والله اني بحاجه للغياب الطويل دام كل شي احبه بالحياه اخسره

يامرحبا والقصيـد ان جتنـي افكـاره اخذت منّه مايرضـي ذوق جمهـوره والنفس يابو حشـر بالسـوء أمّـارة لكنهـا لا ذنبـت ماهيـب مـعـذوره :) - بندر الدويش

على طموح اللي شبوحه ماهيب قصار مصير الليالي تنصف الحق للوافي فالح اللحيم

زكاة العقل : تهميش زلة قليل العرف والاسراف فيه : مناقشة واحدٍ جاهل .

عليك الصبر يالخاطر الضايق المهموم وعلى الله حالي . . قبل لا ينبري حالي .

"الدار ماهيب ياصدام محتله: ما استعمرت قبل حكم العود وعياله" خلف بن هذال #يوم_التاسيس

سلام الله عليكم جيت و الغيبه بلا مقصود تمشيني ظروف الوقت و امشي حسب ممشاها اغيب اليا دريت أنه يكفي عني الموجود واجي لـ فاحت دلال المواقف واتقهواها (:

من باب ما جاء في الإتكالية على النفس والإعتماد عليها يقول محمد جارالله : “تعوّدت ما أدوّر ورا العالمين أسناد أعنّز على يمناي.. وآقف على ساقي”.

انا لو ضاعت الدنيا وراي وزادت الأتعاب اجي كأني صباحٍ كل العالم تهذريّ به .

🙋‍♀️💜 ترا الغياب احيان من باب الانصاف نستخدمه مثل العلاج الضروري :)

وجودي عليهم وجد منهو لحقه اخلاف ويسمع ونينه قاصّي الناس والداني :( Vs -اليا ذكرت وقتن فات قلبي عليه يحن حنين الخلوج اللي ولدها وقف يومه :(

مادام قلبي لك شفوقٍ وميلاف وراك يا خلي قليل المروفه لا لاتعسر القلب في كل محراف واحذر يجي عقب المودّه حسوفه قل لي عسى مابه على الخاطر خلاف عسى حبيبي ما قصر دون شوفه دوك الدّموع بحاجر العين وقاف لا انت بماسحها ولاهي ذروفه

إن تحالفتوا علينا.. ما علينا ما قوينا إلا من اسباب التحالف ومن سواياكم فلا خوفٍ علينا ما خبرنا عندكم غير السوالف و ما نخاف إلا عليكم من يدينا إن سلمتوا من يدينا.. ما يخالف

🔁

لا غاب عنك اللي غيابه مصيبه وطالت به الغيبه ولا جابه الشوق مافيه داعي تنشده عن مغيبه ماغاب عنك الا وهو منك مسروق خله يكمل غيبته وش تبي به لا تلحقه لو كل مطرود ملحوق ترا المحبه ماتجي بالغصيبه لو السما تطبق على الارض من فوق :)

لك بالصدر مربى وبالعين مجلاس وحبٍ نما بين الضلوع النحايل

ودعيني واتركيني عسا دربك سماح القناعة كنز عند الضمير المستريح ياهنوف ٍ علقت قلب شاعرها وطاح وأحفرت له في مسابل مدامعها ضريح يوم قفت ترفع الليل وتحط الصباح كنها شيخ من الطيب مطغيه المديح اعذريني يوم اقابلك طعونك بـ ارتياح كيف لا والجرح مملوح والجارح مليح

أيام في غلبها وايام نغلبها قاله بديوي وانا بكمل بها القافي مرٍ توصلني الشمس وكواكبها ومرٍ تحدرني بغدر نورها طافي ومرٍ توريني النار ولهايبها ومرٍ توصف لي الجنة بالاوصافي قمت اتشفع ورحمة ربي اطلبها لاصار بكره فراشي طين ولحافي - شقير الجذع

يا حيّه إليا اضفى على الكون العباه قبل السماء تطلع عليك نجومها . لبس السماء كله سحابه و احتماه لا تنشد عن الشمس ويش علومها ! . غابت قبل وقت المغيب مع الصلاه قدام لا يمضي و يقضي يومها . ضافٍ عليها سترها مثل الفتاه اللي تخثّع في جديد هدومها :)