يقول مساعد الرشيدي : من لايحس بقيمتك وأنت موجود ماهو بناشد عنك لاصرت غايب حاول تفرق بيض الأيام والسود ياقلب ما كل الحبايب حبايب وإللي يبيك يجيك لو دونك قيود يكسر على شانك خشوم الصعايب وإللي يبي فرقاك لو دربك ورود ماجاك لو أنك من أدنى القرايب .

عسفت الصعايب لين راحت وجيه عداي من الغبن يسفي فوق هاماتها السافي نجاحي مكفّي عن تعب رمحي وشلفاي كشف لي من الكذاب والصاحب الوافي تراكيت يوم الناس بانت على مركاي ولاعاد به شيٍ مغطّى ولا خافي هل الطيب والمعروف شفهم على يمناي وهل الخبث وعلوم الردى شفهم خلافي

تركض بنا الدنيا على خف وجناح والعمر ينقص والليالي مقافي لذاتها تشبه سنا البرق لا لاح وصكاتها مثل السيوف الرهافي يا فوح صدري فوحة البن لا فاح على هروج اهل القلوب النظافي ارتاح لأهل الطيب والعرف وارتاح على الذي قلبه من الغش صافي

نفرح لو ان الضيق منّا وفينا بعيوننا تصغر كبار الاسامي ولو ترفع الدنيا قضايا.. علينا نوكّل الله .. ما نوكّل محامي

أنا ما عاد أطرب مع الطير وغناه ودي لو إن الطير .. ينفذ بـ ريشه تدخل من الباب الكبير المعاناه والابتسامة .. تطلع مع الدريشة لكن .. لا زلت بخير ، والحمد لله حتى لو إن الدار بعدك ! وحيشة يحزنّي إن الماضي . . اللي بنيناه ماهوب مثل الواقع اللي نعيشه مساء الخيير للجميع🙋🏻‍♂️🤍

نفسي عزيزه والقناعات نبراس وقلبي كتاب ابيض ولا هو رمادي لو اخسر الدنيا بس ما انزّل الراس تبقى المبادي في حياتي .. مبادي !

قامت الدنيا تلاوعك ياحصان الطراد وعاد لك فالطيب سيره ومجدٍ تليد ماكنزت من الرفاقه سوا راع الشداد وماهويت من الصبايا سوا بنت العقيد الليالي تحصد الحيل محصاد الجراد جعلها شفاعهٍ لي .. لا جا اليوم الوعيد 🤍

خلك على ماقيل راعي جميله يموت راعيها و تبقى الجمايل الشين يفنا و كل ذكرى جميله تبقى و لو طال الزمان و تمايل حاتم كريم و من سنينٍ طويله ميّت و كنه حي في وسط حايل مدّ اليمين و لاتجي منك ميله و خل الردا لمدوّرين الفشايل مساء الخير للجميع بدون استثناء 🙋🏻‍♂️🤍

كنت الامير بفؤادي سيّد الاسياد والحين يا خلي ترجى القلب ترتاده يا ناكر العشق يا من بالغلا جحاد يا خادع الروح بمشاعره ووداده قلبي تدمّر مثل ما دمروا بغداد في فجر خالط حماره مع تسواده

تمنعني الشيمه وبعض المشاريه وصبراً لو ان الصبر مرٍ مذاقه لو كل من يخطي علينا نجازيه ضعنا بعجات الغضب والحماقه لكن مدام الوضع يمشي نمشيه من شان مانقطع حبال العلاقه مساء الخير عليكم🙋🏻‍♂️🤍

مانيب عن هرج المعادين نشّاد عجاجةٍ جانا المطر من وراها وان جدّد الظالم مزاعمه وش عاد هذا هوى نفسه . . وهذا جداها ما تصلح الدنيا بلا صبر وعناد ولطم الخشوم وردّها عن هواها !

يقول بن فطيس : حزمت في قلبي تفاصيل ذكراك وجددت للفرقا من العام ميعاد ' و اخترت تاريخ مميز لعيناك تاريخ فرقا كل مامات ينعاد ' في يوم ميلادك تعمدت فرقاك ابغيك تذكرني مع كل ميلاد :)

لعنبو حاجه ترخصك وأنت محسوب في عيون القوم ويطيح قدرك عندها كبها لو هي ثمينه وعرضها للهبوب وانسها لارحم أبوها على أبو جدها. مساء الخير🙋🏻‍♂️🤍

- خل صدرك يالسنافي على الدنيا وسيع واعرف إن الضيق فالقبر والدنيا سعه كلنا مثل الطراقي مع الخط السريع نمشي مع الخط مانضمن نعوّد معه قدّم من اللي يجمّل كثر ماتستطيع والزمان إن كان ماطاوعك فأنته طعه لا تحسب العمر دايم ربيعٍ في ربيع لازم تمرك جميع الفصول الأربعه ..🤍"

' من اول الخاطر وسيعٍ ولا يلحق مداه و ان بدرت بطيب تلقاه قبلك بادرك ㅤ ما اشين من المعطي ليا تمنن في عطاه غير زلة غالي ، و وقّعت في خاطرك

راكب اللي حسها تسمعه من كـل صـوب مثل زلزال الرعد فـي المـزون المظلمـه كنها يـوم استـدارت وضاقـن الـدروب فرخ شيهانٍ على الطلع ينهـض مقدمـه استودعتكم الله الذي لا تضيع ودائعه الى الكويت🇰🇼✈️

سقى الله ليال في خيالي تقول احلام تغيب وتجيب الذاكره ما مضى منها وانا لو نسّيت اللي مضى لي مع الايام ياكيف القلوب تسج ياصاحبي عنها !

رميت الاحلام في وجه الزمان البخيل وعزيت نفسي وعز النفس عصيانها وعن الحضور المهمش مرحبا يالرحيل ما دام تحفظ كرامة نفسي وشانها . مساكم الله بالخير 🙋🏻‍♂️

ياشين هرج الناس بالقال والقيل اللي يخلون الصغيره كبيره اللي يجيبون السوالف تهاويل منافقه بين القصير وقصيره