🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

Crìch breagha dhan a latha as deidh toiseach car bog. Beagan fhrasan fhathast a’ nochdadh eadar seo is deireadh a latha, mus fhàs i fliuch tron oidhche.

Chunnaic a chuid as motha againn a ghrian an-diugh ach coltas gu math nas fhliche air a latha a-maireach.

Tha Sarah aig a mhap agus coltas nas tioraime air an deireadh-sheachdain.

Dealbhan bho na #BBCWeatherWatchers againn.

Ged a bha i soilleir ann am mòran àiteachan an-diugh bha i gu math gaothmhor. Ach saoil dè bhios fa-near dhuinn a-màireach agus an ath-sheachdain?

Ged a tha a' chuid as motha againn air seallaidhean brèagha grèine fhaicinn gu ruige seo an-diugh, 's ann nas sgòthaiche a dh'fhàsas i mun iar agus mu thuath ro dheireadh an fheasgair. Is bheir beagan uisge buaidh air na h-Eileanan an Iar agus na h-Eileanan mu Thuath.

Seo taghadh eile dhuibh de dhealbhan na #BBCWeatherWatchers againn.

Le seachdain ùr eile a' teannadh oirnn, 's math as fhiach sùil a chumail air an t-sìde. Gu h-àraid ge-tà ma tha sibh air làithean-saora na sgoile.

Sealladh air aimsir chaochlaideach na h-Alba tro shùilean ar #BBCWeatherWatchers dìcheallach. Mòran taing dhan a h-uile duine a chuir dealbhan thugainn. Joy

Saoil an ann soilleir, bruthainneach a mhaireas cùisean an t-seachdain seo? Seo Joy gus innse dhunn.

Chithear sgaradh follaiseach ann an speuran na dùthcha an-diugh, mar a chithear sna dealbhan àlainn seo a thog ar #BBCWeatherWatchers easgaidh. Joy

'S ann gu siar a chithear a' chuid as fheàrr den ghrèin a-màireach, le uisge trom air fàire gu sear. Seo Joy le tuilleadh fiosrachaidh.

Abair eadar-dhealachadh a chunnacas tron dùthaich an-diugh, mar a chithear sna dealbhan àlainn seo a thog ar #BBCWeatherWatchers easgaidh. Joy

Ged as ann tioram a bhios i a-nochd do mhòran, chan fhada a mhaireas sin, le frasam triume agus uisge nas leantainiche air an t-slighe. Seo Joy le tuilleadh fiosrachaidh.

Sealtainn leis an t-sìde as soilleire beagan nas fhaide ach coltas car sgòthach oirre dhan chòrr le uisge sgaoileadh bho siar gu sear. Nas fhaide dhan a latha thig seallaidhean de shoilleireachd agus frasan throm, thàirneach. 14-17C leis a ghaoth ag èiridh ro dheireadh a latha.

Rabhadh buidhe airson uisge trom bho Oifis na Sìde a-màireach agus Dihaoine le gaoth làidir agus i na gèile do chuid.

Le rabhadh buidhe ann airson uisge trom a-màireach agus Disathairne air an taobh siar, tha sùil aig Sarah air an aimsir.

Madainn mhath dhuibh. Bha na #BBCWeatherWatchers againn air an cois tràth airson na dealbhan seo a thogail dhuinn.

[18:20] Ghluais loidhne de fhrasan deas agus sear tron dùthaich feasgar an-diugh, is bha feadhainn aca air leth trom le tàirneanaich nan cois. Derek

Ged a bha i gaothmhor agus car fionnar a' faireachdainn anns a' ghaoith an-diugh cuideachd, 's ann gu math nas blàithe a dh'fhàsas i mar a thèid an t-seachdain air adhart. Le tuilleadh seo Derek.