يازين شوف البر لو خايعه شوك اخير من شوف الجدار المظلم شل ياولد مفتاحي وجود البوك ما عاد باقي لي كلام اتكلم خله يفك الحظر عنا وانا ابوك ان شفت وجهي عندكم لا تسلم

اي والله اني ضايق وصدري حزين ماهيب عادة خاطري في كل عام اغلى شهر على العباد المسلمين شهر رمضان ولا تراويح و قيام نسألك عطفك يارحيم ويا معين متى تساوى صفوفنا خلف الامام

والله ان تبطي وحبك بين حدب ضلوعي لين اسلم عودي المبري واسلم حالي

لاهجدني كل ليله من طيوفك هاجد قلت مهلك وانت يا عذب السجايا مَهْلَك الوجيه اللي تشابه في عيوني واجد كل ما شبه على مخلوق ما يشبهلك

نحب الوصال ونكره البعد و الوحده ولا نلحق المشروه من جاد من جوده ماطاح الغلا والود من كلمةً وحده ولو طاح طنب البيت ماطاح عموده

ياليت مرضى العقول تشاف وترقم مثل كورونا و مرضاها نرقمها نقدر نعقم يدين الناس بمعقم بس القلوب الخبيثه من يعقمها

لقيت اكثر اللي ينقل الهرج ويوديه على ذمة الراوي و لا شاف بعيونه يقولون قال فلان و فلان فيه وفيه و لا ضيع اكثر شعبنا الا ... يقولونه

ما تاقف الدنيا على فراق مخلوق تعطل الساعه و لا ياقف الوقت

ماكنت ابيك تشوف بعيوني الشوق لكن عيوني جابت العيد عندك

ماعندنا للضعوف الاجواد اعتبار هذا الصحيح ويزعّل الناس الصحيح من طيبنا دايم هقاوينا كبار يا قوم ياللي دون هقوتنا يطيح

ياليت لاهل الحب قانون ينشاف عشان لامريت دارك تقهويت لولا تقاليد القبايل والاعراف خذيت لي فنجال واحد وعديت

الا ياطروق الشعر والصدر فيه وفيه عليه الطواري لا قبل الليل مكتوبه دخيلك تسلينه ولو ليله وخليه ترى مابقابه ضيقةً ما رجفت صوبه بكيت الزمن مبطي وببطي وانا باكيه عقب شفت وقتً معطي الناس عرقوبه

يالله من الخير تجعل ذكري قريب امر بمعروف ولا انهى عن المنكر وتقسم لي امن خوياي الوافي الطيب اللي ينومس بذكره كل مايذكر وجنبني الخيب اللي جاذبه خيب اللي مع الناس لا يشكر ولا يشكر

اليا بليت بواحدً يدبل الكبد وشفته على بعض العلوم يتقصى اما سفيه وهابد المرجله هبد و لا على ما قال خبلً موصى