ما يوجع  المشتاق  ويهد  حَيٌله لاخاب ضنه بالوليف المعادي يضرب بكف كف من زود ميله تعرف خفايا عشرته بالوكادي حيّه رقوط وساكنه في شليله سم على كبده وليله سهادي

الإنسحاب احيان .. ماهو هزيمة يمكن تسميه انتصارك على الذات مثل انسحابك من علاقة قديمة بالذات لوجارت عليك انت بالذات

اللي خلق في مشاعرنا من البعد خوف خلق لنا نعمة النسيان في غيرها تموت الأحلام دايم في يدين الظروف وتعيش الآمال وتواصل مشاويرها في ليلةٍ تاهت الخطوة وطال الوقوف هي نفسها الليلة اللي شرها خيرها جيت ومعي قلب يحب ويحن ويروف ورحت ومعي قلبٍ أقسى من معاذيرها

تبسّم ترى الدنيا مثل آلة التصوير تصورك في غفلتك وتوزع الصورة وجوه البشر وجهين وجهٍ بشارة خير ووجهٍ يجيب الهم شوفته وحضوره

محتاجه للقلم وحفنة أوراق وليلٍ يسامرني على ضي القمر أول حروفي للوله والإشتياق وآخرحروفي غيمه يحميها المطر

الي يحبك لاتدور له شريك بعض البشر حبه عطا من الله وجاك أنشهد إن الحب إحساسه وشيك إذا تمكن منك أضماك وسقاك❤️

الوقت خَلانا على أتعس ما يرام ضعنّا .. وضيّعنا القلوب وحبها حتى العيون اللي تبادلنا الكلام ما عاد .. نعرف صدقها من كذبها

هذا نصيبي مع الايام من صغري احيان اقوى الحزن واحيان ما اقوى لوتدري الناس ويش اشيل في صدري ماعاتبتني على شغلات ماتسوى

صحيح عند الضيق تحتاج للـ بوح بس الأصح تواجه الضيق بـ الصمت كم كلمةٍ تنطـق بها وانـت مجـروح واذا سلـى الخـاطـر عليهـا تندمـت

ياقـلب لايزعجك وقتٍ يزين ويشين ماتدري إن كـل شمسٍ شارقة غاربة السيرة الخالدة دين ورضا وآلـدين هـي والله الثابتة والـقـوة الضـاربة واللي يحاول يشوه سمعة الطيبين ترجع على لحيته مدري على شاربه صداقةٍ ما تعـززهـا ظـروف السنين لوصلحتها الـمـصالح خاربة خاربة

فزت بك والله و قلبي بك ربح ياجمال العمر وانت الي قبالي من تنادي خاطري معك انشرح وانا البي بس انا بقلبك لحالي الليلة هذي ماهي بس ذكرى فرح وانت لي هالعمر افراح الليالي مهما قال من الحكي قلبي ومدح مايوفي إحساس حبه لك ياغالي

ماقلت لك عمر سيف العشق مايقتلك ماتشوفني حي قدامك وأنا أموت فيك أشتقت لك قبل أجيك وجيت وأشتقت لك البارحه طول ليلي بين هذي وذيك مليت جمر أنتظارك واستحيت اسألك وحسبّتني مابعد جيتك وفكرت أجيك أثرك بقلبي من البارح وأنا أستعجلك وأثري نسيتك من الفرحه وقمت أحتريك

سولفي لـ الليل عنّي و امتطي صهوة جوادك لين نرقى لـ السحاب و ناصل نجوم المجرّه و إن تباطيتي رفيق الدرب ولا الشوق قادك سلهمي له والله انّه ما ذخر مثقال ذرّه و إن ترددتي و طالت حيرتك و الشك سادك قولي ابشر والله إن ابشر من شفاهك مسرّه

أخوك في وقت الشدايد حزامك وذخرك الى من الليالي جـفـنّك الى حداك الوقت تلقـاه امـامك في وقفـةٍ مـا خيّبت فـيـه ظـنّك دور رضـاه وبــادره بـاحــترامك والـود والتقديـر علـمـك وفـنّك

الغايـه اللـي دونهـا حـرب وسـلاح المتهـم فيهـا مـن النـاس قـاضي كم ليل من كبد السماء نجمها طاح من طيحتـه ضاقـت وسـاع الاراضي لا صـار وقتي بيـن سـارق ومـزّاح ماعـاد انا لمجاهـد الوقـت فـاضي ياليتني لو ارضـي النـاس وارتـاح ماهو بشـرط اكون بالوضـع راضي