اللي حلاها غير و أسلوبها غير ماغيرها فـ الوقت عيني رجتها غيدً تتل القلب من غير تبرير حتى بنات الفكر غصب سهجتها تربعت فـ الجوف حشمه وتقدير مال المشاعر عذر يوم سهجتها متميزه بـ الزين حسب المعايير من حدّ ماطاها لـ فوق رقبتها

الخد براق صيفٍ لاحت ابروقه والعنق عنق المها فالمرتع الزيني اللي كما بطنه هيم الجيش سمحوقه وكن القمر يانمر بين النهيديني والردف شط الردوم اللي مع الروقه ترعى الحيا في طرف سفْوه زمانيني

انت اكثر إنسان يوجعني ولا زلت ابييه معاك حتى الحزن ف الوقت صار سندي اغيب و اضعف و انا ضعفي أمامك نزيه حبيت ضعفي معك لأن ما انت ب ردي لا تنبش الجرح و تمرر إيدينك عليه وانت تعرف كيف خيطت الجروح بيدي

ياشمس الأمل طلّي ظلام المشاعر زاد الليل انسحب والصبح شرّع دواوينه وانا الشاعر اللي فوق جار النهر ورّاد ذبحه الظما والخوف ماكبّل ايدينه على كثر ماواجه خطر عنده إستعداد يواجه على شانك صلابة معادينه حلالاه وإنّي طير ويجوب كل بلاد تعدّي به آفاق الخضيرا جناحينه #متابعة

«خلابة العيد يا دهشة عيون الحضور تشابه الحسن وأنتِ حسنك اللي فرق يصيب رمشك قلوب مشاهدينك سرور ويمطر على جباه حسادك سحايب عرق يا فتنة العيد شمسي والضحى والبكور غابو عن الصبح .. لاكن وجهك اللي شرق عيدك مبارك وأنا عيدي غرام وشعور مايوصفه شعري اللي لباب قلبك طرق»

عاد عيدك يالغنوج أم الحلايا يامهاة الصيد عوق المترفاتي امشي بزينك على كبود الصبايا غيضي نفوس البنات الحاقداتي في نهار العيد راحوا لك ضحايا مابقى للغيد شي من الصفاتي من جمالك تخجل وجيه المرايا كيف عاد الناس يا الله الثباتي

مزيونة العيد فلي لي شعرك وجداه وخلي القصايد تمشّط غرتك بالغزل وتسيّدي في حضورك ، وألفتي الإنتباه وقولي لـ زين البنات الباب يوسع جمل كلٍ لبس في صباحات الفرح مّ اشتراه وأنتي لبستي غرورك والعقل والثقل تدور حولك عيون وجمهره واشتباه كنك (حلا ) والعذارى مملكات النمل✨.!

بمناسبة حلول #عيد_الفطر_المبارك ، أتقدم إليكم بأسمى آيات التهاني والتبريكات. سائلًا المولى أن يتقبل منا ومنكم صالح الأعمال. عيدكم مبارك وكل عام وأنتم بخير.