UNgqongqoshe wamaphoyisa uSenzo Mchunu osanikezwe umhlabakhefu esikhundleni, kulindeleke ukuthi avele okokuqala kusasa phambi kwekomidi lesikhashana lasephalamende ngezinsolo ezenziwa ngumkhuzi wamaphoyisa KwaZulu-Natal Lt-Gen Nhlanhla Mkhwanazi.#sabcnews

UMbuso ulungiselela ukuya enkantolo ephakeme ngenhloso yokuyophonsela inselele isinqumo sakamumva esithathwe yimantshi uVusimuzi Mahlangu, njengoba enqume ukushenxa ecaleni elibhekene nesikhulu sezobunhloli uLt.Gen Dumisani Khumalo kanye nasolwa nabo.#sabcnews

Amathimba abatakuli ayaqhubeka nokuthungatha izindiza ezincane ezimbili eziduke endaweni yaseHowick KwaZulu-Natal. Okhulumela isikhungo i-Aeronautical Rescue Coordination Centre uGregory Critchley uthi sekutholwe indiza eyodwa kanti obephakahi utholwe esephangalele.#sabcnews

Isikhungo esiqiniseka ubuqotho bezivivinyo zikamatikuletsheni Umalusi sithi konke sekumi ngomumo ngaphambi kokuqala kwezivivinyo zokuphela konyaka zikamatikuletsheni njengoba sekusele izinsuku eziyisithupha ziqale ngesonto elizayo.#sabcnews

Lizobuyela eNkantolo ephakeme yaseGqeberha e-Eastern Cape ngoLwesihlanu udaba ngokubulawa kwamalungu e-Cradock Four njengoba namhlanje lenkantolo ibibize umphenyi uColonel Mthetheleli Dweba kulelicala.#sabcnews

Amaphoyisa ase Western Cape athi azobeka eqhulwini udlame olweyamene nobulili kanye nezigameko zokudutshulwa kwabantu ezidlange kulesasifundazwe kulamaholide asehlobo, nejngoba kuphinde kwatholwa abantu abathathu abadutshulwe bashona eHout Bay.#sabcnews

Umsolwa wokuqala ecaleni lokubulawa kuka-Senzo Meyiwa u-Muzi Sibiya uphikile enkantolo ephakeme yase-Pitoli ukuthi wayenasolwa nabo e-Vosloorus ngosuku ekwabulawa ngalo u-Meyiwa.#sabcnews

Ikhomishana yamalungelo abantu isonga ngokunikela enkantolo uma lowo owabe engumsakazi woKhozi uNgizwe Mchunu engahoxisi inkulumo yakhe egxeka labo abathandana ngokobulili obufanayo ngokugqoka imvunulo uma bebopha ifindo lasofa silahlane.#sabcnews

I-ANC ithi izoxoxisana neIFP ukuze ubudlelwane balamaqembu bubenozinzo kuhulumeni wobumbano esifundazweni. Lokhu kwenzeka emuva kwengcindezi kwezinye izinhlaka zeqembu zokuthi iANC ihoxe kuluhulumeni wombumbanao kulesifundazwe.#sabcnews

Akasekho emhlabeni owayenguNdunankulu wase Kenya uRaila Odinga obeseneminyaka engamashumi ayisishiyagalombili ubudala.#sabcnews

UNgqongqoshe wamaPhoyisa osanikezwe umhlabakhefu uSenzo Mchunu uthi isinqumo sokuhlakaza ithimba elabe liphenya ngokusocongwa kosombusazwe KwaZulu-Natal kwakuyindlela yokuzama ukulungisa izinkinga zamaphoyisa kulelizwe kanye nokulwa nobugebengu ngendlela.  #sabcnews

Amaphoyisa agasele kungazelele esakhiweni samabhizinisi kaBrown Mogotsi eMahikeng eNorth West. #sabcnews

Umsolwa wokuqala u-Muzi Sibiya uqhubekile nokwethula ubufakazi ecaleni lokubulawa kukalowo owayengunozinti weBafana Bafana ne-Orlando Pirates u-Senzo Meyiwa enkantolo ephakeme e-Pitoli. #sabcnews

Lihlehlele umhla zizine kulenyanga ezokwethwasa icala elibhekene noMandlenkosi Buthelezi osolwa ngokubulala owayeyintombi yakhe uChesnay Keppler nokuyisigameko esenzeka ngoZibandlela wanyakenye.  #sabcnews

Akusensuku zatshwala abafundi bakamatikuletsheni baqale ukubhala izivivinyo zabo zokuphela konyaka ka2025. #sabcnews

UMengameli wezwe uCyril Ramaphosa wethule inkulomo ekhethekile engqungqutheleni yezobulungiswa ebanjelwe enyuvesi yase-Stellenbosch eKapa. #sabcnews

UNgqongqoshe wamaphoysia osekhefini elikhethekile uSenzo Mchunu, uthi uMengameli wezwe uCyril Ramaphosa wavumelana naye mayelana nokuhlakazwa kwethimba elibhekelele ukusocongwa kosombusazwe KwaZulu-Natal. #sabcnews

Kuqhubeka njengokwejwayelekile ukusebenza endaweni yamabhizinisi kaBrown Mogotsi eSeweding eMahikeng eNorth West emva kokuthi kugasele amaphoyisa kungazelele. #sabcnews

UMengameli wezwe uCyril Ramaphosa uhlabe ikhwelo kubathengisi bokudla ezitolo ukuthi benze okwengeziwe ukuze izwe lingazitholi selibhekene nesimo sokushoda kwakho. #sabcnews

UNdunankulu waseGauteng, uPanyaza Lesufi usekhuthaze amaphoyisa e-Gauteng ukuthi asebenzise uhlelo lwezokuphepha ngamaholidi okuphela konyaka ukuqinisa izinhlelo ezizobhekana nalo lonke uhlobo lobugebengu kanye nezingozi emgwaqeni. #sabcnews