تصدّق اني واحد ٍ مسكين ! اكبّر الهقووووه و اضيّعها كنت احسب اني لا طلبتك عين تقول هاك الثانيه معهاااا .. #بن_عابد

احبك .. محبه م تجي خاطر وْلا بال غريبه !! تميت القلب و تعاود انعاشه من الغيره احفظ رقمك انتي باسم رجال اخاف العرب تقرا اسمك ان جا على الشاشه

لا كثروا عليك اللي يبونك بكلمة راس و يبغون منّـك شي .. عجزوا يسوونه تواضع تراك السيّد اللي خذا النوماس يسود العرب من يخدم الناس بعيونه #بن_عابد

مباراة كبيرة قدمها #نادر_الشراري ضد النصر منع فرص خطيرة لنجوم #النصر تسبب بركلة جزاء لفريقه في آخر ثانيه من المباراه أقول … ليتك انت اللي سددت البلنتي !! تستاهل تقييم 7.6 نادر الشراري

" البداية " نص المشاركة المتأهل بتقييم اللجنة .

كم من مدير بقيض تلقى به الفي و كم من مدير ٍ ماش نفع و فوايد ترى القياده شي ، و السيطره شي ما كل من سيطر على الناس قايد

حوار استمتعت في ادارته مع شخصية فاجئتني … لقاء يستحق المشاهدة 👌

ما كل من زاملك فالشغله صحيب بلاش صدمات خلك راع نظره كم صاحب ٍ نحسبه شلفى تريحيب وإلاه يوم الوغى سكين خضره

بعض العرب من زود طرده للاضواء مدري نقول انسان و الا فراشه ؟

نرجوك يالنادي اللي نعشقك فالصبا اليوم شبنا على حبك و شب الغرام نبغى البقاء في يلو بالمرجله و الشبا ماهيب زينه نعوّد عقب ذاك المقام يا مارد الجوف واللي مثلك ليا كبا يلقى له زحول تاقف بالمسا و الجهام كم واحد ٍ وده بطيحتْك بس ايهبا الله خلقنا لميقاف ٍ عليه الكلام #نادي_الجندل #يلو

#ياولي_العهد_يالقائد_العظيم مجد العرب يحتاج قومه قعده ومحمد يجيبه ويفنى دونه السيّد اللي ما يخالف وعده ما ينطق الا كلمة ٍ مضمونه وما يفعل الا والعرب من بعده حتى حرَكاته تصير ( ايقونه )

كل ماشوف النفوس تذلْ والروس تْهاوى قلت طاحت من ركون المرجله أكبر ركيزه اكتشفت ان الذياب اللي على المرقب تعاوى في سبيل المنفعه والحرص تدفعها الغريزه يمكن ان المال يجبر كسر والجرح يتداوى بس ماظني يداوي كسرة النفس العزيزه ماجد الجارد

#بس_حبيت_اقول تمتّع في طواريق العبوديه ولا تقنعني ان السوط له لذه م فيه اجمل من العيشه بحريه يشوف الحر فيها نفسه الفذه

نطرد ورى الدنيا مخافه من الجوع ومن كل شي إلا من الجوع .. متنا

#حمله_ولي_العهد_للتبرع_بالدم والله لو اني مشتغل فالمركز اللي تبرع به لاقوم اتباها واخذ معي لو عينه من دمه لو قيل ابن عابد معه خبّاها وارزها في مجلسي و افاخر جينات ابوسلمان من يقناها وان شافها مسيّر ونشّد عنها قلت الحياه بكبرها تفداها #تجمع_الجوف_الصحي

بقلوب مؤمنة بقضاء الله وقدره انعي عمي و والدي سعود بن سالم الدليمان اسأل الله ان يغفرله ويرحمه ويسكنه فسيح جناته ويجعل ما اصابه تكفيرا لسيئاته ورفعة لدرجاته ويلهمنا الصبر والسلوان وإنّا لله وإنّا إليه راجعون

#عزّنا_بطبعنا  | 🇸🇦📸 عزّنا في ليلة وطن.. تتجدد في كُل عام.. تغزّل بها الشُعـراء.. فخراً وإعتزازاً وولاء.. جانب من #الأمسية_الشعرية .. للشاعر #متعب_النصار والشاعر #عبدالمجيد_العابد والشاعر #عبدالهادي_العشيشان بمناسبة #اليوم_الوطني_السعودي95 #بلدية_العيساوية

ليتني في دارك اللي خذت عقلي مقيم كان ماهو بيقنب الذيب م حصّل عشاه نعنبو حظ ٍمن الضحك والراحه عقيم لو يتاجر بالتوابيت .. ما تعلن وفاه ! #بن_عابد

هو "أول العشر" بعذوبة قصائده "وماني للعشر حادي" بإحساسه الذي يلامس القلوب. موعد جديد مع الشريك الادبي كوفي كايت في ليلة بوح شمالية تزدان بوجدان شعري مرهف، مع شاعر الشمال، ابن #الجوف ، الشاعر #عبدالرزاق_الهذيل. الاربعاء 6 مساءً حياكم الله نتشرف بحضوركم 🫡