"ما أكثر الناس، وما أندر الإنسان"

القيل والقال وكثرة السؤال عن خصوصيات الناس، وكثرة التدخل في شؤون حياتهم هي لمِن الأمور التي يكرهها الله سبحانه وتعالى فما بالك بخلقه، فلا تصير الملقوف وتعصي ربك ويكرهك الخلق بنفس الوقت للقافتك. حتى جاء عن النبي ﷺ؛ أن الله كره لكم ثلاثاً: " قيل وقال، وإضاعة المال، وكثرة السؤال "

دايم هون على نفسك بجملة: " قدر الله وماشاء فعل " لأنك سعيت وسويت اللي عليك وماشاء الله أن يكون قد كان، إرضى على نفسك ورضّها لتتمكن من الاستمرار وتحمل السعي، ولكن في الوقت ذاته لا تنسى أن لنفسك عليك حق، هون عليك ثقل الأيام وريح عقلك وقلبك بالرضا واعلم أنه مهما حصل؟ ربك راح يرضيك.

الآن الساعة الواحدة ليلاً وبعد يوم طويل من العمل أقولكم: البشر بطبعهم لا يرون إلا أنفسهم فبقدر ما تقدم وبقدر ما تصنع؟ فإنه حين يتوقف الأمر على طرف أو مصلحة لأحد تيقن بأنك حينها بالنسبة لهم كأن لم تكن، فلذلك اعمل واسعى اصبر واصطبر لربك وعبادته، وليس لخلقه فلن يرتقوا عن كونهم خلق.

القليل من الراحة والكثير من العمل.

والله التقرير ما أدري عنه، ولكن اسعدتوني كثير! الله يجعله هالتوهج دايم علينا باللي يعيننا ويخدم طموحنا وتنمية بلدنا لأنه يستحق مننا الكثير ❤️

بعيداً عن الخلق ..

تجربة رهيبة وأشخاصها ثِقال، تستحق أن تُروى 💙

إنزال الناس منازلهم ذا مبدأ نبوي حتى أن النبي صلى الله عليه وسلم كان يخاطب أصحابه أنهم ينزلوه منزلته ولا يغلو فيه ولا يُعلوه فوق مكانته رغم أنه خير البشر! واليوم الواحد ما يصدق إنه تحترمه ما يصير يشوفك شيء، فلا تعط الناس أكثر مما خلقوا عليه وترفعهم فوق قدرهم لأن قدرك راح ينخفض ..

رحنا نوجّب ورجعنا 💛🇸🇦

أهلاً سنة ٢٠٢٦ الحين أقدر أقول إني جاهز لك، جلسة مع ناس عظيمة، طموح كل واحد أعلى من الثاني .. تخليك تقول معقولة هذا سقفي؟ الجلسة كانت رهيبة ولو بيدي كررتها بداية كل سنة عشان بس نخطط لسنوات جديدة بوعي، وبشيء احنا نحبه ويرضينا، متحمس للسنة الجديدة بإذن الله. كلي تفاؤل بسبحانه💙!

سفرة اليوم مع الوالدة، شريكة الرحلة للأبد ❤️

١٤٤٧/٧/٧هـ العمرة الأحب لروحي، اللهم تقبلنا❤️

متى الإنسان يستوعب إنه مو متأخر عن شيء؟ اللي يشوف إنه متاخر عن دفعته اللي توظفوا أول ما تخرجوا، واللي تشوف صاحباتها كلهم تزوجوا، واللي يشوف بيته لسى ما اكتمل بِناه وغيرهم كثير والحقيقة إنه مافي شيء متأخر لكن ربي جالس يختار لك الوقت الصح، وكل ما أحسنت الظن فيه؟ طمأنك أكثر وصبرك ..

وتأنسُ النفس في نفسٍ توافقها بالفكرِ والطبع والغايات والقيمِ❤️ بيئتك وأصحابك ومن تحب، إما أن يكونوا يشبهوك وإما فلا، لا تجامل أحد على مصلحة نفسك وراحتها في ناس وجودهم حولك مو مريح أبداً، ومافي شيء يجبرك تبقيهم إلا طيب نفسك، خذ الخطوة وخلك دايم أنت اللي يرسم حدود علاقاتك الشخصية.

مبدأ أحبه، ونصيحة خليه أحد أهم مبادئك ٢٠٢٦م "خليك مشغول" بس مشغول مو بجوالك ورسائله وضجيجه، خلك مشغول باللحظة، مشغول بأهلك ومشغول بنفسك ونفسيتها وصحتها، وبالناس اللي تحبهم ولا تنسى إنك المبادر وحبل الوصل، انشغل باللي ينفع علاقتك بربك ولا تنسى نصيبك من الدنيا، لا تأجل شيء وانشغل.

نصيحة من تجربة | المعدل المرتفع في الجامعة راح يوصلك للمقابلة الشخصية ولكن لسانك وذكاءك الاجتماعي ونحوه هو اللي راح يخليك توقع العقد، فالجامعة تعطيك التذكرة والواقع هو اللي بيعطيك المقعد، لذا إبن شخصيتك في ممرات الجامعة، وبرامجها وبذات القوة اللي تبني فيها درجاتك داخل القاعة.

شعور إنك رايح الاختبارات النهائية وأنت مصلي الفجر في المسجد، وقارئ وِرد من القرآن، وما نسيت تقرأ أذكارك وأخذت شاور وفطرت، وثم بعد هذا تلبس أحسن ملابسك، بعد ما ذاكرت المادة كويس شعور ما يتكرر ودي أرجع أعيشه.

نشيك على الكابتن ونلحق الاختبار سرعة سرعة