العالم اللي ماعاد الصدق ينقال فيه الله على رووس اهله يقوم قيامته. اللي معه مال لونه بخيل وسفيه يهرج وكل العرب في حضرته صامته. ويجاملونه وهو مافاد حتى ذويه ويقال له شيخ وهو يضيع عمامته

الطيب ماهوب يالاله ويالاله هروج لامن بغى الشاعر يسولفها كم شاعراً بين ربعه حالته حاله عند الاجانيب كذباته يولفها

ابعد عن اللي بس دايم تداريه يزعل. مابين الثانيه والدقيقه. مامنه خير ولايفكك بلاويه ولوتسعفه من دمك مابل ريقه فرقاااه ربح ولاتدور عوض فيه اخلص منه بايات حل وطريقه

خلاص ماعاد اسوي بيت مادام الافكار معكوسه تمدح يقولون لك سبيت وتعود تصير في حوسه

الصداقه ياطويل العمر ماهي لعبه ان بغاها لعبها وتم ملها خلاها طالبك لن كان ماتقدر عليها طلبه مره اتركها وتلقى واحداً يرفاها

الاسباب نعملها وبامر الله التوفيق هو اللي بيده الكون حكمه وتدبيره ونصقي نوايانا بوقت السعه والضيق ولاخابت الهقوات قلنا عسى خيره ياكم مرتن ضاقت وفاقت وشط الريف ونور الفرج بانت من الله تباشيره

الدين وولاة الامر والمملكه خطوط حمرا لاحدن ياصل لها ولامانع من الفرفشه والتكتكه وحاجه تبيها فكر وتكتك لها

ياراعي الرويه عسى الله يخليك وعساك دايم في سعاده ومسرور والله يطول عمر عوداً مربيك عز الله ان نظرته بك جالها دور الشعر لوهو زان بك مايوفيك حقك ولاتوصف خصايلك بسطور واللي يحاول بالمراجل يجاريك يكذب على نفسه ومغرور مغرور

ا

الفقر ماهو عيب ياولد الدريم كم سد في اللازم رياجيل فقرا وانكانها بالمال ياكثر الحريم اللي دراهمهن عدد رمل الثرا والرزق ماهو في يدك عند الكريم اللي عطاك وكنت ماتملك ذرا

الى سمو سيدي ولي العهد عزالله ان فعلك اللي في العرب رزك قلت الصلاه اولاً ثم العبو ( كوره) عزيت دين الله. الله جعله يعزك بالدين واعداك مقهوره ومدحوره جبل ولو زاد صفق الريح ماهزك ابوك سلمان والعزوه ب اخو نوره

ليوم الوطن الدين والدوله مع ولاة الامر حنا بظل الله ثم بظلها خطوط حمرا دونها موتاً حمر لا احد(ن) يقربها ولاياصل لها

الى من يتعمدون اعادة المقطع اللي بيني وبين شاعرنا الكبيرابو فهد مصلح بن عياد اقول ريحوا انفسكم. و مابينني وبين ابو فهد الا كل خير وتقدير. وهو رفيق وغالي وله كل الود والاحترام واللي حصل فعل وردة فعل وانتهى والقلوب صحاح