هففف ياربي متى ارتاح؟ تعبت اجامل الحياة الإجتماعية صعبه

اخخخ من شعور لما تطلبين شيء مو حلو طعمه بس تتغصبينه لان دافعته بفلوسك

تطيح من عيني ومعاد اثق فيهم أي جهه كبيره أو شركه إذا شفتهم يحطون إعلان صور الشخصيات فيه AI يا دبل كبدي دبلاه! خصوصًا لو الشركه كبيره أو معروفه…ما امزح يفشلون واحس low class مره عيب وش كبركم مستخسرين تدفعون مبلغ بسيط لمصصم بدل هالعفن! ترا مو تريند بالتيك هذا إعلان كبير ويمثلكم🤨

باعترف صح اني شحاذه بس ذكيه لما اضيف ال director بلينكدان اروح اضيف قبله كم موظف بنفس الشركه عشان ما يحسبني ضفته عشان اشحذ بيتوقع اني موظفه جديده عندهم… وبعد ما يقبلني ارسل له خاص بدون اشتراك ولا شيء😋🤙🏻

هل تعلم إذا خلطت رمان مع اناناس يطلع لك مشروب لونه بفنسجي؟

ياخي ليش لما اقول لاهلي لاحد يكلمني مابي اتهاوش مع احد يعاندون!! طيب انا اعطيتكم فرصه تفتكون من صوتي ليش مصرين على اننا نتهاوش!! ما طلبت شيء مستحيل بس اول خمس ساعات من اصحى لاحد يكلمني🤨

ليش اغاني في المطاعم و الكافيهات؟ وشو مايعرفون حديث (صوتان ملعونان رنة عند مصيبة و مزمار عند نعمة) ؟؟

رسميًا دخل الشتاء صار لنا اسبوع انا واختي نتعشى اربع مرات وقابل لزياده حسب الظروف أو احنا مشافيح؟ مادري يمكن…

😣

صديقتي تقول فيك ثنائي القطب عشان ضحكت معها ثم هاوشتها على نفس الموقف شلون يعني ماراح امارس عليك حقوقي كشخص اكبر منك!!!

قبل شوي كنت بسابع نومه فجأه صحيت بدون سبب وجلست اتصفح الجوالي ولا كأني كنت نايمه…… زي ما انتم شايفيني الحين!!! تتوقعون من كوبين الكوفي دي وكوب الاسبريسو اللي شربتها اليوم؟ ترا مو اكيد مابي اظلمها✋🏻

والله جالسه اسوي شيء محرج جدًا🙀 تخيلوا ارسم تفهمون وش معنى ارسم!!! والله ارسم ومستحيه وانا ماسكه القلم احس كأني اتواصل مع صديقتي اللي قطعتها بدون سبب بس لان انشغلت بأمور الدنيا…

انا الحين طبيعيه لما اسوي نفسي مو منتبه لشيء محدد عشان يصير؟ لان احس اذا حطيت عيني على شيء ما يصير لاسباب مختلفه وكلها تضيق الصدر اتجاهله يعني إذا تم حلو وهذا اللي ابيه وإذا ما تم اصلًا ما سعيت له ولاني مهتمه فعادي اكسر الخاطر شوي احس…

كيف صار بتويتر ابسط فعل صحيح يعتبر خطأ ولا احد يفهمه!! هو الناس مو متربيه ولا يفصخون تربيتهم لما يدخلون تويتر ولا سالفة امهم ايش😦!!

انا ما كنت احب اسجل فويسات ولا اتصل يعني مشكوك بوضعي اني بكماء؟؟ اشوا تغيرت اجل

احس البر مو صحي اكثر من الابيض وفيه دليل إذا اكلته يعورني بطني

والله ما يدسم البطن بالفطور إلا الفلافل بلا بيض بلا بانكيك بلا بطيخ

اتوقع الفايروس الجديد هذا هو نفسه كورونا بس قوّى شخصيته ورجع

الحمدلله ان الرزق بيد الله