استقبل العام و أودع أعوام والسلم ثابت والمبادي مبادي ما يمل عزمي ولا ترخص أحلام وأنا ترى انسان ماهوب عادي اطرد الحلم والعز قدام الخير جاي هذا إعتقادي متوكل بالله على سير الأقدام بأسمه العظيم اللي بالكون بادي #خواطر

«وكيف أنهزم وأضعف ليا من ناحت الورقا؟ وطبع الكرامة في معاليقي أبًا عن جد أنا لا لمحت اللي أحبّ يتوق .. للفرقا تعمَّدت أقول الكلمة اللي لا سمعها صد» #خواطر

أمان اللّٰه على عمري وعلي من الليال السود عسى اللّٰه يملي سنيني رضا وايام ورديه وعسى ميلاد عمري يعود لا فاقد ولا مفقود وعسى من العام لين العام تتحقق امانيه وعسى ماراح من عمري غفره الوالي المعبُود وعسى اللي جاي ما تكتب بصفحاته ولا سيّه #خواطر

"رجعت بمركب أشواقي وأدور للوصال ضفاف وصلت وما لقيت إلا منافي ما بها رحمة أجي فيني عتب يجرح حنيني والسنين عجاف وأروح وما معي غير الوله في رحلة الظلمه" #خواطر

"نديم الصمت ما والله تحصل لك عليه دروب يا زين الساكت اللي ماحد يدري وش ظروفه" #خواطر

«أنت ياللي مثل فجرٍ جايب شعور السكينة جاء يطمِّن كل ساهر ويبعد الضِّيق بـ ثواني» #خواطر

الصباح اللي يجي في حضرتك يا رايق ما يشادي كود صبحٍ مثل صبح اعيادي لو همومي تصطفق من صدري المتضايق من تبسامك يصير الوضع جداً عادي ..! #خواطر #صباح_الخيرᅠ

"يذوب الصمت ما فاح الكلام وﻻ نطق لي حرف تموت بـ عيني أحلامي وﻻ أخدش عفّة حروفي يرّد الخافق المجروح عزّه .. و الحياء و العرف على متني زهابي و الليالي البيض مصروفي" #خواطر

ذخرتك للسنين السود وجروح السنين علاج على اللهفه نجي ولا على تلويحة اجراسك؟ خذ أحلامي طريق وخذ سلامي للطريق سراج ولا تستغرب شعوري ولا يغريك وسواسك أنا ليّلك وأنا صبحك وأنا الساهر أنا الوّهاج وأنا اللي لا دعاك الشوق ما ملّيت مجلاسك #خواطر

الشوق والغيره وثالثهم البعد هذا الدمار اللي يقولون شامل #خواطر

«لا تنادي للمقفّي ولا تهيم بكل وادي القلوب اللي تحبّك ماهي بحاجة عزيمة» #خواطر

كـل حلـمٍ فـاتـني بـالأمـس وصـل لـه سـلامـي مـاعلـى الفـايـت حسـايـف والنـدم قصـه قديـمه ادري ان الحلـم لامنـي عطيـتـه . . اهتمـامـي صـار حلـمٍ للجميـع وصـار لـه معـنى و قيـمـه #خواطر #مساء_الخيرᅠ

« غريب الجرح » لا والله غريب إلليّ جرحني ونام تلحّف بارد أعذاره وأنا في زحمة أفكاري ! #خواطر

«ظنّوا إن الصَّمت في وجهي رضى ما دروا بالصَّمت في وجهي جدال نظرتي أوسع من حدود الفضى والسكوت أبعد من حدود الخيال شف على كثر الكلام اللي مضى؟ ما عطيت مدور الزلَّة مجال من نوى صدِّي فـ أنا جمرة غضى ومن نوى وصلي فـ أنا ماءٍ زلال» #خواطر

ياصِبرك والسحاب يذكرّك فيني ولا تشتاق ياقوّك ينشدك عني المطر وتقول له بعدين كثر ما اجهل مصيري في عيونك والزمن سرّاق يطمّني علي .. إنك ..؟ أكثر من عرفني زين #خواطر

قلت قلي وش تحب من الكبيره للصغيره غير حبك للفضايل و الفضا و الأفضليه قال وش أقول و أنتي كل خير و كل خيره و كل صبح و كل ليل و كل نور و كل فيّه . #خواطر

يأتي بها الله و ان طالت يأتي بها الله و ان تعسرت يأتي بها الله و بعوضه الجميل — لا تكفوا عن الدعاء مهما طال الانتظار و مهما صعب المنال و مهما تعسرت الاسباب ( ادعوني أستجب لكم ) #الوتر_جنة_القلوب #خواطر

خلك كريم الفعل والطيب والجاه و اسلك طريق النعم بالطول والعرض ضعيّف الوقفه يمن بـ عطاياه ولا ترى الطيّب يشوف الكرم فرض الغيم لا منّه عطى الارض من ماه ماينتظر رد العطايا من الارض #خواطر

أنكسر غصن المواصل على جسر الحنين بعد ما هزه هوى الشوق و أبغضت المبيت ودنا بالقرب و القرب عيا لا يحين كل ما لانت له الروح قلبه يستميت وأهنيه يرقد الليل ما بيّح كنين ولا أنا يرفع صوت المساجد ما غفيت علموه إن المفارق على المشتاق شين و علموه إن كان ناسي تراني ما نسيت #خواطر

مثل جيلي ولي جوّي ولي عند الشغف عنوان رغم إنهم يقولون لي .. أنا ماني مثل جيلي صحيح إني رقيقة قلب ويتعبني الوداع أحيان ولكن من تخيّر في بعادي .. ما يهد حيلي بيدرك كثرة أحبابي بيدرك من هو الخسران وأنا يكفي القلوب الطيّبة تشري مواصيلي #خواطر