🔥Telegram İfşa

. يا فرحتي فالعيد يا كل الأعياد العيد عاد و لا انتي اليوم يمّي أثر الوله لو طوّل البعد يزداد و يزيد من زود الوله زاد همّي كل عام و الأمّة بها الخير ينعاد لاهلي و ربعي وايضاً عيال عمّي والا انا لو قلت وش عاد وش عاد محروم تاسع عيد من شوفة أمّي #بندر_بن_حمود #كل_عام_وانتم_بخير

. جاك الكلام و بعدها حط فاصل بيني و بينك يا صحيبي قضيّة لا صار كل العـام ما من تواصل لا ترسل بعيد الفطر و الضحيّة #بندر_بن_حمود_المانعي #كل_عام_وانتم_بخير_يا_أصحابنا_الوافين

. لله ما في الصدور و للبشر ما ترى فالعبد ادرى بسرّه من علانيّته الظنّ بعضه أثم والظنّ بعضه ترى رزقِِ كتبه الولي للي على نيّته #بندر_بن_حمود_المانعي

. ما نزهم القيفان إلا على ذوق فكرٍ تدرهم في فيافيه بلّـه إن كان ما تارد على عدّ مرموق تبقى حيام ٍ لين ما هي تصلّه أمّا نسوق أقدامنا للعلا سوق و لا نموت و كل شي بمحلّه من ما يجي بين الرياجيل من فوق جيّته من دون الرياجيل ذلّه #بندر_بن_حمود_المانعي

. المال يقلط به الدوني مع الطايل شف المجالس من الاشناب مصطكّه شنب يفكّ النشب و يعدل المايل وشنب يبي من نشبه المجتمع فكّـه #بندر_بن_حمود_المانعي

. الفضول اليا فتح باب التساؤل من جميع الناس لا تطلب جواب لو عطاك البعض دافع للتفاؤل بعضهم يعطيك جرعة إكتئاب #بندر_بن_حمود_المانعي

. اَتغابى احيان ما هو من غبا لكن ادفع بالتغابي كل غبي و من يلوذ بكلمته عما صبا من عيونه أعرفه وشهو يبي بين مفهوم التواضع و الإبا اللقافه تسبي الموقف سبي والسوالف بعضها مثل الربا يمحقه ربِّي و لو أنه ربي #بندر_بن_حمود_المانعي

. يا صاحبي ما انتَ على خبري اللي ولاني انا ذاك اللذي خابره أنت إن جيت كلك بالغلا جيت كلي وإن رحت ربي يسعدك وين ما كنت #بندر_بن_حمود_المانعي

ضع عنوان مناسب للصورة شعراً أو نثراً. من صغر سنّي انا اخترتك حبيب أنت حبّك مبتدأ وَ انا الخبر جعلك عن عيون خلك ما تغيب معك انا من الحياه إلى القبر #بندر_بن_حمود_المانعي

. دنياك ما هي يا محمّد كما هي راحت مراويح القطا الناس الاخيار نبكي عليها ولا جنينا بها شي ويبكي على من ينصر الدين مليار في كل يوم يموت أو ينولد حي والشيب لاعمار البشر ماهو عيار شفني وانا عمري ثلاثين و شوي تلقى له براسي مداهيل و ديار #بندر_بن_حمود_المانعي #الصورة_تعبيرية

. الرزق رزق الله إذا شاء يعطيه من يحتسب للرزق أو مَحتسب له فالعبد لو يركض برجله و اياديه ماله في هالدنيا سوا ما كتب له #بندر_بن_حمود_المانعي

. الناس عاملها بنهج الإعتدال و سم الرجال بأسمها لو سمّتك إن صرت فوق تليّنك كلمة تعال وإن صرت من دون الهقاوي ذمّتك لا جاك يوم ٍ به يحط وبه يشال ارقى سنود بهيبتك و بهمّتك النفس عوّدها على حمل الثقال إن ما تزمها للعلا ما زمّتك #بندر_بن_حمود_المانعي

. قالوا تمون و قلت آيه إلا امون على اللي ابيض وجهٍ و كفه ندي ولا الردي اللي يتلون مية لون لوني نصيته صرت انا مثله ردي بعض البشر لو تنصحه كنّك تكون عدوه اللي يطلبك ثار و ودي وبعض البشر لا جيتهم ما يقدّرون ومن لا يقدر الرجال لا جوه يغدي #بندر_بن_حمود_المانعي

الله اكبر الله اكبر ولله الحمد. #سوريا_تتحرّر #سوريا_الجديدة

تحت هذه التغريدة، ضع لك بصمة سواءً بآية ، دعاء ، استغفار ، اجر لي ولك ولمن يقرأها فالدال على الخير كفاعله.

عندك عيون وللبشر مثلك اعيون لا ترخي اسماعك لما قيل عنّي لا تاخذ اخباري من اللي يقولون خوذ الخبر مما تشوف انت منّي بندر بن حمود #مساء_الخير_والسعاده #IndiaPakistanWar

البيت دون الأم لو زان مبناه خرابةٍ تسفي عليه السوافي ولو كان طوب ويرشح من السقف ماه وجود أمك فيه بالذات كافي #بندر_بن_حمود #صباح_الخير #صباحيات #حميدان_التركي

. يا سلام الله سلامي كل ما هبّ النسيم وانثنى عود المفارق للقى مع هبتّه للرفيق اللي مكانه في وسط قلبي مقيم غير ابو زايد بتبطي البشر ما طبّته افخر ليا قلت اخوي وافخر انه لي نديم ما عليّ من الأوادم تمدحه أو سبّته #بندر_بن_حمود #مساء_الخير_والسعاده