نا أكثر إنسان أحبك !.. لو يحبونك لا تترك النفس تلقى منك مصرعها تغانم الوقت : لا تمشي على هونك بعض القرارات ؟.. يخدمها تسرّعها حاولت في كل شي : إلا إني أخونك لو ننقطع من بعضنا ؟.. لا توقعها لو عندي القدره أسرق بـ سرق عيونك و أحبها و أنت ما تدري .. و أرجعها

اذكر أيام الغرام وحبك اللي ما نسيته لو يوردني الهلاك ولو يجرعني النكاده أتذكر وجهك الطاهر وصوتٍ ما سليته يتردد في مسامع عاشقك حزة رقاده باقي أنت المنال ومطلبي واللي بغيته يبطي غيابك يحد القلب عن غاية مراده نعرف الغربه من يسافر عن بلاده وبيته كيف قلبي متغرب وسط بيته في بلاده

رمى عهد الحبايب خلفه وقال الجفى قدام تركني لأمري الواقع مابين الجرح وضماده بدون أسباب معروفة تناسى سالفة الأيام تصاغرني وأنا أكبر من حفظ له ملحه وزاده دريت أن القطيعه رغبته وأن الغرام أوهام وأنا اللي كنت أظن الحب حنا سادة أسياده

أدري إن حبّك خطيّة وأنا عييت أتوب سامح الله قلبي اللي تمادى في الخطى أنت وصلك ذنب وأغليه من بين الذنوب خصّ لا من جابك الشوق من عقب البطى

الشمال البارده هبّت وخاوتها الهبايب من برودتها .. ليان الغصن ما عاد يتثنّا علّم اللي يحتسون البرد عاد البرد غايب هي كذا .. ولا كذا نقدر نرد البرد عنّا كل شيء إلا البرود اللي يجي بين الحبايب هذي اللي شغلها منّا وشغل البرد منّا.

عطيتك عِشق .. ما مَرّ بخيال اللي .. تّمنوني ونذرت لْك الغلا .. والقلب غيرك ، ما وطى بابه وأبي تدرين : لو كل البشر حولي .. يحبّوني أشوفك "إنتي" العالم .. وإنتي .. كل أحبابه أغار مْن الهوا لا هَف شعرك .. وأربك سكوني وأغار مْن المرايا .. لا لمحت ، جفنك وأهدابه

أبجمع ما بقى لي ، من كلام ، وأحزم سكوتي وأبترك لك مواعيد الوصال ، ودمعي الرايب عساك تحس ، وش معنى تموت الكلمة .. بصوتي وتعرف وش ترك جرحك ، ورا حزني ، وأنا غايب

يا اللي تمر الخيال وتسكن بـ ذاتي ما مرك الشوق والخفاق واسئلته ؟

حتى لو ان الغلا فيني واصلٍ حده لي عقل يدرك حدود الشوق ويكابر قياس عمق الجرح يحدد المده مده تحولك من غالي الى عابر لاشفت مركب غلاي رياحك تضده بيصير مالك مكان وقيمه ودابر كسرت لك خاطر ومديت لك صده والخاطر اليا انكسر معاد له جابر

وأحبك كثر ما غنّوا أغاني واكتبوا إشعار كثر ما أفرح بـ هرجك و تطربني تلاحينك كثر مالك هنـا بين الحنايا منزل و مقدار كثر ما دولتي ؟ زانت بعد ما تمّ تعيينك وأحبك والمشاعر في خفوقي من غلاك كبـار عسى يحفظك من أبدع لنا خلقك وتلوينك

اعلن مراسيم الوداع ان كنت للفرقى شغوف شد الرّحال و مالك الا الي يلقيك القفى الي يجي حسب الظروف اودّعه حسب ظروف قلبي مع الي بايع العشره مثل صم الصفى حتى «احبك » بعتبرها كلمة من اربع حروف وانت اعتبرها مثل ماودّك وصل ولا جفى

ضيّعت في درب التغلي غَلاتك واليوم صدي عن رجوعك بيعميك عزّت علي نفسي أغفر سواتك وفر دموعك جعلها ما تنجّيك هدمت بيدك يا أناني غلاتك لا تنتظر مني أحنّ وأداريك الله يوفقك في بقايا حياتك وتلقى بدالي من بجهله يصافيك بيع الوفا والصد صار من سماتك وأعماك وهمك عن محبٍ يصافيك .

أنتهت المحبه وصرنا بـ الهوى أغراب مات اللقى واللي بقى ذكرى قديمه

يا أجمل بداياتي اللي في بداياتي واخر ملذاتي اللي عشقك اولها تعال استقبلني فوق هقواتي وخذني لدولة العشق ومنازلها اليوم اعيشك وطن من ذاتي لذاتي على ثراك اسعد اللحظات واجملها أجيك مكسور بعيوبي وغلطاتي وأروح وأودعك مالك دنياي .. بأكملها❣️

مافي يدي وصل ، ولا فيه مرسال صايم عن وصالك ، وصايم عبادة

أبتديتك و أنتهيتك يا لذيذ الغرام و سمّح الله دربك و كان الله معك والله إن القلب بعدك عليه الحرام لا حب غيرك .. ولا يرى إلا أياك و مرورك مهو مرور البرار الكرام أخذت قلبي و ودعتك وهو معك .