- دام النوايا في حشانا سليمه ما همّنا من قال فينا ومن عاب

الخير مقبل والهقاوي عظيمة وللنفس طير وللمناوي ملاويح .

اللي يرخص قدرنا كيف نغليه واللي خذلنا ما نثمن وقوفه لا ضاعت الهقوه وخاب الرجا فيه لو هو جنب اكتافنا ما نشوفه

طويلين بال ودايم نسامح الغالين ولا حنا من اللي لا زعل دور الزله

اليا تعزوينا رقينا الجبال النايفات ياكـم كبود نشفيها وكبود نعنّيها

اترفع عن الجاهل وتواضع انا والين لكن لا تجاوز حدك وحدك اتدله

صديت عنك والقطاعة شجّاعة بعض الأمور تحدنا على القطيعه

يميز الانسان عقله . . و ثقله " وأنا عمري ماتصنعت ثقلي " أخاطب الجاهل على قد عقله وأخاطب العاقل على قد عقلي

-اللي يهين النفس لا يطلب العز حافظ على نفسك وتلقى المعزه

لقيت بالصمت رفعه و بالتخطي سمو ولقيت بالوقت درس وبالأوادم عبر

وش فيك ي الصدر الشمالي تضايقت والناس تضرب في سمعتك المثايل افا ياصدري ضفت من جاير الوقت خابرك يا بعد حيّي تشيل الثقايل وش فيك علمني لك ايام ما رقت ضايق وفيك الهم صايل وجايل خابرك ما عمرك للأحزان رافقت واليوم كنّك شايل جبال حايل

ياعين شوفي زرع خلك وراعيه وعاني معاويده وعاني جريبه ياعين هلي صافي الدمع هليه وايلا انتها صافيه هاتي سريبه الي يبينا عيت النفس تبغيه والي نبي عيا البخت لايجيبه

الطيب يبقي والمراجل لها صرح والدين راس المال مهما يقولون تدري وش اللي يجرح المرجله جرح رجلٍ جلس والناس راحو يصلون .

من خلقت الناس شماته ومداحه ريح ضميرك ونفسك لاتضايقها الشجره الطيبه ، بالطيب فواحه ماتختلف لو سموم القيض تطرقها مايثمر الشوك برحيه وتفاحه حتى لو ان القراح العذب يغرقها ارضى الله الوالي ان كانك تبى الراحه ورزقك على اللي خلق خلقه ورازقها

عن كل دربٍ عليه النفس أماره تردنا شيمة الشيبان ولحاها .

على نعمة الله نحمد الله صباح وليل و لو ما ملكنا غير ،، عفوه وعافيته .

رجلٍ عطاه الله من الطيبه قبول كنك ليا شفته تعرفه من زمان

ماضّر وافين العرب فعل مْعثور أهل الردا . . ما تمثّل إلا اشكالها

الردي لامن خدمته .. و مـوضوعه كبير لا هو بذاكر جميلك و يمكن يجحده والسنافي لو خدمته وموضوعه صغير  شفت معروفك .. يبّين على وجه ولده .

يدلك العاقل . . على الرأي السديد ويدلك الجاهل على درب الضياع .