تداعيت المزوح وكانت أيامي تحدّ اليأس بعد كنت اليقين اللي يدين الشكّ تقطعني أمَرّ الذكريات اللي تمرّ الخاطر الحسّاس تبدّد كلّ وقفة كبرياء كانت تجمّعني تهادى يا سجين البال زعفر دلّة الهوجاس وحرّر قيد تمتمتي وقنّد حـزني المعني

ما راح من دنيا الفنا بألف طقّاق العمر سلفة .. والأوادم طراقي .

ما حسدت المطر على مكان النزول لين بلّل ( نهدها ) وهي ضاحكه .. -ناصر مناحي

يربطني بك شي أعظم من المحبه شي ليا ذكرته قامت ضلوعيّ تبرى.

عيونك مثل مجدٍ قصر دونه اللي خاف وأنا اللي يحبّ المجد ويموت من دونه.

من هو اللي شبهك بالظبي حسبي عليه والله لا عينك بعينه ولا شفاهك شفاه فضلك ربي بوجهً ماهو مثل الوجيه وجهك اجمل وجه شفته على وجه الحياه إلتوى طوق الذهب في نحرك وقلت فيه واهني طوق الذهب لا إلتوى بطوق النجاه دوري شيً يغطي قوامك .. والبسيه القوام اللي كذا .. ما تغطيه العباه

أنعست عين الغلا والهوى هدا هـانت الأيام والملح والعشـره وأبتديت تشوف نفسك وتتحدا وأنت مـاكنت تتغلى ولا تشـره غلطـة اللي .. بالمحبة اخـذ وادا واعترف لك بالغلا وابصمت عشره ضيدان بن قضعان

أنا العي كما يلعي من الورق مفجوعـه على بيضها اللي شافته وخذ من عشه على صاحب منـه العلاقات مقطوعه عـراوي فؤادي عقب فـرقاه منحشه أحبـه محبـة داخـل الصـدر مـزروعه تغـذى .. على دم الـشرايـن والـمشّه هروج العواذل فيه ماهيب مسموعه وراع الهواء ..من ينصحه كنـه يـغشه بن جدلان🫀

غاسلٍ كفّي من مصافحة بعض اليدين و قافـلٍ بـ وجيـه اهلها صناديق البريد و شايفٍ شيٍ لي اعوام مالي فيه عين و قاطعٍ خيط الهقاوي بسكين الوكيد و خالصٍ مـن طيب ظـنٍ موهقني سنيـن و ظاهرٍ لي عقب عرف العرب عقلٍ جديد

فيني عتب بس استحي من عتابه دام انشغل عني وفي حقي أهمل يبقى السؤال اللي أبي له إجابه ليه المحبه ف البدايات أجمل ؟

بيت العيد الرسمٌي: "ياحسافه على الرفقه وطول السنين حتى كل عام وانت بخير ما قلتها".

ابتديتك وانتهيتك وانقفل موضوعك لا تجي وإن طال بعدي عنك لا تمناني الخطا ما ينمحي لو تغسّله بدموعك والله إن تبطي تدوّرني ولا عاد تلقاني والله إن أبطي وأنا مركاي بين ضلوعك والله إن تبطي تناساني .. ولا تنساني

لاتـزيـد الهرج كثـره مـايفيـد ! الحكي فضه .. وصمتك ذهب لاتـغرك طيبتي تـرا راسـي عنيد لـو طـرى شـيٍ على بـالي وجب ان ضربت اضرب بكفٍ من حديد وان رقيت ارقى على هام السحب الاحـرار احـرار .. مـاتصبح عبيد ولو تـشب النـار .. زدناها حطب

لا تتصل ماني على الصوت شفقان مرواح جدي جعلك أتلى همومي ياما فقدـنا من حبـايب وخـلاّن بدري على فرقاك ترخي عزومي أبشـرك طيب و رايـق و طـربان شفني بعد فرقاك زانت علومي من باعنا بعناه ، بـ طفاس الاثمّان يانفس صدي عن هواهم وشومي

ناصر مناحي يقوله : انت ياللي لو يجي دونك من الوصل استحاله مستعد اوادع الايام .. و اواجه مصيري يا حبيبي ما طمعت الا بشيّ من العداله لا تجرّدني من احساسي ولا تنكر مسيري شيلني من جمع الاسامي وحط اسمي لحاله والله ما يقدر يقول اللي بقوله فيك غيري

يقول : استريحي فـ المعاليّق يالظبي اللعوب واسكني في ضِلع قلبي ونامِي بـ ايسره .

يغويني الليل لا خيم عليه السكون ويصير للحزن صوت وللفكر دندنه البارحه .. وين ودتني عليك الظنون وانا احسب اني تجاوزت الهوى من سنه يغلبني الشوق وتفضفض عليه العيون وانا بشر والاوادم م هي .. بـ محصنه الذاكره عيت تخونك .. انا كيف اخون فـ العمر حاجات واجد ماهي بـ ممكنه

صرت أنا وأنت مثل مذكّر الناسي من نشد قلت: علمي فيه يوم أنّه - ناصر مناحي

قبل ما اتقهوى كن في وسط راسي قوم وبعد ما اتقهوى هاتو الصعب واحله (:

يا صباح الخير والخاطر حزين نفسي اللي شاينه وش حلّها ؟