"عفى الله عن جوفٍ به الحزن ماينشاف يكن الضيق في صدره ولا جاب له طاري"

ياحفيدة من توضّى بالفعول وكبّر قبلته صدر الجموع ومنبره بيرقها السواد اللي تلحّف رمشك المتكبّر ما تخاف سهومه الغرّا على عاشقها —- عامر بن مبشّر

اضحك ولا تهمك تفاهات الحياه اللي يدقق في الحياة ... يـملّها .

"ابسط حقوقي شجاعٍ مايخيّب ظني ابلجٍ لا من نصيته قال انا من دونك كل مايلمح دمع عيني يقوم يغني كل حاجة هيّنه إلا دموع عيونك"

استقبل الصّبح واضحك في وجيه العباد وش ذنب يومَك — يعيش بحزنك البارح

مايجذبني المُتاح اللي يّعم الجميع أنا أحب النادر اللي مايخص إلا أنا

" يا رب وردني مواريد الأبرار لا ضاقت الأرض الرحيبة بصدري "

" عندي يقين إن الليالي المقبله ماهي بـ سود أنقى من قنوف السحاب اللي تلوح بروقها ".

انا حفيدة مبعدين المراميس وانت وريث اهل النقا والزعامه طرحت سوق مدوريين النواميس طرحي لسوق مزينات اللثامه دامك معي مالي ومال الهواجيس قلبي تولع فيك واعلن هيامه .

يا طير ياللي بالجناح أليا عطاك الله كفوخ ترفعك جنحانك على متن الهوى بأدراجها وأليا ضواك الليل تمسي في رفيعات الكموخ في ليلة ٍ غدرا مقابيس النجوم سراجها لا تامن الدنيا ترا ما فوقها مبنا شموخ ان لوحت بيدينها وان اشرت بحجاجها ابن دخيل الله

هذي سنه راحت و أنا خاطـري شين عسى الجديده تـدمح إلي ورااااااااها هذي السنه ياااااااعلّها فـدوه سنين سجيّت فيها بـالخلا من شقاااااااها ١ / ١ / ٢٠٢٥ م ّ

" كل عام والطيّب من الناس معنا ولا الردي جعله يولي .. مع العام "

عموماً الإنسان يمر بضغوطات نفسيه مما يؤدي لضيقه الخاطر وقيل على سياق ذلك : ضايق وحالي ماش وعلومي علوم ودي اهج من ضيقتي ومن هدومي مرهق واعاني هم .. واطيح واقوم يا ضيقة الخاطر عن الصدر قومي .

يارب لامن صاروا العالم أشباه ميزني ، أنا ما أقدر أعيش عادي

مايرتفع من طاح قدره من العين لو يمتلي لولو من الراس للساس

ياحسنٍ كل ما طرّوا ذوات الحسن والانساب عرفت إنك من أحفاده وجدّانك من أسلافه ورثتيهم مثل ورث الملوك اللي تقص أرقاب ويزبن في ذراهم من خسر داره ومشرافه❣️

حظ من عينه صبوره وله قلبٍ سموح كل ماضاق الفضا به نهب سيارته ! ولا انا من ضيقه الصدر مدري وين اروح كل ماسلا تفهق من الخفوق ستارته. اتركوني بين هيض القريحه والجروح وبشروني بالفرج وابششروا ببشارته من يداري خاطري بالسوالف والمزوح مثل من يعطي العمى في الضحى نظّارته

جعل العوض في مقبلات الليالي ويالله عسى اللي يشرح البال نلقاه

صباح الخير نقولكم انا و عبدالله بن ربيعة رحمه الله : " لابد للعسر المنوخ تياسيـر و لابد ماتقفى النذارة بشارة " - ( كل همٍ له نهاية وكل صبرٍ له جزاء ) صدقوني مهما كان الصبر مُراً ستكون عاقبته حلوة حلوة بشدّة .. بل بشكل لا يوصف بتاتاً ❣️

ليلةٍ عنوانها : « وجد من حدّه زمانه على اللي ما يبيه »