من قبل اعرفك كنت موحش وسفاح الي تبيه النفس اخاطر واجيبه كانت عيوني ماتوالف للمراح اسري مساري الذيب وهذب هذيبه ومن يوم جيتي في حياتي وانا ارتاح عرفت وش معنى الحياه الرغيده انتي ملاك ولي بدنياي مصباح انتي علي كل يوم نعمه جديده

والله اني ما أتردى و لا أحب القصور و أتجاهل كل من هو ضعيف و مبتلي َ رافعتني عزة النفس .. لـ حد الغرور و الثقه بـ النفس لـ أعلى مكانٍ معتلي َ لا دعولي والديني .. بـ تيسير الأمور ما علي من باقي الناس لو تدعي علي

تخيب هقواتك مع النَّاس وتصيب إلا مع الله .. ما تخيب الهقاوي

لا ثارت الهيجا وناطحت الخصوم ابطش وخل الدم يوصل للركب الرجال بالأفعال ماهو بالعلوم ماله دخل طيب السلايل والنسب كم واحد جده وخاله روس قوم لكن هو اكرمكم الله (ذنب)

دايم نجي فوق هقوة من هقى فينا و الوقفة اللي تسرّ العين .. سقناها شلنا الحمول الثقيلـه ما تراخينا لا عجّزتنا و لا ضقنا من اقصاها ما والله اثـقـل عـلينـا مـن أَسامينا و من فضل ربي حميناها و شلناها

أن كان عذرك بالخطا طيب نيَّه لاتصير طيِّب حاول تصير رجّال

لاتحطنا براسك عسى الله يهديك راسك اضعيف مايتحمل شماغه ماعلموك إنّا رصاص البلجيك من حطنا براسه تفجر ....دماغه

حتى لو الموت ياخذ طيّب السيرة ما يقدر الموت ياخذ سيرة الطيّب

عسى مقبل الايام كله فرح وسرور وعسى ماضي الايام مغفور من ربي

أجي قد الهقاوي البيض .. ولو فيها علي إرهاق ما أجي بكيف الظروف اللي علي الوقت فارضها

ارتحت من حبك ورجوى وصالك وارتحت من كثرة محاتاة فرقاك

ماطرحني حب عذرى ولا حيلة نصوف

أنا الصف الأخير ماهو بصفي أنا من وين ما أوقف يبدا العد ولو في يوم أنا الوح بكفي تصافحني كفوف ٍ مالها حد كفوف البرد في وقت التدفي وكفوف ٍ ماقوت تكون لي نِد

الصبر له حكمة وله وقت وحدود اصبر على العجه برجوى .. سحابه

النادر اللي روس الاشهاد مرقاه يقلط على الجزلة بـ راسٍ مصمّل من طيب وقفاته و من طيب يمناه لا طق صدره للنشاما .. تـجمّل

لله درّي .. على الصبر و على الاعتياد أواجه الوقت صلب وخاطري ما حكى انا أكثر إنسان تشكي له قلوب العباد وعلى كثر ما يواسيهم ما عمره شكى

راسـي اطلق راس لو ان الليالي تحتريـني يستـحـق الـتـاج الأصـفـر لا عـقــال ولا عـمـامـه والله انـي خابـر ان الـمـوت الاحـمـر مقتفيني وان سلمت اليوم بـاكر ماتحريت الـسـلامـه من وراي اللي يحسب ايام مايحسب السنيني وكـل يـومٍ ينقضي يكتب على جنبه علامه

لاشفت العباد اللي تحرّك بدون أرواح شكرت الله .. اللي بـ المبادي منوّرني يا كم واحدٍ يفرح على صاحبه لا طاح وأنا والله إن ( طيحة عدوّي ) تعوّرني

نطيب فيهم ونصدق في محبتهم ياطيبنا اللي بعض الاحيان ينكبنا ماعاد ندري اعدانا وش وظيفتهم دام العداوه تجينا من حبايبنا

حنا عزاز نفوس ونموت وافين والطيبين اهل الوفا هم ونسها نموت مانلبس ثياب الرديين دور وتلقى غيرنا قد لبسها