غريبة ان الانسان سهل انه يكون لطيف و يقول كلمة حلوة و يمشي، و الأسهل انه مايقولش حاجة و يكفي الناس خيره شره، رغم كدة يختار انه يحرق من وقته و سلامه النفسي في خوض تريقة و خناقات مالهاش هدف غير أذية الغير و فرد العضلات الافتراضية.

لازم ننورماليز إن عادي الواحد ممكن يغير افكاره أو أقواله مع الوقت و عادى إن حد يتقبل حاجة مكنش متقبلها قبل كدة أو العكس

مود الأجازة اكتفيتيد والتحليلية ع الله حكايتها خالص 🌚

Me realizing I gotta be an adult foreverrrrrr

الشخص الأناني عنده استعداد يبرر كل تصرفاته لنفسه من غير ذرة شك انه غلط، و المعطاء دايمًا نفسه لوّامة.

بستغرب بصراحة كل مرة بشوف حد كان في إيده يسهل حاجة على غيره وبيختار ميعملش كدا، الحياة صعبة على الكل والله مفيش داعي تبقى شخص كريه

كبرت و عرفت ان مرونة الفِكر ضرورة و ان لما تكتشف ان قناعاتك بتأخرك و كان فيها قصور او حاجه غلط و تقرر تغيرها ده مش معناه انك بتتنازل عن مبادئك اطلاقا ده معناه انك بتعرف تتكيف مع الاوضاع الجديدة و دي مهارة لازم تبقى عندك عشان متعيشش طول حياتك مستغرب

ف ثانوية عامة كان اول سنة نظام البوكليت ومكنتش لسه فاهماه اوي ف امتحان العربي سيبت صفحتين اسئلة نصوص وقراءة ع اساس انها اسئلة اختياري وطلع كله علينا عادي لولا المراقبه راجعت ورقتي وانا بسلم ع اخر عشر دقايق .. طبعا لولا كدا مكنتش دخلت صيدلة🌚

ساعات بحس أن العصر الحديث بقى بيخلي الناس تدي مشاعرها حجم أكبر من اللازم، مش دايما لازم تسمع لمشاعرك ومش دايما ضيقك له وزن يؤثر على قرارك، وطبيعة الحياة الكدر فلو هتفضل تدور على اللقطة المثالية في أي حاجة مش هتلاقيها

ممكن أقول حاجة؟ فكرة أي حد فرفوش في الشغل بصراحة بتزهقني، المأذون الفرفوش، بتاعة الدايت الفرفوشة، بتاع فيديوهات تعليم اللغة الفرفوش، خلاص مبقاش حد عايز يعمل شغله من غير استظراف؟لازم تقعدوا تتنطوا في الفيديوهات يعني؟

لما الدنيا بتقفّل في وشي وبطهق من الدنيا كلها. بمشي بتكنيك بيخفف تقل إني عايشة. بحط كل اللي باقي من طاقة لإني أعدّي اليوم بشكل مُرضي، مُرضي فقط، مش لازم مُنتج ومش لازم لي معنى ومش لازم يبقى ماشي مع خطة مستقبلية معينة. اليوم بيومه، كأن مافيش عبأ بكرة، لحد ما ألاقي الأمل تاني.

عندي مخزون من الخوف من المستقبل سواء من الناحية العملية او حياتي الشخصية هائل بجد محتاجة شخص يقعد معايا وواحدة واحدة كدا نمسك فيهم حاجة حاجة يطمني .

لا لعيبة ولا المطربين ولا الممثلين ولا أي حد من المشاهير دول قدوة ولا عمري اعتبرته انسان اتطلع إليه.. القدوة الحقيقية واللي يتحكي عنه هو الرجال أصحاب المواقف، الرجال أصحاب المبادئ والعزة والكرامة والشرف.. أيًا كان موقعهم. أهم حاجة تتغرس في ابنك هي القوة والشجاعة والشرف.

ترجع بيتك وتنام على سريرك الناعم!! وفي نفس الوقت تعرف إن فيه ناس في نفس اللحظة الآن ينتظرون لحظة الموت، ويعيشون الرعب والخوف والظلم وهم ابرياء من كل الصراعات الساسية ... أقسم بالله إنك تستصغر همومك جددددًا، أسأل الله أن يقيض لعباده الأبرياء فرجًا من عنده.

الازهر - مصر تصوير طارق وجيه 🇵🇸

في ظل غلاء الأسعار المبالغ فيه دا مهم ان ناخد بالنا من مشاعر ونظرة اللي محتاج في ناس مش قادرة تكفي احتياجات بيتها والوضع صعب ع الكل لو معانا كزا كيس مشتريات مثلا نشيله ف كيس واحد كله وهكذا

الأشياء كلها نسبية، لا يوجد مطلق، وكل إنسان عنده مبرراته