أنا وين أصد العين عنّك وأدور درب وكل الدروب اللي تودي .. تودي لك .

يا وسع صدر السما .. ليت السما صدري .

من كثر ما أتعبني شعور إنك تروح ما عاد يسعدني شعور .. إنك تجي .

في كسور القلب مافاد الكلام والله ان الصمت نص العافيه .

هبايب حِزن .. ماهي هبايب ليّل .

ما تحس بقيمة اللي في يدينك لين يقفي وانت في حقه مقصّر .

لا حبك اخترته ولا أخترت فرقاك الحب صدفه .. والفراق اختيارك .

كل الصور ما تمر الذاكرة بعدك كأني على صورتك عَلّقت ذاكرتي .

قضيت لحظات حلوه في مخيلتي ما يقدر الواقع التافه .. يحققها .

زاعلت حتى المكان اللي جمعنا سوى أنا أول انسان فـ الدنيا .. يزاعل مكان .

إن حكت غار السكوت مْن الحكي وإن بكت يحسد مدامعها السرور .

كثر ما خفت من قسوة بلادك عشت في منفاي أخاف أرجع بلا قيمة .. وأخاف أبقى وأنا ملهوف .

علموه إني لو أبعد وتلهيني الظروف ما حدٍ غيره من الناس في بآلي طرا .

وانا مهما منحتك من غلاي .. اشعر بتقصيري .

أنا أعرف أصد لكن صدتي مرّة ماهي بـ صدة ثلاث أيام وأعوّد .

لو نطاوع رغبة القلب ضعنا من زمان لكن الله حط لـ القلب .. عقلٍ يردعه .

رحلت ورحلتك كانت بلا توديع يدينٍ ضمّتك .. صعبه تلوح لك .

يا ليت لو بالي اطول من .. ظفايرها ما كان صدري خذا من خصرها الضيّق .

ليّا علقوا حبل الرجى في متون الناس طويت الحبّال وقلت الارزاق عند الله .

أنا السهر والمكان و وقتك الفاضي متى ما حنّيت لـ الذكرى أنا حاضر .