مرحبَـا وانت المبدّا والمولّا
عند من عينه لزلاتك ضريره
يوم جيت وحظي المعثور ولّا
الله اللي حط في يدينك مصيره
انت ربي خالقك من نور ولّا ؟
طحت من سابع سما فالمستديره
وش يقول من هاب الغرق في ملذّاتك
شفاياك ذبّاحه وبسمتْك ذبّاحه
لوّ تقبّل التنّور عوّد من شفاتك
حديقة عبير ونسمةٍ من هوا الباحه
غريب أُمنيات وتايهٍ في متاهاتك
يدوّر على صدرك وْساده وطرّاحه
مدغم أبو شيبه
انا في وجه الله من هذا الجمال
الممتلي عز وشموخ وكبريا
الانبهار ابلغ من كتابة مقال
والدهشه اصدق من تزلف او ريا
سحر البيان يضيع فالسحر الحلال
وبدر البدور تسد عن بدر الضيا
لله حكمه حط فالدنيا مثال
عن وصف ربات الحسن للأذكيا
يالفتنه الي واصله حد الكمال
روفي على صدور الدعاه الاتقيا
ماعاد لك حس ولا عاد لك شوف
مثل البدر فالشهر ينشاف مره
اسألك باللي خالقك بانك تروف
على نجوم فالسما والمجره
شوفتك نورٍ لي وانا فيك ملهوف
وغيبتك تجعلني عليك اتشره
لاتقولي من كثرة الذنب مخسوف
أنا معاهد ماتجيك المضره
خضار العروق اللي تحت جلدك الشفاف
عناقيد ربلٍ ما سفى فوقها السافي
تبين التراقي لا فهقت الجديل خلاف
بيان القمر لا روّح الغيم متقافي
يابو خصرٍ تقول انه يسلف الأرداف
خذ اللي تبيه ولا تخليه يستافي