خناقة العلم والنشيد فكرتني بالفيلم ده😂

حاسة ان كتر استخدام مصطلحات بعينها وايجاد اسم لكل شيء بقى بيضر مش بيفيد، وبيوصم كتير من الافكار بسبب استخدام المصطلح ده عمال على بطال

زمان كنت بشوف دي حاجة حزينة، لكن اما كبرت اقتنعت ان الانسان مينفعش يبطل مذاكرة، هتبطل تذاكر وتقرا = عقلك هيتجمد وهيقف عن نقطة معينة And that isn’t what it was designed for

كل الكوارث اللي حصلت في فترة عبد الناصر سببها إيمانه الأعمى بالقومية العربية وبمسئوليته تجاه كل شعب عربي ، كان محتاج واحدة "خليك في نفسك انت ياعبدو ملكش دعوة بحد"

افتكرت ذكرى بعيدة مكنتش اعرف انها موجودة! كان في زمان مجلات لتسويق العطور ومنتجات التجميل ، وكان في جزء في اخر الصفحة لو دعكته بصباعك بتشم ريحة البرفيوم المعروض عشان تقدر تطلبه .. كانت حركة مبهرة ليا ك طفلة😂

مشكلتي مع الخطاب ده انه بيعفي الدولة من مسئولياتها وبيربطها في رقبة الناس ، فوراً يشبه المتبرعين بالأب اللي رامي عياله في حين انه فقط متبرع مش مطالب بحل ازمة اقتصادية ولا يشيل ورا الحكومة .. متبرع يعني بيتبرع بشوية فلوس هنا وهناك مينفعش تحط ايدك في جيبه عافية .. دي بجاحة

لو حد من أهلك حصله ضعف مفاجيء في إيديه أو رجليه، أو صعوبة وتقل في الكلام ⬅️ خده وروح فورا اقرب مستشفى فيها وحدة سكتة دماغية ، لان الحقنة المذيبة للجلطة بتتاخد فقط في اول ٤ ساعات من حدوث الجلطة وتجنب تماماً تديله اسبرين او حقن للسيولة او اي شيء عدا انك تتحرك فورا للمستشفى

أحدهم تذكر شيئاً 🌙🤍

أمان؟ ايه الكلمة الغريبة دي

الرحلة فردية، اسند نفسك

اصنع لنفسك منتور ، شوف حد عارف بيعمل ايه وامشي وراه على نفس الخطوات .. التفرد والكلام ده بييجي في الاخر مش فالاول

الله عليا والله

نفسي كل الصور تتلغي من التايملاين عشان بيبوظوا ال dark mode منوّر مضلّم منوّر قربت اتعمي

الست اللي كانت عند الكعبة بتقول يارب انت مش عارفني؟ انا خالتك ام علاء😂

انا دايماً كان عندي التساؤل ده، اشمعنه الازهر حرم تجسيد العشرة المبشرين بالجنة دوناً عن باقي الصحابة؟ في حين سمح مثلاً بتجسيد سيدنا حمزة سيد الشهداء وعمار بن ياسر وبلال بن رباح وخالد بن الوليد؟

هما نجحوا يحققوا حاجات كتير اوي من ١٩٤٨ لحد النهاردة، لكن في حاجة واحدة حاولوا فيها بكل الطرق وبردو فشلوا فشل ذريع .. فشلوا في التطبيع مع الشعوب، العيال هنا بتتعلم تكرههم وهما بيتعلموا أساميهم، مفيش شيء مرعب أكتر من انك تبقى متحاوط بناس كارهة وجودك ونفسها تتمحي من وش الأرض