شفتي نفسج وانتي لاهية تبنين أهداف وعضل ومستقبل وثروة؟ في شخص قاعد يبني عنج قصص بخيالة عشان يواسي نفسه بخسارتج وفي شخص قاعد يبني عنج قصص بخياله عشان يرتب مستقبله معاج. أما اللي لاهية تطالع أهداف غيرها.. انتي محد يفكر فيج.

تخيّل قلبك صلب من اليقين بالله؛ لو تتقلب الدنيا حولك قلبك يتم ثابت ما يحركه شي. تخيّل قلبك متصل بالله؛ ما تفكر بولا أحد من خلقه وبرضاهم لأن حياتك حلوة من رضا ربنا عليك. تخيّل قلبك بصيرته قوية وواضحة؛ ما تحتاج تستشير أحد بشي لأنك تشوف الطريج اللي الله يبيك توصل آخره. تخيّلت؟ ☁️

ترى الكشخة مو بس مادية؛ أنا أشوف ان اللي يتكلم أكثر من لغة كشخة واللي يلبس اللبس المناسب للمكان المناسب كشخة واللي يسافر ويعيش برا ويعرف بثقافات الشعوب كشخة واللي يعرف يسولف وينتقي أسلوبه وألفاظه حسب المجلس وناسه كشخة واللي متحسس الله يعينه لأنها كشخة ما تنشرى بفلوس.

لا تسمحون حق ناس مؤقتة بحياتكم تسويلكم ضرر دائم؛ تعلموا ترسمون حدود مع الأهل اللي يحبطونكم، الزمالة اللي مو من المفروض تتحول صداقة، الصداقات اللي حدهم شوفات بالتجمعات. مو شرط الكل يصير قريب وحبيب.

ترى حطيت فروتي بالسيارة

سفطت عند بيتنا وجاراتنا ثنتين يسولفون ونادوني، عبرت الشارع سلمت عليهم وحدة عطتني تمر محشى والثانية تسألني متى تبين أسوي لج كبة بلبن؟ أحب الكويت 🤍

📍اللياح

من باب المحافظة على الأنوثة وتقدير الذات؛ لا تجادلين رجل.. تجادلين الجنس الخشن يسحبونج وتصيرين خشنة معاهم. أصلا لا تجادلين كلش.. ذكري النقاط بهدوء وامشي.

"مو مقتنع أدفع هالمبلغ على شي جذي بس وناستج مالها سعر"

اكتشفت ان كل وحدة فينا تحتاج ريّال بحياتها يشرح لها حيّل وألاعيب الرياييل اللي ما يقولونها لنا أبهاتنا وأخواننا..

أحب البرد؛ أحب الفرو وملابس الشتا وأحب قعدة الخيمة والدوة وأحب الشاي والشوي بحديقة البيت وأحب الطلعات اللي بس لأن الجو حلو وأحب العود والبخور مع الكوتات والبشوت وأحب الكشتات ولمة الأحباب حول شبة النار الحمدلله اللي بلغنا هذا كله بالصحة والعافية ❄️

يا رب اخترت لي هذا الطريق وسيرتني إليه وآلفت بين قلبي وقلوب أبناء هذا البلد؛ اللهم افتح عليهم فتوح العارفين ووفقهم ويسر أمرهم وسهل لهم كل ما يرونه صعب وارزقني الرحمة والحكمة ان أرضيك في أموري معهم وأتمم رسالتي الذي أوجدتني لها بأفضل وأنسب الإحتمالات ☁️

"دكتورة لو انج رجّال حبيت خشمج" تكفى لأ

محمية الجهراء الطبيعية 🌾

الإنسان يطيب ويستطيب بلمّة أحبابه وسوالفهم العميقة وضحكهم العالي حول شبة نار وخلق رب العالمين العظيم حوله 🪵🔥

📍المطلاع

يا رب انت البصير بشؤون عبادك وقربك هدف السنين والأيام كلها؛ سيرني لما تحب وترضى واكتب لي ما يحقق إرادتك لي في الدنيا ويرفعني في الآخرة وأتمم علي نعمتك اللي ما لها حدود.. شكرًا على الحياة اللي أعيشها شكرًا على الناس اللي أحطتني فيهم شكرًا على الدعاء المستجاب ✨

والله الواحد لو يركز على نفسه وعلاقته بربه يشوف الأرزاق والمعجزات والدنيا كلها تصير تحت ريله بس ابليس متمكن وبني آدم مسلمه نفسه بدون مقاومة

Llangollen 🌳🪾☁️