النوم سباي المراجل والارزاق ياقل نوم مدورين المكاسيب ان كان ماجاك الولد نومه اشفاق تحرم عليه مشوهقات المراقيب

راس مالي خوة المحزم اللي مايبور محزمي في جور الايام و انا محزمه طال عمر اللي عَلى الشّده صبور تفتخر ربعه بفعله و ضيفه مكرمه

حتى لو انك عارف الرد وشلون قادر ومرهي من جميع النواحي لاتخسر الصاحي على شان مجنون تجاهل المجنون لعيون صاحي

اصد عن زلة قريب الجماعه مانيب سيفٍ يضرب كتوف راعيه والا الشجاعه مانقصنا شجاعه لكن ترا الدنيا سلوم ومشاريه

لو كل ما يطري على البال ينقال قلنا جميع اللي نبي ما استحينا لكننا عقّال ... وعيال عقّال يُحسب لنا مثل ما يُحسب علينا

ياما على الجاهل يفوتن الأفوات وياما على العاقل تصير البلاوي لا صار ماتاخذ امورك بحيلات يصير عقلك والهبال متساوي راع الحساني مايجازى بسيات وراع الصخا حبله طويلٍ رهاوي

كل عـام وحسنـك البـاهـي يزيد عسى عامك سعيد وأيامك هنيه

وخَالفِ النَّفْسَ إنْ سَاءَتْ مَطَالِبُهَا واكْبِتْ غَرَائزَهَا واطْلُبْ لَهَا الأَدَبَا

يا واحدٍ عن جميع الخلق متفرد انشهد انك رويت القلب واحييّته.

كم من مريضٍ يعيش شهور وسنيني وكم من صحيح رقد والنومه النومه لو هو بوسط الاقارب والمداويني ما ينفعونه بشي اليا دنا يومه

أحيانًا توهمّك الدنيا بإنك قلبك من صخر وأنت بالأصل .. غصن حتى الهوى الرقيق يهبّه

اشرب قبل تقفي عليك المشارب ما للحسايف فالمقابيل راحه

روحــي عزيـــزة بالرخـــا وبالضيق نرخص سومها لا طـال عمـرك يالذليــــل حـلاة الدنيــــا علومهــــا

ادري ان العقل نعمة وادري ان النفس تهوى والمراد اللـــي تبيه النفس حال العقل دونه

خل في وجهك حيا لا يضيعك الغرور اعرف اللي لك من الحق واعرف ما عليك

يا كيف عزمك يرتخي وانت رجال الضعف ما هو من سمات الرجوله ارقى لها لو ما لها درب وحبال وعند الولي كل الامور محلوله عين الكفو تشفق على درب الأبطال واللا الردي عينه تراها خجوله

في نفوسنا رغبه ، وفي وجيهنا دم لو تبسط الحاجه لنا راحتيها .. ان وافقت بـ العـز .. قلنا لها تـم وان بان فيها ضعفنا .. ما نبيها

مارحت اقدم حاجتي للاجانيب نصيت من ربعي رفيقٍ سنافي القاه في ساعة غياب الاصاحيب مثل الوجيه الي عليه الملافي حتى الامور الي مخاليصها غيب عنده العرب صعبه وعنده عوافي وان ماقدر في حاجتي عدّه العيب شنار وجهه فاول الامر كافي محمد المنخّس

الضعافه ماتورّدك المناوي مايورّدك الشفوف الا الشراسه لا تفكر بالمحاسن والمساوي ما ورى التفكير غير الانتكاسه تُولد الفكره بصندوق الشكاوي وتُقتل الفكره ب قيد الدراسه انطح صياح العزاوي بالعزاوي واترك اصحاب السياسه ل السياسه

يارفيقي لا تحسب الفرص دايم تلوح كم وكم من فرصه اقفت واقفل بابها التردد دايم يخلي الفرصه تروح والعزيمه بيد اللّٰه ووجيه اصحابهاء خل في قلبك جساره وفي نفسك طموح المثل قد قال من هابها ما جابها