راسي معيي ينقله غير متني ومتني على راسي عن الهون عيا المعطي الله والعرب ماعطتني ماني بحاجة مدعين الحميا

بعد التوكل على الله تم تحديد حفل زواجي وذلك لعدم التعارض مع ابناء العمومه والاحبه. يوم الخميس الموافق 2025/11/27

علامة المتهم .. كثر التصاريح وعلامة المكتفي قل اهتمامه وعلامة اني ضعفت ويمكن اطيح علامةٍ من علامات .. القيامه.

عسى اللي نيّته سمحة ليا ضاقت عليه يغاث، يغيثه واحدٍ يعطي العطا ما يتبعه منّة .

انا غديت التقي طعناته .. وصابر يمكن يفيد الصبر في تالي الحلقه يا للأسف طاحت عزومي وانا اكابر يوم اصبح ان قد لها يومين منشنقه

اشوف الهقاوي مثل عودً على معكاز بعدخاب ظنه والزمن مابرد غله ترى الحيله العمياء ماهي للرجال انجاز الانجاز والله نطحة الرمح والسله وجيه الرخوم ان بروزوها وسط برواز على ادناةعلم يبين في نبضها العله نفوس العزاز تعيش رغم الظروف عزاز وضعوف النفوس تعيش وتموت بالذلّه

لا باس لو تقضي الأيام وحداني الشمس دايم بوحدتها وشّراقه

يارب قدّرني على مواصلة السعي بدون يأس.

لا صرت مؤمن بالعسر والتياسير وعينك بعين الله ما يكسرونك ولو سكروا بيبانهم بالمسامير بيبان ربي ماتسكر لعونك وقّف ولا تهزك رياح المقادير واضحك كثر ما حاولوا يجرحونك خلّك جبل ثابت بوجه الاعاصير وللغانمه اسبق قبل يسبقونك .

ماني مبشّر بالعوض وانت موجود انت الأصل ، جعل الأصل مايبدّل .

غنى النفس بشتٍ مايعلق على معلاق يشيّخك لو تمشي على الأرض كعابي .

أرفع مقامك و لا تمشي على الجرّه و القومه اللي تعزز موقفك قمها .

لا تطارد ورى خيبات ظنك بـ ليش اترك اللي تردى واترك اللي جحد عش حياتك مثل ما ودك انك تعيش دام علمك يجمل . . لا تفكر فـ احد

من يعيش عمره في رجا الماضي اللي راح ما والله يعرف من الفرح غير .. عنوانه

اطلق عنان الفكر والشوف مده ترا العمر سجه والايام تذكار .

اقلط على عوج . الضلوع و تفيا واشرب فناجيل الغلا في محلك .

كل ما جمعت قرشين يظهر لي لزوم طربةٍ بالرأس ولا مواجيب علي.

ياربي العون لا ضاقت صدور الرجال لاتجعل الجيد يارب الخلايق يهون.

ما ارتخينا لحد واسرارنا في الصدور ننتهض بالنفوس وننطح الكايده ما رجينا من الدنيا فخامة قصور ندري ان المباني والبشر بايده نرتجي قول نعم ووقفة ماتبور وفزعة للرفيق رمية صايده

الله يحيكم تحية المطر ✋🏼