مدري كيف سلهام عينك ضدني :)

سمحت من الهوى وأنت الهوى وياك ماينعاف عزوفي كان عزله .. عن دروب أستنزفت عطفي وداعي معذره يـ الراحلين .. و للوداع أعراف أعرف أشتاق ما أعرف أتمسك في يد المقفي

' شااافني "قلطت له قلبي" و شمّر عن يمينه ويوم سمى قمت أقطع له بواحد من ضلوعي قااال: "جاد الله عليك" و راح بيغسل يدينه قلت: والله ما تغسل إيدينك الّا من دموعي '

علامات الوداع تبين من قبل الوداع بحين قبل تبدي كلامك . . وتشرح معظم ظروفك قبل ليلين من ذا الليل شفت عيونك الثنتين ودريت إني هذاك الليل .. اخر مره اشوفك .

سلام الله على اللي مايهين النفس مهما صار لو ان نفسه من الأيام ملتاعه . . . و مجروحه عطاه الله . . مع النفس العزيزه والكرم ، إيثار مع شين الظروف . . يبدي العالم على روحه

توادعنا وأنا كاره وداعك .. وأنت نفس الحال :) ورحت أمشي وفي صمتي ثلاث أصوات مسجونين بكى واحد ، و واحد قال ، لاترحل ، و واحد قال عسى أن تكرهوا حاجه .. وهي خيرٌ لكم بعدين

الغياب اجزل من اعذار تجيب اسمنها خلك اللي كمل غياب .. ومكانه خالي حاشمك من رجعة ماضيك اجمل منها من متى والغالي اللي راح يرجع غالي :)

مضارب رموشها اللي حدها حد سيف مكانها الصدر واللي غيرها فـ الطرف في مثل هٰذي العيون اللي هدبها كثيف تْسلَّم الروح ويموت الشجاع بـ شرف :)

حداك الصمت وأتعبك الملام وسلوة السالين وتخاطفك الحضور اللي يبدد وحشة غيابك ㅤ عليك من القصيد اللي يعرفك فالقسا واللِّين وعلي من الشعور اللي يحبك ويتباهى بك :)

جعل يفداك القصيد اللي يثير اعجابك تدري ان ذكراك بين الذكريـات ازينهاا حافظك بـ اصغر تفاصليك و ادقّ اسبابك و معتبرك اجمل توافيق القدر و اثمنها :)

البدو صلفين لكن مرهفين الشعور احيان يجرح مشاعرهم لا هبّ الهوا استثقلوا لا و شافوها تحس الصدور و إستبدلوها عن القسوة ب مالك لوا