أخاف العمر يسرقني وأنا عشت العمر طوّاف ما بين الأمس، والذكرى، وأعدائي، وأصحابي تطيح الدمعتين ثقال ويحسبها البعيد خفاف وأشوف الوقت ياخذ من يديني معظم -أحبابي- وأشوف الليل يغتال النهار بـ ظلمته وأخاف تصاحبني الظروف الظالمة وتصاحب أبوابي

تدور السنين وغيبها ما هو بمكشوف ومحاريفها مابين ضحكه وتكشيره وانا عبدك اللي يحتويه الرجا والخوف يقصر ويستغفر اليا شاف تقصيره تحت كف غيثك مارتجي للبشر معروف لو تنوشه صدوف الزمان ومقاديره

نظرتي لنفسي يلخَّصها كلامي عاذّلي كوكب وأنا كلّ المجرّه و المكان اللي ينزّل من مقامي تنقطع رجلي ولا في يوم أمرّه من تجمّل بي لقى منّي احترامي و من تردى بي تركته عند شره كم ظروفٍ حاولت دون انهزامي أتجاوزها و لو انها صدق مُرّه

تكبر وتعرف بإن محمد جارالله كان معه حق، وعنده بُعد نظر، وحدس لا يفشل، يوم قال: "كان ما تبغى خسارة كل غالي ماهو بـ لازم تقول اللي تعرفه"

رغم تقدير الجميع ونـزعة النـفس الشغوفة ما ظهرت بـ "مظهر المغرور" حتى في خيالي

تبعتك لين ما جفّ الحنين و ماتت الاسباب ولا باقي سبب مقنع يحرّصني على الرجعه

ابن جدلان بدايةً قال: " الملتزم بالصمت ما يخطي ولا يخطى عليه انشهد أن الصمت يحفظ للأدمي شخصيته " —— ثم بعدها بفترة قال: " المجنب من الأوادم ما يخلا لاسلم من شر ذولا جوه ذولا " دلالة ان الشخص مهما تغاضى ماهو بسالم فأرثع بالدنيا عزيزي المحترم المتغاضي

رافعٍ نفسي عن أطراف الحديث الخالي كيف أنزل مستواي ، و هامتي مرفوعه والله إن طيبي ماهو بالمرتبط بـ أحوالي و ضحكتي بوجيه ربعي ماهي بـ مصنوعه

مكتفي باللي يجي منك من باب الوصال إن عجزت تسوي الصعب سو المُفترض أرسل . . ان عيّت عليك ظروف الأتصال الرسايل بعض الأحيان توفي بـ الغرض

اطلبك ياربي لسانٍ صادق و قلبٍ سليم و عزمٍ على التوبه من ذنوبي و من تكرارها ومن فيض جودك مايعيّشني حياتي في نعيم ابيه فالـدنيا .. و في الجنه و بين انهارهـا

اذا تقدر على المطلوب بادر ترا من يستعين الله يعينه

دام السما لله ما ضاقت الأرض ماني من دروب المقادير جازع لي موعدٍ مع ليلةٍ نجمها الحظ أشوف فيها ما تمنيت .. واقع

عسى المقبله فيها من الجود هبة ريح وعسى الماضيّه تغفر من الله خطاياها

إقتنعت إن الليالي متاحف ذكريات يوم تبطي سجّة البال بين أسوارها اللي ظاهرها سعادة و باطنها شتات وحشةٍ ما ملّت النفس من تكرارها ما لفقدك غير نعمه وحيدة فالحياة باحت الدنيا بعدك بجميع أسرارها العيون تداري الدمع من كل الجهات مثل الأم اللي تداري شعور صغارها .

طواري الغرام الاوليه مهي بشوي سقى الله مداهيل المحبه ومرباها جروح الهوى مهما كبرنا مثل ماهي تمر السنين وعادنا مانسيناها

« مايستحق العذر ليلة.. من ليال الإنهيار اللي رفضته من حقوقي واللي ألتمسته من غلا ليتك مخليني على ضيق إحتمال الأنتظار ولا تجي وجروحك أكبر من جروحك الأوّلـى »

عسى ما فات يشمله عفو وغفرانٍ وعسى الجاي خير وأحلامي تتحقق وأرفع دعاي للي بيده كلّ الأكوان وأدري عطاء الكريم ما يخيب رفعت الرجى للي بيده كلّ الأكوان وما لي سواه بدرب عمري أتعلق