« جيتك من أقصى الدروب . . والليله مسافر على مواويّل . . يا دنيا من أنتي له! عطني مْن الوصل لو بـ روّس، الأظافر إن شفتك اليوم ولّا شفتك الليلة » ———مطلق بنّ شويه

الله من عين لها النوم ماطاب عين الشقى ماتمرح الليل كله كنه يشذبها عن النوم شذاب طول السهر عيت عيوني تمله ولا عاد يدريها دوا طب الاطباب اللي تداوي بالدوا كل عله وفالقلب مشهاب وفالكبد منساب وبين الضماير مونسٍ حر مله

استأذنك بسافر ايام واجيك وان طالت ايام السفر لاتحاتي لكن قبل ماروح ودي أوصيك وانت الوحيد الي يقدر وصاتي لحدٍ سالك وقالك وين مغليك قل له لوازم .. لا قضاها بياتي وإن طرو النسيان ماني ناسيك يا راس مالي فالحياة وغناتي

اشوف الخطأ واقول عادي انا النّساي ولي قلب مدري كم طفى من قناديله ولا زلت احبك وادري انك اهم اشياي واشوفك امان كل ماحتجته اجي له لو امشي على الماء لا ذكرتك نبت ماطاي خزامى و ورد وكل وادي درج سيله عسى باقيٍ لي معك ضحكة ترد رضاي ولي عمر مهما فاتني معك .. باقي له

tellonym.me/otttb1

خط ١٠٠٠ كيلو لحالك والله من الهواجيس 🚶🏽‍♂️‍➡️ .

سامحيني يوم دنياي زماره دارً اصبحها ودارً امسيها

تذكر يوم أنك جيتني ياغريب الدار أبشر بشوفك كني ابشر بمولود فتحت لك صدري ياحبيبي زرار .. زرار هذا بيتك وبيت أمك وبيت أبوك العود وتحتلني ؟ وتحطني دولة استعمار وأنا فـ السعوديه تحت راية ابن سعود

ادري ماعلى قلبي من صدوف الفراق خلاف لو إن نوبات حزن الذكريات تضيّق ضلوعي ومثلك ماتردّيه الليالي ومنه ما يخاف لو إنك كاشف اسراري وعارف وش هي طبوعي لكن ليه الحياه الجايرة ماتعرف الإنصاف ياكيف احلى الليالي معك تسقى بمالح دموعي

ليتك مخليني على ضيق إحتمال الإنتظار ولا تجي وجروحك أكبر من جروحك الأولى

أنتِ لا أخطيتي الطريق وشفت زلاتك كثيفه رحت أدور لك عذر ما رحت أدور لك ملامه

سرحت بخيالي فيك وأسهبّت فالتفكير وطلّعت كل اللي مخبى ورى صدري ماتمنعني حدود المسافة عن التعبير أنا توّي مسولف معك وانت ماتدري

جيتي وأنا أدور مجيك من زمان لا يا بعد كل الوجيه النيره وشلون أبعطيك السلامه والأمان وأنا فهد وأنتي غزال مذيره

أنا لو ما ذكرتك / بذكر إنّي ماني بناسيك عليك الهمّ ياكلني غصب والشوق يذبحني أنا وشلون أريّح خاطري وأرتاح وأخلّيك ؟ إذا إنك لا متعبني وراك .. ولا مريّحني

ليا غبت عن عيني لحقني تعب وخلاف وإذا جيت خليت التعب كله إخلافي مافي صيدليات الدوا للجروح إسعاف عوض صيدليات الدوا حضنك الدافي يابو خصرٍ تقول انه يسلّف الأرداف خذ اللي تبيه ولا تخليه يستافي خضار العروق اللي تحت جلدك الشفاف عناقيد ربلٍ ما سفى فوقها السافي

"أقفت وأنا قفّيت .. ورقابنا عوج يالله تجمع شمل عوجان الأرقاب"

لا واهني من يضمّك عقب طول البعاد في ليلةٍ من ليالِ — العمر ما تنّسي .

الوليف اللي هواني و قلبي مهتويه لا تذكرته و انا اضحك .. تنّهت و بكيت

تكفى تشهد يافهد واقرا الايات الموت جانا والظروف اجبرتنا من قبل اشوف الغيم دون السماوات واليوم اشوفه يافهد من تحتنا

ليله بها جمر الحنين يشبّ والدمعه رماد وليله بها غيم اللقاء يمطر لي شعورٍ جديد ليله بها يأس الظلام ومنعطف درب البعاد وليله بها نور الاماني كان لـ دروبي عضيد وليله بها مرّ الهنا واستوطن ارجاء البلاد عابر ولكنّه غرس بسمه وسلمني الحصيد