كنا بخير لولا الآخرين..

لما بتلاقي حد اتغير معاك بتبعد عنه، إنما لما انت تتغير و تبقى غريب عن نفسك بتبقي عايش تايه، لا عارف ترجع اللي فات ولا قادر تكمل اللي جاي و مفيش مجال للبعد ولا الهروب.

هتلاقي إجابات كتير بس عمرها ما هتكون إجابه كافيه للسؤال ده و لا هتمنع تفكير فيه.. أصل ليه بجد؟؟

واحد بيكتب اللي جواه هنا وهو عارف ان مفيش حاجه هتتغير ولا حد هيهتم بكلامه ولا أساسا حد عارفك يهتم يطمن عليك بس مجرد احساس كاذب بالتعبير..

بيئه العمل دي بيئه " قذره إنسانيا" و ده أكتر تعبير محترم عنها لأنها أسوأ بمراحل.

ازاي هنلوم على الغريب العيب و القريب أول حد عمله.. نتيجه ان كله اتعك في بعضه و بقوا زي بعض..كلهم بعيد.

مش معنى أن اللي قدامك كويس معاك انه حد كويس فعلا انت لو صبرت شويه هتلاقيه ندل زي الباقيين عادي بس انت استعجلت .

مواقف بتكشف حقيقه ناس اوي بشكل مرعب والله.. يا إما الواحد لسه جاهل عاطفيا فعلا و فاكر ان فيه ناس لسه في دنيا دي طيبين.

أوقات بتبقي مستني حاجه بس انت مش عايز تستناها..

اه والله بجد حاجه صعبه اوي.. الواحد مش بيلحق ياخد هدنه حتى بين الضربه و تانيه و كله ورا بعضه . الحمد لله ربنا يهونها علينا يااارب

عارفين اكيد التناقض الفكري النفسي العاطفي اللي بيخلق صراعات متعدده و غير منتهيه جوه دماغك و بيوصل لك لحاله من انعدام الرغبه و فقدان الشغف و صداع محترم و طبعا الارق كده كده مكمل معانا..

يعني شخص حيادي فكريا ف هيتعامل معاك بناء على شخصك و فكرك بدون هجوم او ترقب قائم على عقد قديمه عنده او تجارب سابقه فاشله قادر على تحمل مسوليه قراره بدون اعذار يعلق عليها اخطاؤه او توجيه لوم عليك طول الوقت بدون أدله للتهرب من المسؤليه و عنده درجه كبيره من تحكم في اهوائه و انفعالاته

عايشين بس ناقصنا حياه.. تايهين و مش لاقيين طوق النجاه.. مش عايزين غير شويه حنية و أمان و مش بنلاقي غير وجع قلوبنا في كل طريق مشيناه..

جوانا كلام كتير اوي بس للأسف مش هيغير أي حاجه..

اللي عرفته بالصدفه و المواقف خلاني أخسرهم تقريبا كلهم.. خسرتهم جوايا..مبقاش ليهم مكان زي زمان.

الواحد بقى كل أمنيته انه يلاقي حاجه واحده بس حقيقه و تكمل من غير ما تطلع كدب او وراها مصلحه مؤقته. اد ايه الحياه مع الناس صعبه و مزيفه حتى مشاعر بقت كلها fake.

دي الفتره اللي بتواجه فيها ضغوط و مواقف و صدمات من ناس بتكشف لك كل نقط ضعفك مره واحده و بتحس ب وحده و ضعف لدرجه الكسر مش بتقدر تكمل حياتك بنفس النسخه دي و بتضطر تتخلى عن حاجات كتير فيك ك محاوله بائسه منك انك تكمل حياتك بس بحد تاني غيرك لدرجه تستغرب انت مين فيهم و ازاي انطفيت كده