گالوا نريد إنروح هذا آخر وداع گلت آنه اشيل الروح وألطمها بالگاع

شامت وگف عل باب مدري أشأگله أرتچي عالمكسور لو دمعي أهلّه

جرّبت ماخليت كل المشه وياي نص الطريق وگال حد هذا ممشاي

إبني أمي طگني بسيف ،،،، ها خويه إشبيك ربك احمده بهاي ،،،، چا مثلت بيك

سبحانه من خلّاك تچفي من ألا گيك وإنته الچنت بالطيف تتمنى أحاچيك

هوّد ياگلب وإصبر الطگ دنياك خل سرّك إمغطّه وبالك إتطلّعه

حسبالك گضت ماتگضي مبخوت صگعات الدهر صگعه بأثر صگعه

مو تعبان مادام المضايف من بعيد تلوح بعد. گهوة ععمامي امعاشره الفنجان او چلمات الفراضه إملازمه الديوان مو تعبان

مو تعبان مادام الثمن موجود للطيبين او معروف الثگل لو مايصح ميزان مو تعبان

أدوّر عالعمر بين ،،، الألم ،، والآه من منكم يرد ياناس عمري الضاع وياهو اللي يلم وياي سري الشاع وين الگاه ،، وين الگاه

إشگد تحبني ؟ كلشي يحجيلچ عليه نسبة الحب الأ ليه الف واكثر لو نقيس النسبه ميه٠٠ هاي هيه وآني أحبك حب صداقه للتقيه بس لتزعل ماكو طلقه تصير بيه

أنه اللي اجيتك من ردت عون رجعت بلا يه چف ،، إتگول شارد أبد ماگول چفي انطيته لفلان سألوني اعله چفي وگلت زايد

اذا گلبي يدگ الغيرك أنساه لأن الگلب بس وحدك سكنته

أقسم بالآله الخالق المعبود قسم بالمصطفى. وخاتم نبينه اذا خيروا روحي اتموت لو تنساك أگل للروح موتي ولاتعوفينه

مايحن الأعجمي قط للعرب هاي بالنص گالها سيد الأمم إذن هسه العرب بس اهل العراق واهل جامعة العرب كلهم عجم

إشكثر يحباب گلبي ضامي الكم متى أتعودون وأشكي ضامي الكم إشكثر عندي سوالف. ضامي الكم أكتها وي الدمع لو جيتوا ليه

گضيت اسنين عمري ضالمني ونه عگلي بصدودك ضالمني تگلي اشضال منك ؟ ضالمني فقط بس النفس تلگاه بيه

وحگ نون البحر والبحر ولبيه أظل طايع لمركم دوم ولبيه هاك أخذ الدليل وروح ولبيه بعد ماريد گلب البيه أذيه

اذا طگ الزمان أرداف. والحاك إشلون اعدي وره اليمشون والحاگ زماني الضاع بيه الصدگ والحاگ إمصادف راح بيه الشوف اليه

شوف الأشد والأعظم ولدهه نصيبي للحلگ وصلت ولدهه إجيتك والده او ضايع ولدهه أمسرده إهدومهه او تنحب شجيه