ليت هالدنيا مثل مدّت ابوي لا عطا ،، ما ينتظر رد الجميل .

ياعذب اللمى ذي سيرة الحب والعشاق لهم ضمن تصنيفاات الاوهام تصنيفه وانا داري ان الوقت قاسي ولا ينطاق ولا احد ٍ من العالم ظروفه على كيفه لابد الحيااه يصير فيهاا عتب و فراق يا كم من وليف ٍ غاب واهمل مواليفه خلوني كذا ذي حالة العاشق المشتاق اليا غاب من يغليه سولف على طيفه

اسكتوا مني و صدّوا لين يسلا حالي قد حلفت الرجم ذاك اني ما عاد اذبّه وانت ياللي كل شي فيك .. زين و حالي لا تقول مجار مما جاك وانت السبّه اعتزلت الناس من مده ورحت لحالي واستوى في خاطري من يكرهه ويحبه لا بغيت ارتاح من همي ومن غربالي ضيقوا صدري عيال الناس .. حبّه حبّه

تنال النشاما كل طاله وكل اعجاب وتملا رحاب الكون بالسيره الزينه كبير البخت لاطاب راسه وحظه طاب اكل من كبود اعداه واسعد آمحبينه لامنه تكلم صاب وان قام يفعل صاب ولا ( يشرق آبـ ريقه )ولا يقصر آيمينه ليا راحو اصحاب السوالف آغتر وثياب من آيواجهه يبى يواجه عجب عينه

الطيّب اللي يقدر يقول لك : لا ويردّه التقدير ويقول : طيّب .

أشوفك سحابٍ في مجيّه حيا وأمطار وأشوفك مجي القوم والحرب والسلّه وأشوفك نهارٍ ماتوارى عن الأنظار،، "ياعنّك إنّي أفضّل شموسه على ظلّه تعال إن بدأ لك في دروبي ضحى وديار هذا الصدر مرتع، وأنت خابره وتْدلّه وخذ أول شبابي عمر لاشحت الاعمار وإذا كان مايكفي؟ فداك العمر كلّه

ليا ضقت سولف وإن تعدل مزاجك غن سعادتك تسعدنا .. وضيقك يضايقنا فداك الزعل والكلمة الجارحة والظن دخيييلك لا تذرف دمع عينك وتغرقنا مادام المحبة تضحية والتعامل فن تزور القبور أجسادنا ما تفارقنا لو إن المنايا خيرتنا بتاخذ من على المووت وأبواب المقابر تساابقنا

أشوفك سحابٍ في مجيّه حيا وأمطار وأشوفك مجي القوم والحرب والسلّه وأشوفك نهارٍ ماتوارى عن الأنظار،، "ياعنّك إنّي أفضّل شموسه على ظلّه تعال إن بدأ لك في دروبي ضحى وديار هذا الصدر مرتع، وأنت خابره وتْدلّه وخذ أول شبابي عمر لاشحت الاعمار وإذا كان مايكفي؟ فداك العمر كلّه

الخاطر المستضيق اللي سهر ليله مسامَر الهم عنده شبه روتيني يستر عيوبه بـ تكبيرة و تهليله ويواجه المجتمع بـ الوازع الديني يالله برزقٍ ترازم لي مخاييله أول مناشيه عن باقيه تكفيني ما بين زيف الشعور و قلة الحيله يا كثر ما ماتت الاحلام في عيني

اتصبر بعض الاحيان لو ماني صبور واتحمل بعض الاشياء وانا مالي بها واتجاهل واتغاضا عن اكــثار الامور واسمع الكذبه واصدق وانا داري بها

والله ماشوف المخاليق كون بنصّ عين وأنت لا مرّيَت .. لدّيت عيني كاملة .

الله هو اللي الاقويا عنده ضعوف يعطي ولا يبخل ويحييّ ويفني اللي بـ حب خشوم ومصايد شفوف لو لاح لي برّاقها .. ما شعفني وانا إلى ماشافني / قاصر الشوف والله ماقول لـ قاصر الشوف شفني عند الدني واللّاش مانيب معروف بس النزيه من الرجال .. يعرفني

على عرش الجمال أنت المليك اللي مثل فرعون وانا ماني رسولٍ .. له عصاةٍ .. تنقلب حيه تسلهم بـ العيون اللي لو الله ماخلقها عيون هقيت إن البحر .. تحت الرموش يدور الفيه يا إما ان القمر له نسخةٍ في الارض بالكربون او اني شايفه متنكرٍ في ثوب " حوريه "

ام العيون الي هدبها بلاجِيك والباقي من اوصافها آمر وأدها يمّرها المستعجل ويضرب بريك وينسى مواعيده ويرقب وعَدها ياليتها ما قالت الله يعافيك والله ما شفت العافيه من بعدها.

👀

انشهد ان العيد شوفتك ولقياك وانشهد ان مقابلك دايمً عيد .

الا يالله إني طالبك بإنشراح البال ونفس من الضيقه تغير تعاملها.

تذكّر و لك بالذكر مالك من الأسفار تذكّر و خلّ الذاكره بالزمان تعود تذكّر يوم إن حدود وصلك ثلاث أمتار تخطيتها ما كنّ ذيك الحدود حدود وصلتك وقمت بواجبك قبل سابع جار أخفي عليك سدود وأبني عليك سدود .

اليّا شان وضعك عدّني دون كلّ الناس واذا زان وضعك عدّهم كلّهم دوني

ضاق صدري وحظي منتكس ومعثور ضيقةً بعدها ماعاد شفت السعه كل ما قلت هانت زاد وضعي دبور والدبور الله الحافظ مانيب أمنعه راحت احلامي مع اللي سكن فالقبور واندفن حلمي،، و راح حظي معه