عسى أن يمرَّ الصعبُ ولا يمرَّ العُمر عسانا نسعدُ ولا نشقى نأمنُ ولا ننسى يا ربّ. ♥️

مساء الخير.. هو أنا يا جماعة ماليش فلوس عند حد خالص !

في سؤال لحد دلوقتي مش لاقيه ليه إجابة، ازاي أصحى يوم أحس إن شيء إنتهى ومش شاغلني، واليوم اللي بعده أصحى مفتقداه وحاسّه إني وقفت عند نقطة معينة من الزمن ومش قادرة أكمل، ازاي ساعة أكون فيها حد كبير وقادر يتأقلم مع حزنه، وساعة طفله صغيره مستنيه حد يخرجها من دا کله

ورغم كدا بين كل ثانية والتانية ألف شعور كلهم عكس بعض تماماً ومش عارفه مين فيهم الصح اللي المفروض يدوم، قرار بترك كل شيء يمشي زي ما يمشي، وقرار بالمحاولة والتشبث لآخر دقيقة، صراع داير بين كل شيء وضده، هنا في عقلي

مش سهلة خالص فِكرة إن الشخص يعافر ويجاهد نفسه عشان يتعايش مع وضع هو مُجبر عليه، وضع لا يملُك فيه رفاهية الاختيار .. لإن الحقيقة هو ما كانش فيه خيارات عشان يقرر أو يختار ما بينهُم، هو لقى نفسه مرة واحدة بيتفرض عليه واقع مُعيّن ومطلوب منّه يعيش ويتعايش مع الوضع دا من غير أيّ اعتراض

من وقت للتاني دماغي بقت تزنقني في زون -انت بيتزهق منك- واللي هو بقيت في صراع طول الوقت بين فكرة انا اتزهق مني؟ انا فيا ايه كويس؟ طب انا فيا ايه يخلي اللي قدامي ميزهقش مني اصلًا؟ وغيرها كتير أسئلة بايخة بتحاصرني مبتسيبنيش

ليه؟ ليه انا ؟ ولحد امتي ؟

الاحساس المستمر من حتمية الفقد اللي دائمًا بحس بيه دا إحساس مقرف اوي ويعتبر اكتر شعور مؤذي ف الحياة ، ولو في أمنية واحده صادقه وحقيقية ف الحياه وممكن تتحقق هي هتكون الضمان لإستمرارية كل الناس والحاجات القريبه لقلبي للأبد ، بس للاسف مفيش اي حاجه مضمونة

كل الحاجات بتعذبني وأنا وحداني

دماغي واخده 100قرار وعكسه ع موضوع مينفعش فيه غير قرار واحد

ماهو مكنش ينفع كل دا يحصل من الاول والله

ماهو م معقول كل دا كان اوهام

النهارده أنا تم استخدامى بسؤء ومقدرتش افتح بوقي اقول كلمه ولم جيت اتكلم بقيت أنا وحشه ليه الإنسان بيعمل ف الإنسان كدا والله حرام

لا أخفي عليكم سرا بس انا تعبت من اني طول الوقت بواجه حاجات محدش شايفها ولا حاسسها غيري دايما بلاقي صعوبة وتقل ف فكرة اني اعترف ان الحاجة دي مسببالي شعور مؤذي

التعب دا اوحش حاجه الإنسان بيحس بيها بعد وجع القلب ع أن اغلى حد عندك سابك لدماغك وغار ف داهيه

«تفيضُ بالشيءِ لكن لا تبوحُ بهِ والصمتُ يفعلُ ما لا يفعلُ الكلِمُ!»

ماما صحتني النهارده قالت ابن خالتك توفا كل خبر بيخلي قلبي يتقبض وبيرجع يفتح جروح قديمة لناس حبايبي بحس إن الفقد م مرة واحدة الفقد بيتجدد مع كل اسم جديد بيمشي بفتكر ضحكتهم قعدتهم تفاصيلهم الل عمرها م بتتنسى بحس إن غيابهم بيزيد مع الوقت م بيقل الله يرحمهم جميعايجمعني بيهم ف الجنه

الموضوع صعب لم تقعد تسال نفسك كل شويه هو أنا المفروض كنت اعمل ايه ومعملتوش؟

الورد بالنسبالي حياة صغيرة مليانة ألوان وبهجة. بحلم باليوم اللي ألاقي فيه الشخص اللي يحبني واحبه كل ما يقابلني يمد إيده بوردة، كأنه بيقولي أنا شايفك، أنا فاكر إنك بتحبي الورد، وأنا عايز أفرّحك حتى بأبسط حاجة. يمكن الوردة تدبل، لكن الإحساس اللي وراها يفضل عايش جوايا ❤️❤️