يا عيني اللي سهرها زود اوجاعي ما بين ضلع الصدر همً يجاريني همً صدى لجته في حدب الاضلاعي واحتلني مثل ما احتلت فلسطيني لو الجفن من دموعي ينبت زراعي شفتوا جفن عيني زهور وبساتيني مير الجدا نجدتي من جلبة ذراعي وعسى الولي فارج الكربة يعافيني بدر بن عايض

عش حياتك والنفوس اتعيش مرّه ذق من انهار التجاريب وصلفها قدرك العالي لا ترضى به مضرّه جنّب بنفسك عن اللي ما عرفها وسع افكارك على حد المجرّه لا تصير ابهيمةً تاكل علفها وكلمتك ميزان عقلك في مقرّه عملةً تبذيرها كثرة صرفها بدر ال محيي

لو العمر ينباع والله لا اشريه مير العمر موقوت ساعه ومده ربحان عمره من كسب ود واليه وخسران من رب السماوات ضده بدر ال محيي

احرص على اللي يحب الخير والابتسامه من خلقته صافي النيه وناسه حضيضه وأبعد عن اللي لا رافقته يكثر ملامه في نوبةً يضحك بوجهك ونفسه بغيضه يكشف لك الوقت ناسً تظهر بهم علامه ناسً عفيفه وناسً تعرف انها مريضه بعض العلاقات مكسبها تزيدك ندامه في هجرها سنةً والبعد عنها فريضه بدر ال محيي

خاطري ضايق وحالي معرّض للمغيب داخلي غاره وهمي علي يشّنها لاهو بفرقا وليفً ولا معاتب حبيب قد تجاوزت المحبه وسامح منّها لا والله إلا حملً يكسي الراس المشيب لا يراعي نفسي الميته ويحنّها يالله بجاهك من الوقت والحظ المخيب في رجاك احلام عمري تحقق ظنّها بدر ال محيي

. . خاطري ضايق وحالي معرّضٍ للمغيب داخلي غاره .. وهمي علي يشنّها لاهو بفرقى وليفٍ ولا معاتب حبيب قد تجاوزت المحبه وسامحٍ منها لا والله إلا حملٍ يكسي الراس المشيب لا يراعي نفسي الميته .. ويحنها يالله بجاهك من الوقت والحظ المخيب في رجاك احلام عمري تحقق ظنها .

يا محمد بنعتك دامه يفيد النّعت نعتت البغداد يوم انعدم صدامها يوم غاروا فوقها والقذايف شعشّعت والدول قامت عليها ترز اعلامها ..

البرق يبرق فالسما ما شعفني ما همني يبرق بغربه وشرقه يا كود برقً في مكانً شحني ينوحني ذكره واذا لاح برقه في حشمة اللي قد صفا لي وحشمني وعن باقي العالم تميز بفرقه يفز قلبي لا ذكرني وزهمني تقول كنه ماخذ القلب سرقه بدر ال محيي

يا سيدي والشعور ابلغ من التبرير واللي تكنه ضلوعي صادق وصافي جاهك يفك الدول واعلان للتحرير ويلجون في ضلك وفي بشتك الضافي بعدك شوارع دمشق أصواتها تكبير من بعد ما مر فيها سنينً عجافي المعضله في حضورك تختفي وتطير تقول شوكه وجا من فوقها السافي بدر ال محيي #محمد_بن_سلمان #سوريا

لا شفت كل الناس تارد على بير وتاقف على جاله جموعً غفيره اشوم عنه وخاطري عقبه يصير عايف وسامح ما جذبني كثيره النفس يحشمها كرامه وتقدير وكلً على فعله يحدد مصيره اجنب الرديان وأنصى المناعير لي عقلً يميز وعينً بصيره بدر ال محيي

أفنيت عمري في طريق الملذات قضّيت ثلث العمر مشوار تكسي افنيتها من دون حلم وطموحات لين التفت وغابت انوار شمسي هيهات يرجع سالف العمر هيهات صار الندم ساكن ويصبح ويمسي اسمع جوابي يا مذيع القناوات آسف بـ اقدمها اعتذارً لـ نفسي بدر ال محيي زايد بن سابر

لا ابتليت بواحدً ما يعرف ولا يطيع جاهلً في العرف وان جيت تنصح ما صغا اتركه يدخل متاهات وقته لو يضيع في مقابيل السنين يتندم ما بغا الزمان يدور ويضيق الجال الوسيع والعرب قسمين شيءً رقى واحدً رغا ومن تبع نفسه وقدم لها التاج الرفيع مثل شعبً سلم الحكم والحاكم طغا بدر ال محيي

يالله يا محيي هشيم العظامي يا منجي يونس من الحوت والهم ياللي بشوفك يرتوي كل ضامي ظلك نعيم بـ يوم الاظلال تعدم يا سامع عبدك بـ جنح الظلامي يدعي بضيقه والمخاليق تنعم اشكي لك ذنوبي وكثرة أثامي منهو لغيرك بـ التجي واتكلم! أخافك ب يومَّ عبوسَ ختامي لو تمتنع رحمتك من لي بـ يرحم؟

عاداتنا يا يام كسب النواميس ما نقلط إلا بالصفوف الاوايل بيرق صبي يامً وراه الاشاويس دونه ولد حولان ساج القوايل ضموا علم واقع بـ وكر القرانيس نجران تنخى في عيال القبايل بدر ال محيي #شريم_اليامي #كاريزما #الواقع #شريم #نجران #يام

عاد للماضي وجود وعاد للضيقه علامه وعاد للغايب حضور وعاد جرحي ما تجبّر يا حبيبي كمل غيابك عسى دربك سلامه انتهت غاية وصالً.. صار عندي ما يعبّر بدر ال محيي